| e-texts navigator |
| Wylie |
136a1 ཕྱག་བཞི་མ། །མདའ་གཞུ་དང་ནི་དེ་བཞིན་དུ། །རྒྱལ་མཚན་དང་ནི་ཐོད་པ་ཉིད། །ཁ་དོག་སྔོན་མོ་འཇིགས་ཆེན་མོ། །ཕག་གི་གདོང་པས་འཇིགས་པར་མཛད། །ཡི་གེ་ཕཊ་ལས་ཤིས་བྱེད་མ། །ཁ་དོག་དམར་མོ་ཕྱག་བཞི་མ། །ཐོད་པ་དང་ནི་ལྕགས་ཀྱུ་ཉིད། །དེ་བཞིན་ཁ་ཊྭཱཾ་ཅང་ཏེའུ། །ཡི་གེ་ཧ་ལས
136a2 གཞོན་ནུ་མ། །ཁ་དོག་སེར་མོ་ཕྱག་བཞི་མ། །རྩེ་གསུམ་དང་ནི་འཕན་ལྕེ་གསུམ། །དེ་བཞིན་གཞུ་དང་མདའ་ཉིད་དོ། །ཧོ་ཡིག་ལས་ནི་རྒན་བྱད་མ། །ཁ་དོག་ནག་མོ་ཕྱག་བཞི་མ། །ཁ་ཊྭཱཾ་ག་དང་ཐོད་པ་ཉིད། །དེ་བཞིན་རལ་གྲི་ཅང་ཏེའུ། །བ~ཾ་ཡིག་ལས་བྱུང་ཚངས་པ་མོ། །ཁ་དོག་དཀར་མོ་ཕྱག་བཞི་མ། །པདྨ་དང་ནི
136a3 ཐོད་པ་ཉིད། །དེ་བཞིན་གཞན་ན་གཞུ་དང་མདའ། །གྷ་ཡིག་ལས་བྱུང་ཚོགས་དབང་མོ། །སྔོ་བསངས་མདོག་ལ་ཕྱག་བཞི་མ། །རྩེ་གསུམ་དེ་བཞིན་ཐོད་པ་དང་། །བགྲང་ཕྲེང་དང་ནི་ལ་དུའོ། །པ~ཾ་ཡིག་ལས་ནི་ཁྱབ་འཇུག་མ། །ཁ་དོག་སྔོན་མོ་ཕྱག་བཞི་མ། །དབྱུག་ཏོ་དང་ནི་ཐོད་པ་འཛིན། །དེ་བཞིན
136a4 ཞགས་པ་རལ་གྲི་བཞིན། །ཡི་གེ་ལས་བྱུང་དབང་པོ་མ། །ཁ་དོག་སེར་མོ་ཕྱག་བཞི་མ། །རྡོ་རྗེ་གསལ་ཤིང་ཐོད་པ་དང་། །སྡིགས་མཛུབ་དང་ནི་ཞགས་པའོ། །ཀུན་ཀྱང་དབུ་སྐྲ་གྱེན་དུ་འབར། །སྣ་ཚོགས་རྒྱན་གྱིས་རྣམ་པར་བརྒྱན། །སྤྱན་གསུམ་དང་ནི་རོ་ལ་ཞོན། །སྟག་གི་པགས་པའི་སྨད་དཀྲིས་ཅན། །
136a5 ཤར་གྱི་སྒོ་ནི་ཚངས་པ་བྲི། །ཁ་དོག་དཀར་པོ་ཞལ་བཞི་པ། །ཐོད་པ་དང་ནི་བགྲང་ཕྲེང་དང་། །གནྡྷ་དང་ནི་པདྨའོ། །བྱང་དུ་དེ་བཞིན་ཁྱབ་འཇུག་སྟེ། །ཁ་དོག་ནག་པོ་ལག་བཞི་པ། །རལ་གྲི་དེ་བཞིན་འཁོར་ལོ་དང་། །ཐོད་པ་དང་ནི་དབྱུག་པའོ། །ལྷོ་རུ་དྲག་མོ་བྲི་བྱ་སྟེ། །དུ་བའི་མདོག་ལ་ལག
136a6 བཞི་པ། །རྩེ་གསུམ་ཉིད་དང་ཀ་པཱ་ལ། །དེ་བཞིན་ཞགས་པ་བགྲང་ཕྲེང་འཛིན། །ནུབ་ཏུ་ཀརྟི་ཀ་བྲི་སྟེ། །ཁ་དོག་སེར་པོ་ལག་བཞི་པ། །དཔའ་བོ་གསལ་ཤིང་དབྱུག་པ་དང་། །དེ་བཞིན་ཐོད་པ་བགྲང་ཕྲེང་འཛིན། །དབང་ལྡན་ཁྱུ་མཆོག་ལ་ཞོན་པ། །ཁ་དོག་དཀར་པོ་ལག་བཞི་པ། །ཐོད
136a7 པ་དང་ནི་རྩེ་གསུམ་འཛིན། །དེ་བཞིན་གཞན་ནི་ཐལ་མོ་སྦྱར། །གླང་པོ་ཞོན་པ་དབང་པོ་སྟེ། །ཁ་དོག་སེར་པོ་ལག་བཞི་པ། །རྡོ་རྗེ་དང་ནི་ཐོད་པ་འཛིན། །གཞན་ནི་ཐལ་མོ་ཁ་སྦྱར་བྱེད། །ར་སྐྱེས་ཞོན་པ་མེ་ཕྱོགས་འཛིན། །ཁ་དོག་དམར་པོ་ལག་བཞི་པ། །མེ་ཐབ་དང་ནི་ཐོད་པར
iiif viewer powered by OpenSeadragon
