| e-texts navigator |
| Wylie |
135a1 ཚོམ་མེད་པར་བསྐྱེད་པ་ཡི། །མཁའ་འགྲོ་མ་ཡི་སྙིང་པོ་བཤད། །མཚན་མ་གཉིས་ལ་སྔགས་མཉམ་སྦྱར། །དཔའ་བོ་མཁའ་འགྲོ་མ་གཉིས་མེད། །རབ་ཏུ་སྦྱོར་བའི་དོན་འདི་དག་།རྣལ་འབྱོར་མ་ལ་རབ་ཏུ་བསྒྲུབ། །དེ་ལས་འགྲུབ་པར་རབ་ཏུ་གྲགས། །ལྷ་དང
135a2 ལྷ་མིན་མིར་བཅས་རྣམས། །བསྒྲུབ་བྱ་རྣམས་ནི་མྱུར་བར་འདིས། །ཇི་བཞིན་རྟག་ཏུ་ཉེ་བ་དང་། །རིང་ཡང་དེ་བཞིན་མྱུར་བསྐྱེད་དེ། །འདི་དག་ཉེ་བར་འགྱུར་བ་ནི། །དེ་ཡི་གཟུགས་སྐུ་འགུགས་པར་བྱེད། །པདྨའི་ལྟེ་བར་རབ་གནས་ལ། །དབུགས་ཀྱི་བརྡ་ཡིས་བསྒོམ་པར་བྱ། །
135a3 དེར་ནི་སྣ་ཚོགས་སྐུ་བསམས་ཏེ། །སྣ་ཚོགས་སྐུ་ལ་མཆོད་བྱ་ཞིང་། །བྱང་ཆུབ་སེམས་ནི་རྟོགས་བྱས་ནས། །བདག་ཉིད་རབ་ཏུ་སྦྱར་བར་བྱ། །མཁའ་འགྲོ་མ་དང་མཉམ་སྦྱོར་བ། །དེ་ལ་མཁའ་བཞིན་གནས་པར་བྱ། །འབྱུང་གནས་ཐམས་ཅད་དེ་ལྟ་ཉིད། །དེར་ནི་མཁའ་འགྲོ་མ་ཀུན
135a4 ནོ། །གནས་སོགས་འབྱུང་གནས་མཁའ་འགྲོ་མ། །ཡུལ་རྣམས་ཀུན་ལ་གནས་པ་ཡིན། །ཡུལ་ཡུལ་དུ་ནི་སྐྱེས་ལྡན་མ། །རང་སྐྱེའི་གནས་སུ་ཡང་དག་བཤད། །དཀྱིལ་འཁོར་ལ་ཞུགས་མཁའ་འགྲོ་མ། །དེ་ནས་མཚན་མོ་ཤར་ནས་བཟའ། །དེ་ཡིས་མཉམ་པར་རབ་སྦྱར་ནས། །
135a5 སྔགས་པས་རྟག་ཏུ་རབ་བསྒྲུབ་བྱ། །དེར་ནི་རོལ་པ་ཆེན་སྤྱོད་ཅིང་། །ཐམས་ཅད་སྒྱུ་མ་ལྟ་བུར་བསྒྲུབ། །དམ་ཚིག་རང་བཞིན་དུ་བྱས་ནས། །དེ་ལ་སྡོམ་པ་རབ་སྐྱེ་བ། །སྣང་མེད་དགའ་བར་རང་རིག་པའོ། །དེ་དག་ནི་དཔལ་རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལེའུ་བཅུ་གསུམ
135a6 པའོ། ། །།དེ་ནས་ཡང་དག་བཤད་བྱ་བ། །མ་མོའི་དཀྱིལ་འཁོར་དགེ་བ་དང་། །ལྷ་རྣམས་ཀུན་གྱི་སྒྲུབ་ཐབས་ཀུན། །ཕོ་ཉ་རྣམས་ཀྱི་ཁྱད་པར་དང་། །འབྱུང་པོ་གདོན་དང་རིག་པ་ཆེ། །ལུས་སྲུལ་པོ་ནི་གང་ཞིག་དང་། །དེ་བཞིན་སྔགས་ཀྱི་ཕྲེང་བ་དང་། །དེ་ལྟར་བཤད་ཀྱིས་ལྷ་མོ
135a7 ཉོན། །གྲུ་བཞི་པ་ལ་སྒོ་བཞི་པ། །སྒོ་སྐྱོང་རྣམས་དང་ཡང་དག་ལྡན། །དངོས་གྲུབ་ཡོན་ཏན་ཀུན་གྱི་གཞི། །དཀྱིལ་འཁོར་མཛེས་པར་བྲི་བར་བྱ། །འདོད་པའི་ཡོན་ཏན་ལྔ་དང་ལྡན། །ཉེ་བར་སྤྱོད་པ་ལྔ་ཡིས་བརྒྱན། །རི་མོ་མཁན་ནི་དམ་ཚིག་ཅན། །སྒྲུབ་པོ་མཆོག་གིས་འདྲི་རུ
iiif viewer powered by OpenSeadragon
