| e-texts navigator |
| Wylie |
134b1 ཅུང་ཟད་སེར། །གཡོན་ན་ཁ་ཊྭཱཾ་ག་ཞགས་པ། །ཕྱག་གཡས་ཅང་ཏེའུ་ཐོད་པ་ཉིད། །ནུབ་ན་དམར་བའམ་ཅུང་ཟད་སེར། །འབད་པས་མདའ་དང་གཞུ་འཛིན་ཅིང་། །ཐོད་པ་སྣ་ཚོགས་པདྨ་དག་།གཡས་དང་གཡོན་གྱི་ཕྱག་ནའོ། །ལྷོ་ན་དཀར་བའམ་སེར་བའམ། །གཡོན་ཕྱག་རྩེ་གསུམ
134b2 རིན་པོ་ཆེ། །གཡས་ན་དེ་བཞིན་ཐོད་པའོ། །གླང་པོ་དང་ནི་ཅེ་སྤྱང་དང་། །མི་དང་བ་ལང་ཉིད་དག་ནི། །ཐོད་པ་རྣམས་ན་ཆོ་ག་བཞིན། །དང་པོར་ལྟུང་བར་བྱེད་མ་ཉིད། །གཉིས་པ་གསོད་མར་བྱེད་མ་སྟེ། །གསུམ་པ་འགུགས་མར་བྱེད་མའོ། །བཞི་པ་གར་གྱི་དབང་ཕྱུག་མའོ། །རིག་མ་དེ
134b3 དག་དབུ་སྐྲ་ནི། །གྱེན་དུ་འབར་ཞིང་རྒྱན་རྣམས་ཀྱིས། །བརྒྱན་ནས་གར་མཛད་བཞུགས་པའོ། །མཚམས་བཞིར་གནས་པའི་ཐོད་པར་ནི། །སངས་རྒྱས་གཟུགས་ལྔས་ཉེ་བར་བརྒྱན། །བཏུང་བ་མཆོག་དང་ཡང་དག་ལྡན། །དང་པོར་ཡི་གེར་ཡང་དག་ལྡན། །སྐད་ཅིག་ལས་ནི
134b4 འབར་བར་བསམ། །ལྷ་མོ་དེ་ལྟར་བསྒོམ་བྱས་ནས། །འབྲས་བུ་ནོར་གྱི་དངོས་གྲུབ་འཐོབ། །རིག་པ་ཆེན་པོ་སྦྱོར་འགྲུབ་པ། །ཡང་དག་མངོན་སུམ་རབ་ཏུ་བསྒོམ། །མི་སྣང་བར་གནས་ཐམས་ཅད་བདག་།རྣལ་འབྱོར་པས་ནི་ཡུད་ཀྱིས་མཐོང་། །ལྷ་མཆོག་ལས་སྐྱེས་བུ་མོ་རྣམས། །སངས
134b5 རྒྱས་ཀུན་ལ་འཕྲོགས་ནས་སྤྱོད། །རྡོ་རྗེ་གསུམ་གྱི་གནས་བཞུགས་པའི། །སངས་རྒྱས་གང་གཱའི་བྱེ་མཉམ་རྣམས། །རང་ལག་སྐྱུ་རུ་ར་བཞག་བཞིན། །རྡོ་རྗེ་མིག་གིས་མཐོང་བར་འགྱུར། །གང་གཱའི་བྱེ་མཉམ་སངས་རྒྱས་ཞིང་། །སྐུ་གསུང་ཐུགས་རྣམས་ཀྱིས་མཚན་པའི། །སེམས་དངོས
134b6 གར་མཁན་དངོས་པོ་ནི། །ཐམས་ཅད་བདག་ཉིད་དུ་མཐོང་འགྱུར། །རྒྱུད་དང་སྔགས་རྣམས་རྣམ་བསྒོམས་པ། །ཡི་གེ་ཕྱིན་ཅི་ལོག་ཏུ་སྦྱར། །མཆོག་ཏུ་གསང་བ་འདི་དག་ནི། །ཁྱོད་ལ་ལེགས་པར་བཤད་པ་ཡིན། །མཁའ་འགྲོ་མ་ཀུན་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག་།
134b7 རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེས་དེ་སྐད་གསུངས། །འདི་དག་ནི་རྡོ་རྗེ་མཁའ་འགྲོའི་རྒྱུད་ཆེན་པོ་ལས། རྡོ་རྗེ་མཁའ་འགྲོ་ཆེན་པོ་བཞེངས་པའི་ལེའུ་སྟེ་བཅུ་གཉིས་པའོ།། །།དེ་ནས་དངོས་གྲུབ་ཀུན་སྟེར་བ། །གང་གིས་དངོས་གྲུབ་མྱུར་བྱེད་ཅིང་། །ཐེ
iiif viewer powered by OpenSeadragon
