| e-texts navigator |
| Wylie |
133b1 ཚིག་ལས་ནི་སྔགས་པར་གནས། །རྟག་ཏུ་འབྲས་སྐྱེས་སྟོབས་བརྟེན་ཅིང་། །རྣལ་འབྱོར་མ་རྣམས་སྨད་མི་བྱ། །རྗེས་སུ་འཇུག་རྣམས་མི་བཟློག་གོ། །དམ་ཅན་མི་རྣམས་ལ་མི་སྨད། །བརྩོན་ལྡན་རྣམས་ལ་གནོད་མི་བྱ། །འདི་རྣམས་དང་ལྡན་ཅིག་བདེར་བྱ། །གྲོལ་བར་འདོད་པ་དེ་དོན་དུ། །
133b2 དམ་ཚིག་རྣམས་ནི་སྤྱད་པར་བྱ། །སངས་རྒྱས་རྣམས་ཀྱིས་གསུངས་པ་ལ། །ཅུང་ཟད་ཙམ་ཡང་སྨད་མི་བྱ། །ཁྲོས་ཏེ་རབ་སྦྱོར་འགའ་མི་བྱ། །སྔགས་ལ་སྦྱར་བར་མི་བྱའོ། །དཔལ་རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལེའུ་བཅུ་གཅིག་པའོ།། །།རྡོ་རྗེ་མཁའ་འགྲོ་སྒྲུབ་པའི་ཐབས། །
133b3 ང་ཡིས་བཤད་ཀྱིས་ལྷ་མོ་ཉོན། །དང་པོར་བསྒོམ་བྱ་རོ་ཉིད་དེ། །ཆོས་དབྱིངས་དག་ཏུ་རིག་པར་བྱ། །དེ་ཡི་སྟེང་ནུས་རྣལ་འབྱོར་པ། །གོ་འཕང་མཆོག་ནི་བསྒོམ་བྱས་ཏེ། །དེ་ཉིད་དུ་ནི་རྣམ་པར་དགོད། །རང་གི་སྙིང་གའི་ཟླ་དབུས་སུ། །འོད་ལས་ལྷ་མོ་ཀུན་ཕྱུང་བ། །ཕྱག་འཚལ་མཆོད
133b4 སོགས་འདི་ལྟར་གསུངས། །དང་པོར་སྙིང་གར་ཟླ་དབུས་སུ། །ཡི་གེ་ཨ་ཡིས་ཟླ་དཀྱིལ་འཁོར། །རྣམ་པར་བསམས་ལ་དེ་སྟེང་དུ། །ཡི་གེ་ཧཱུ~ཾ་ནི་རྣམ་པར་བསྒོམ། །དེ་ནས་བྱམས་པའི་སེམས་བྱས་ཏེ། །དེ་ནས་རེ་ཞིག་དཀྱིལ་འཁོར་བྲི། །གྲུ་བཞི་པ་ལ་སྒོ་བཞི་པ། །ཁ་ཁྱེར་རྡོ་རྗེས
133b5 ངེས་པར་མཚན། །སྐུད་པ་བཞི་དང་ཡང་དག་ལྡན། །འཕན་གྱི་ཕྲེང་བ་ཤིན་ཏུ་མཛེས། །དཀྱིལ་འཁོར་ཀུན་གྱི་གྲཝ་རྣམས་དང་། །སྒོ་ཁྱུད་ཀྱི་ནི་མཚམས་རྣམས་སུ། །རྡོ་རྗེ་རིན་པོ་ཆེས་མཚན་པར། །དཀྱིལ་འཁོར་ཕྱི་རིམ་ཐིག་གདབ་བོ། །ཤེས་རབ་ཅན་གྱིས་ཐིག་གདབ་བོ། །འཁོར
133b6 ལོའི་ཕྲེང་བས་རྣམ་པར་མཛེས། །དེ་ནང་དུ་ཡང་པདྨ་ནི། །མདོག་དཀར་རབ་ཏུ་མཛེས་པ་བྲི། །གཞན་ཡང་དེ་ཡི་སྟེང་དུ་ནི། །མདོག་དམར་པདྨ་འོད་དང་ལྡན། །པདྨའི་ཕྲེང་བས་བསྐོར་བས་སོ། །སྔགས་པས་དེ་ཡི་ནང་དུ་ཡང་། །རྡོ་རྗེ་ཕྲེང་བ་འཁྲིགས་པར་བྲི། །ཡང་ན་པད་ཆེན་འདབ་བརྒྱད
133b7 པ། །ིནྡྲ་ནཱི་ལའི་འོད་མཉམ་པའོ། །དེ་དབུས་དཀྱིལ་འཁོར་ལྔས་བརྒྱན་པར། །གཡས་ན་རྡོ་རྗེ་གཙོ་བོ་བཞུགས། །རི་རབ་རི་ཡི་སྟེང་དུ་ནི། །སྣ་ཚོགས་གཟུགས་ཅན་ཡིད་འོང་བ། །སངས་རྒྱས་བྱང་ཆུབ་སེམས་དཔའ་རྣམས། །ཐམས་ཅད་བདག་ལ་དགོངས་སུ་གསོལ། །བདག་མིང་ཆེ་གེ་མོ་ཞེས
iiif viewer powered by OpenSeadragon
