| e-texts navigator |
| Wylie |
133a1 སྐེམས་པར་བྱེད་པ་དང་། ཆུ་བོ་རྒྱུན་ཕྱོགས་ལས་ཟློག་པར་བྱེད་པ་དང་། དབང་པོ་ཟློག་པར་བྱེད་པས་དུར་ཁྲོད་ཀྱི་སོལ་བ་ལ་ཇི་ཙམ་འདོད་པ་བཟླས་ནས་གང་ལ་བསྣུན་ན། དེ་དེའི་སྐད་ཅིག་མ་ཉིད་ལ་ལྟུང་ངོ་། །དུར་ཁྲོད་ཀྱི་སོལ་བ་ལ་ཡོངས་སུ་བཟླས་ཏེ། གང་ལ་བསྣུན་ན་དེ་དེའི་སྐད་ཅིག
133a2 ཉིད་ལ་ཤ་ཟས་འཛིན་ནོ། །དཔལ་རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལེའུ་བརྒྱད་པའོ།། །།དེ་ནས་གཞན་ཡང་བཤད་བྱ་བ། །མཁའ་འགྲོ་མ་ཡི་སྤྱོད་པ་སྟེ། །དཔའ་བོའི་དཔའ་དང་ཆ་བླངས་མ། །གང་གིས་ཕོ་ཉར་ཤེས་བྱས་ཏེ། །དཔའ་བོས་མཛེས་མ་སྤྱད་པར་བྱ། །ས་ནི
133a3 རྟེན་དུ་བྱས་ནས་ནི། །དམ་པའི་སྤྱོད་པའི་བཟླས་བརྗོད་བྱ། །རིམ་ལས་བཟློག་པའི་ལྡང་ཚུལ་དང་། །ཁ་ཡི་རང་བཞིན་འཇིགས་བག་ཅན། །རྟག་ཏུ་སྨྱོན་མ་བསུས་པའི་གདོང་། །ཆོས་ཀྱི་རིམ་པ་མྱུར་ཤེས་པ། །མཁའ་འགྲོ་མ་ཡི་རྣམ་སྤྱོད་ཡིན། །རི་མོ་གསུམ་པོ་ཡོངས་ཟླུམ་པོར། །
133a4 རིམ་དང་རིམ་བཟློག་ཇི་བཞིན་ཤེས། །འགྲོ་དང་འོང་བས་མཁའ་འགྲོ་མའི། །མཚན་མ་ཀུན་གྱི་མཚན་ཉིད་དོ། །དགྲོལ་ལས་བཞིན་གྱི་གཉེར་མ་ཅན། །ཇི་ཞིག་གིས་ནི་སླར་ལྡོག་བྱེད། །དེ་ལས་རྡོ་རྗེའི་དགུག་པ་གསལ། །དེ་དབྱངས་ཀོ་ཀི་ལ་ཡི་སྐད། །རྣལ་འབྱོར་དམ་པ་དེ་ལྟའི་དངོས། །
133a5 ཤེས་པར་བྱས་ན་དངོས་གྲུབ་སྟེར། །དེ་ལ་མཚན་ཉིད་བསམ་བྱས་ན། །དེ་ཡིས་དེ་ཡི་དངོས་པོར་འགྱུར། །དཔལ་རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལེའུ་དགུ་པའོ།། །།དངོས་གྲུབ་ཀུན་ནི་རབ་སྟེར་བ། །ང་ཡིས་བཤད་ཀྱིས་ལྷ་མོ་ཉོན། །ལུས་ངག་སེམས་ལ་རྟག་ཏུ་ནི། །ཡིད་ཀྱི་རྡུལ
133a6 དང་བྲལ་བར་བྱ། །མཁའ་འགྲོ་ཀུན་དང་མཉམ་སྦྱོར་བའི། །ལུས་ཀྱི་དཀྱིལ་འཁོར་རྣམ་བསམ་པར། །གང་དུའང་ཕོ་ཉ་མོ་གནས་མིན། །ཡོངས་སུ་བསྒོམས་པས་འོང་མིན་གྱི། །དད་པ་ཙམ་གྱིས་གཟུང་བྱ་སྟེ། །མིག་དང་ལག་པས་མ་ཡིན་ནོ། །གསང་བ་འདི་གསལ་མི་བྱ་ཞིང་། །རབ་ཏུ
133a7 འབད་དེ་སྦ་བར་བྱ། །རྣལ་འབྱོར་མ་རྣམས་ཀུན་བསྡུས་ལྟ། །དེ་ཕྱིར་ལུས་ཉིད་དུ་མི་བལྟ། །དཔལ་རྡོ་རྗེ་མཁའ་འགྲོའི་རྒྱུད་ཆེན་པོ་ལས་ལེའུ་བཅུ་པའོ།། །།དེ་ནས་གཞན་ཡང་བཤད་བྱ་བ། །དམ་ཚིག་སྤྱོད་པའི་སྤྱོད་ཡུལ་ཏེ། །དམ་ཚིག་རབ་བསྲུངས་རབ་འགྲུབ་སྟེ། །དམ
iiif viewer powered by OpenSeadragon
