| e-texts navigator |
| Wylie |
130b1 ཅད་པ། །རང་ཉིད་རྟག་ཏུ་ཐམས་ཅད་ཀུན། །མཁའ་འགྲོ་ཀུན་ཀྱང་མཉམ་སྦྱོར་བའོ། །རྡོ་རྗེ་མཁའ་འགྲོ་བདེ་བའི་མཆོག་།བཟླས་དང་བསྒོམ་པའི་རབ་སྦྱོར་གྱིས། །འགྲུབ་པར་འདི་ལ་ཐེ་ཙོམ་མེད། །ཐུན་མཚམས་ནས་ནི་རབ་སྦྱོར་བས། །མཆོག་གི་སྡོམ་པ་བསྒོམ་པར་བྱ། །
130b2 འབུམ་རྫོགས་ནས་ནི་རྡོ་རྗེ་ཆེ། །ཁྲོ་བོའི་རྒྱལ་པོ་དང་མཉམ་འགྱུར། །རྡོ་རྗེ་འཛིན་པ་ཆེན་པོ་ཡི། །ཚེ་དང་མདོག་དང་ན་སོ་དང་། །གཟུགས་དང་སྟོབས་དང་བརྩོན་འགྲུས་དང་། །རྫུ་འཕྲུལ་གྲུབ་པ་ཆེན་པོར་ལྡན། །སེམས་ཅན་དོན་བྱེད་ནུས་པར་འགྱུར། །ཡང་ན་གསང་སྔགས
130b3 ཏིང་འཛིན་གྱིས། །ཅུང་ཟད་ཙམ་ཞིག་བཟླས་པ་བྱ། །ལས་ནི་བརྒྱ་ཙམ་བྱེད་པར་འགྱུར། །འདི་ལྟ་སྟེ། བརྟན་པ་དང་། གཡོ་བ་ཐམས་ཅད་ངེས་པར་གནོན་པ་དང་། ལྟུང་བར་བྱེད་པ་དང་། འཇིག་པར་བྱེད་པ་དང་། རྒྱས་འདེབས་པ་དང་། ལྐུགས་པར་བྱེད་པ་དང
130b4 རེངས་པར་བྱེད་པ་དང་། དབུགས་འབྱིན་པར་བྱེད་པ་དང་། རྨོངས་པར་བྱེད་པ་དང་། འཆིང་བ་དང་། འགྱེས་པ་དང་། དབང་དུ་བྱེད་པ་དང་། རྣམ་པར་སྒྱུར་བར་བྱེད་པ་དང་། སྨྱོ་བར་བྱེད་པ་དང་། རྣམ་པར་འགྱུར་ཞིང་སྐྲོད་པར་བྱེད་པ་དང་། སྡང་བ་དང་། ནོར་རྫས་འཇོམས
130b5 ཤིང་འཇིགས་པར་བྱེད་པ་དང་། ངུད་མོ་བྱེད་དུ་འཇུག་པ་དང་། བསྡིགས་པར་བྱེད་པ་དང་། བདག་ཉིད་བཅིངས་ནས་འཚོག་པ་དང་། བརྡུང་བ་དང་། ལོང་བར་བྱེད་པ་དང་། ས་བོན་འཇོམས་པར་བྱེད་པ་དང་། རིམས་དང་། ཁོང་ནད་དང་། དུག་གིས་འཛིན་པ་དང་། རང
130b6 གིས་བརྐོས་ནས་འཇུག་པ་དང་། དམྱལ་བར་ལྟུང་བར་བྱེད་པ་དང་། དུད་འགྲོའི་གནས་ཡོངས་སུ་སྒྱུར་བར་བྱེད་པ་དང་། སྐྱེས་པ་བུད་མེད་དུ་བྱེད་པ་དང་། བུ་ཆུང་ལྟོ་ནས་ལྟུང་བྱེད་པ་དང་། བྷ་ག་འཆིང་བ་དང་། མ་ནིང་དུ་བྱེད་པ་དང་། འདོད་པ་ལ་ཆགས་ལ་སྙོམ་པར་བྱེད་པ་དང་།
130b7 རྒོད་ཅིང་འཆིང་བ་དང་གཞན་གྱིས་རང་གསོད་དུ་འཇུག་པ་དང་། མཚོན་རྡུག་པར་བྱེད་པ་དང་། དགོས་དགུ་བྱེད་པ་དང་། ཡུད་ཀྱིས་སྐྲོད་པ་དང་། གཅེར་བུར་བྱེད་པ་དང་། བྷ་ག་དང་བཤང་ལམ་སྒྲོགས་པར་བྱེད་པ་དང་། བྷ་ག་དང་བཤང་ལམ་རང་ལུག་ཏུ་བྱེད་པ་དང་། ཁུ་བ་ཁྲག་ཏུ
iiif viewer powered by OpenSeadragon
