| e-texts navigator |
| Wylie |
129a1 སྟེང་དུ་བརྒྱན། །དེ་ནས་རྗོད་བྱེད་ར་ལ་ཞོན། །སྤྱི་གཙུག་ཏུ་གནས་དབང་ཕྱུག་དང་། །རྗོད་བྱེད་པ་ཡི་འཁོར་འགྱུར་བ། །ཡང་དང་ཡང་དུ་གཞག་པར་བྱ། །རྗོད་བྱེད་ར་ལ་བསྐྱོན་པ་དང་། །ེ་ཡིག་རྣ་བ་དག་ལ་བརྒྱན། །དེ་ནས་རྗོད་བྱེད་ར་ཉིད་ནི། །ཡང་ནི
129a2 ལྔ་པ་དག་ལ་བསྐྱོན། །འདི་ཡང་ཐམས་ཅད་པ་ཉིད་དེ། །རྗོད་བྱེད་མགོ་བོར་ཟླ་ཕྱེད་བརྒྱན། །ལྔ་པ་དང་ལྡན་ཉིས་འགྱུར་བྱ། །ཀུན་གྱི་མགོན་པོ་དེ་ཉིད་མཆོག་།ཕཊ་དང་རིན་ཆེན་དག་གིས་བརྒྱན། །ཧ་ནི་མཇུག་ཐོགས་ཉིད་དུའོ། །རྣམ་པར་སྣང་མཛད་ཀྱི་ཚོགས་ཀུན་ལ
129a3 ཡོངས་སུ་མཉེས་པར་བྱའོ། །བཅོམ་ལྡན་འདས་རྡོ་རྗེ་སེམས་དཔའ་དེ་བཞིན་གཤེགས་པས་དཔའ་བོ་དྲུག་དང་མཉམ་པར་སྦྱོར་བའི་མཁའ་འགྲོ་མ་དྲ་བའི་སྡོམ་པས་དེ་སྐད་ཅེས་བཀའ་སྩལ་ཏོ། །ཡང་འདིར་ཧཱུ~ཾ་ཡིག་ལས་བྱུང་བར། །སྣ་ཚོགས་པདྨ་ཉི་དཀྱིལ་འཁོར། །ལས་ཀྱི་རྡོ་རྗེ
129a4 དབུས་གནས་པར། །དེ་ཉིད་ཧཱུ~ཾ་ནི་རྣམ་བསྒོམས་ཏེ། །འོད་ཕྲེང་དུ་མ་ལྡན་པ་ཡི། །མཁའ་འགྲོ་ཡི་ནི་འཁོར་ལོ་སྤྲོ། །ཞལ་གཅིག་ཕྱག་གཉིས་སྤྱན་གསུམ་མ། །ཁ་དོག་དམར་མོ་འཇིགས་ཆེན་མོ། །འཇིགས་པའི་དངོས་པོའི་ང་རོ་ཅན། །སྤྱན་གསུམ་དབུ་སྐྲ་ཁམ་སེར་གྱེན། །
129a5 ན་སོ་གཞོན་བྱེད་ཕུན་ཚོགས་མ། །སྟག་གི་པགས་པའི་སྨད་དཀྲིས་ཅན། །འཇིགས་བྱེད་ཆེན་པོ་ལྗགས་འདྲིལ་མ། །འཇིགས་པ་ཡང་ནི་འཇིགས་མཛད་མ། །མཁའ་འགྲོ་མ་ཀུན་དང་མཉམ་སྦྱོར། །རྡོ་རྗེ་མཁའ་འགྲོར་རབ་གྲུབ་པའོ། །བཅོམ་ལྡན་འདས་རྡོ་རྗེ་འཛིན་པ
129a6 རྡོ་རྗེ་སེམས་དཔའ་དེ་བཞིན་གཤེགས་པས་དེ་སྐད་ཅེས་བཀའ་སྩལ་ཏོ། །སྔོན་གྱི་རིམ་པ་ཇི་བཞིན་དང་། །མེ་དང་མཉམ་པ་གཉིས་བརྗོད་དང་། །ཀ་ར་ཀ་ར་བདུན་པ་སྦྱར། །བནྡྷ་དེ་བཞིན་དགྲ་སྙིང་སྟེ། །འདི་ཡང་ལན་གཉིས་རྗོད་པར་བྱེད། །ས་སྡེ་ལ་ནི་མ་དང་ཨ། །འཇིག
129a7 རྟེན་གཟུགས་བྲལ་གྱི་མཐར་གནས། །རང་བཞིན་འདི་ཡང་གཉིས་སུ་བརྗོད། །གཞན་དང་གཞན་དང་ལྡན་པར་བྱ། །བྷ་ཛ་དག་དང་ཉེར་གནས་པ། །དེ་ནི་ལན་གཉིས་དག་ཏུ་བརྗོད། །རྗོད་བྱེད་ལ་ནི་གསུམ་པ་དང་། །ཁོང་ན་གནས་པས་ལྡན་པར་བྱ། །དེ་ནས་ཟླ་བ་གཞོན་ནུ
iiif viewer powered by OpenSeadragon
