| e-texts navigator |
| Wylie |
126b1 ཡོད་པའི་བདེ་བ་ཆེན་པོའི་དམ་ཚིག་ཅེས་བྱ་བའི་ཏིང་ངེ་འཛིན་གྱི་རིམ་པར་བྱ་བ་གསུངས་པ། ཇི་སྲིད་འཁོར་བའི་གནས་ན་མཁྱེན་པ་མཆོག་དང་ལྡན་པ་བཞུགས་པར་གྱུར་པ་དེ་སྲིད་དུ་སེམས་ཅན་གྱི་དོན་ཐམས་ཅད་ནུས་པ་མཚུངས་པ་མེད་པར་མི་ལྡོག་སྟེ། འདི་ཉིད་ཀྱིས་ན་སེམས་ཅན་དམ་པ
126b2 དེ་སྲིད་པའི་ཞགས་པ་ནི་རྟག་ཏུ་མི་འཇིགས་པ་དང་། བརྩོན་འགྲུས་ཀྱིས་སེམས་ཅན་གྱི་དོན་མི་འདོར་བར་རྟག་ཏུ་མྱུར་བར་བྱེད་པ་དང་། སྨོན་ལམ་དག་པའི་ཕྱིར་ན་ནམ་མཁའི་གནས་གཞི་ཇི་ཙམ་དུ་གྱུར་པ་དང་། སྲིད་པ་དག་ཕྱིར་སེམས་ཅན་གྱི་དོན་སེམས་ཀྱི་འདོད་པའི་ནུས་པ་ཅན་ཏེ། དེ་དག
126b3 ནི་ལྷའི་བུ་རྣམས་རྟག་ཏུ་ཆགས་པའི་དགའ་བ་ཅན་རྣམས་དང་། །གཞན་ཡང་འདོད་ཆགས་ཅན་རྣམས་ཀྱི་དོན་དུ་ཆགས་པ་རྣམ་པར་དག་པའི་ཕྱིར་ན་བསྐལ་པར་ཡང་མི་ཟད་པའི་བདེ་བ་ཆེན་པོ་རྣམ་པར་དག་པ་སྦྱིན་པར་བྱ་བའི་ཕྱིར་ཏེ། གདོད་མ་ནས་གནས་གཞི་མེད་པ་བསྐལ་པ་ལ
126b4 སོགས་པ་ཐམས་ཅད་དུ་བསྟན་པ་མངོན་དུ་གདོད་མ་ནས་བྱུང་བ་བསྐལ་པ་ཐོག་མ་ནས་བདེ་བ་ཆེན་པོ་རྡོ་རྗེ་སེམས་དཔའང་དེར་ལྷག་པའི་ལྷ་གཅིག་པུར་ཡོད་དེ། སེམས་ཅན་ཐམས་ཅད་སྐྱེད་པར་བྱེད་པ་འཇིག་རྟེན་གྱི་ཁམས་ཐམས་ཅད་ཀྱི་རྩེ་མོ་སྟེ། གླུ་དང་དབྱངས་སོགས་རོལ་མོ
126b5 དང་། །དངོས་པོ་ཀུན་བདག་དེ་ཡི་ཕྱིར། །ད་ནི་ཀུན་དུ་བདེ་བར་བཞུགས། །སེམས་དཔའ་ཐམས་ཅད་བསྐྱེད་པ་ཡིན། །འདོད་ལ་ཆགས་པ་རྣམ་བྲལ་བ། །དེར་བྱུང་བ་ཡི་སེམས་དཔའ་རྣམས། །གདུལ་བྱ་དེ་རྣམས་མཁྱེན་པ་སྟེ། །ཡི་གེ་ལས་བྱུང་རྣམ་པར་སྤངས། །
126b6 ཡེ་ཤེས་འདི་དེ་མཆོད་པར་བྱ། །དེ་ཡོངས་མཆོད་ན་མཆོད་པར་བྱ། །དེ་ཡོངས་མཆོད་ན་སྲིད་པ་ཟད། །འོ་ན་ཡེ་ཤེས་ལས་སྲིད་བྱུང་། །རང་བཞིན་དངོས་པོ་བེམས་པོ་མིན། །དེ་ལྟར་ན་ང་ཚོར་བ་སྟེ། །འགྲོ་བ་རྣམ་ཤེས་ཙམ་དུ་བརྗོད། །རང་རིག་པས་ན་གང་འདི་དག་།ཡེ་ཤེས
126b7 བདག་ཉིད་ལས་གཞན་མེད། །ཚངས་པའི་སྒོང་བརྗོད་རང་བཞིན་མེད། །ནམ་མཁའ་དང་མཉམ་བདག་མེད་དེ། །སེམས་ཅན་མང་ཡང་འགའ་ཡིས་ཀྱང་། །སེམས་ཅན་དོན་གང་ཡོད་མིན་ལ། །བླ་མེད་སངས་རྒྱས་དོན་ཡང་མེད། །བདག་དོན་དང་ནི་གཞན་དོན་དང་། །དེ་ལས
iiif viewer powered by OpenSeadragon
