| e-texts navigator |
| Wylie |
125b1 @##། །རྒྱ་གར་སྐད་དུ། བཛྲ་ཌཱ་ཀ་ནཱ་མ་ཨུཏྟ་ར་ཏནྟྲ། བོད་སྐད་དུ། རྡོ་རྗེ་མཁའ་འགྲོ་ཞེས་བྱ་བའི་རྒྱུད་ཕྱི་མ། འཇིག་རྟེན་དབང་ཕྱུག་ལ་ཕྱག་འཚལ་ལོ། །གསང་དང་མཆོག་དང་དགྱེས་པ་དང་། །ཐམས་ཅད་བདག་ཉིད་ལ་རྟག་བཞུགས། །མཁའ་འགྲོ་ཀུན་དངོས
125b2 སེམས་དཔའ་སྟེ། །རྡོ་རྗེ་མཁའ་འགྲོ་བདེ་བའི་མཆོག་།འདི་ནི་རང་བྱུང་བཅོམ་ལྡན་འདས། །འདི་ཉིད་གཅིག་པུ་ལྷག་པའི་ལྷ། །འབྱུང་གནས་སྒྲ་གཟུགས་ལས་ངེས་འབྱུང་། །དམ་ཚིག་སྤྱོད་ཡུལ་བཅོམ་ལྡན་རྣམས། །ཐོག་མཐའ་དབུས་མཐར་ཡང་དག་གནས། །འཇིག
125b3 རྟེན་གསུམ་རྣམས་ན་རྙེད་དཀའ། །འདོད་ཆགས་མ་ཡིན་ཆགས་བྲལ་མིན། །དབུ་མར་ཡང་ནི་དམིགས་པ་མེད། །སྒྱུ་མའི་ཕྱག་རྒྱ་བུད་མེད་ཀུན། །གཉིས་མེད་ཡེ་ཤེས་དམ་པ་ཡིན། །སྤྱོད་ན་མ་ཡང་འགྲུབ་འགྱུར་ཏེ། །བདེ་དང་སྤྲོ་བས་ཐམས་ཅད་འཐོབ། །ནམ་མཁའ
125b4 ཀུན་དུ་སྤྱོད་འགྲུབ་པ། །མཁའ་འགྲོ་མ་ཞེས་རབ་ཏུ་གྲགས། །སྣ་ཚོགས་ཕྱག་རྒྱ་ཐམས་ཅད་དང་། །ཀུན་ནས་སྣ་ཚོགས་སྡོམ་པ་ནི། །མཁའ་འགྲོ་མ་ཀུན་མཉམ་སྦྱོར་བས། །རྡོ་རྗེ་མཁའ་འགྲོར་རབ་ཏུ་གྲགས། །སོ་སོའི་ལྷ་ལ་དམིགས་པ་ནི། །དེ་ཉིད་བསམ་བྲལ་རྣལ་འབྱོར
125b5 ཏེ། །དབང་བསྐུར་བ་ལས་ངེས་པར་སྐྱེ། །གཟུགས་བརྙན་རང་བཞིན་རྣལ་འབྱོར་ཏེ། །རྣལ་འབྱོར་ཆེན་པོ་བྱང་ཆུབ་སེམས། །རྣལ་འབྱོར་དབང་ཕྱུག་བདག་པོ་རང་། །བྱང་ཆུབ་སེམས་ནི་རྡོ་རྗེ་སྟེ། །སངས་རྒྱས་ཀུན་གྱི་རང་བཞིན་ཕྱིར། །དེ་ཕྱིར་ཀུན་ནས་འབད་པ་ཡིས། །སྣ་ཚོགས
125b6 རང་བཞིན་ལ་མཆོད་བྱ། །གཉིས་གཉིས་འཁྱུད་པའི་རང་བཞིན་གྱིས། །སྣ་ཚོགས་འགྲོ་བ་ཁྱབ་པར་གནས། །སངས་རྒྱས་ཉིད་དང་བདག་དང་ནི། །སེམས་ཅན་དང་ནི་ནུས་ལྡན་རྣམས། །རང་གི་ལྷ་ཡི་རྣལ་འབྱོར་པས། །བསྒྲུབ་བྱའི་བདག་ཉིད་དེ་ཡི་ཕྱིར། །འདི་ཡིས་སངས་རྒྱས
125b7 ཐམས་ཅད་དང་། །ནུས་ལྡན་ཀུན་གྱི་དེ་ཉིད་ནི། །ཐམས་ཅད་རྡོ་རྗེ་འཛིན་ཉིད་དུ། །སྐྱེ་བ་འདིར་ནི་འགྲུབ་པར་འགྱུར། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔའ་དེ་བཞིན་གཤེགས་པས་བཀའ་སྩལ་ཏོ། །རྡོ་རྗེ་མཁའ་འགྲོ་བདེ་བའི་མཆོག་།མཁའ་འགྲོ་ཐམས་ཅད་མཉམ་སྦྱོར་ཏེ། །
iiif viewer powered by OpenSeadragon
