| e-texts navigator |
| Wylie |
146b1 ལོ། །ཕབ་པ་བཏང་བའི་ཕྱི་ནས་མགོ་བོ་དང་ནི་སྙིང་ག་སྤྱི་གཙུག་རྣམས་དང་ལྟེ་བ་མགྲིན་པ་དང་། །གསང་བ་རྣམས་སུ་བསྲུང་བ་རྒྱལ་བ་རྣམས་ཀྱིས་རང་གི་རིགས་གྱུར་རྣམས་ལ་རང་གི་རྡོར་གསུམ་གྱིས། །སློབ་མ་རྣམས་ཀྱི་ལུས་ལ་གོས་སེར་སྐོན་ཞིང་མིག
146b2 རྣམས་བཀབ་ནས་དཀྱིལ་འཁོར་འདིར་ནི་གཞུག་པར་བྱ། །ཀུན་རྫོབ་དོན་དུ་རབ་མཆོག་ལམ་ནས་གཤེགས་ཉིད་རྣམས་ལ་བརྟུལ་ཞུགས་རྣམས་ནི་སྦྱིན་བྱ་རྟག་པ་རུ། །བསད་དང་མི་བདེན་པ་དང་གཞན་གྱི་བུད་མེད་རྣམས་སྤངས་དེ་བཞིན་གཞན་ནོར་ཆང
146b3 འཐུང་དག་ཀྱང་སྟེ། །འཁོར་བའི་རྡོ་རྗེ་ཞགས་པ་རང་གི་དགེ་བ་འཇོམས་པར་བྱེད་པ་སྡིག་པ་ལྔ་པོ་འདི་ཉིད་རྣམས། །གང་ཞིག་གང་གི་དུས་སུ་བྱུང་བའི་ལྷ་དང་མི་ཡི་བླ་མ་དེ་ཡི་མིང་གིས་རབ་ཏུ་སྦྱིན་བྱས་པའི། །སྣ་ཚོགས་གཙོ་བོའི་བཀའ་སྩལ་འདི་ཡིས་སྲིད་པའི
146b4 འཇིགས་པ་འཇོམས་པས་ཁྱེད་རྣམས་ཀྱིས་ཀྱང་སྐྱོང་བར་གྱིས། །རྒྱན་འགྱེད་ཁ་ན་མ་ཐོ་བཅས་པའི་ཟས་དང་ཚིག་ངན་ཀློག་དང་འབྱུང་པོ་ལྷ་མིན་ཆོས་རྣམས་དང་། །བ་ལང་བྱིས་པ་བུད་མེད་སྐྱེས་པ་རྣམས་དང་ལྷ་དང་མི་རྣམས་བླ་མ་ལྔ་ནི་གསད་མི་བྱ། །གྲོགས་དང
146b5 རྗེ་བོ་དང་ནི་ལྷ་དང་མི་ཡི་བླ་མ་དགེ་འདུན་དབུགས་འབྱིན་རྣམས་ལ་འཁུ་བ་དང་། །དབང་པོ་རྣམས་ཀྱིས་ཡོངས་སུ་ཆགས་རྣམས་མིན་ཏེ་སྲིད་པའི་བདག་པོའི་བརྟུལ་ཞུགས་ཉི་ཤུ་རྩ་ལྔའོ།། །།དཔལ་ལྡན་སྔགས་ཀྱི་མངོན་པར་བསྔགས་པ་ལག་པའི་པདྨ་ཁ
146b6 སྦྱར་དུ་ནི་མེ་ཏོག་གཅིག་བྱིན་ཏེ། །དང་པོར་ལན་གསུམ་བསྐོར་ཏེ་ལག་པའི་པདྨ་ཁ་སྦྱར་གནས་པའི་མེ་ཏོག་དཀྱིལ་འཁོར་དུ་ནི་དོར། །གནས་གྱུར་གང་དུ་མེ་ཏོག་བཟང་པོ་ལྷུང་བ་དེ་ཉིད་དེ་ཡི་རིགས་སུ་ངེས་སོ་མི་བདག་ཀྱེ། །ཕྱི་ནས་དབང་བདུན་རྣམས་དང
146b7 རྣམ་གསུམ་འདིར་ནི་ཇི་ལྟ་བ་བཞིན་བླ་མེད་ཡང་དག་རབ་ཏུ་སྦྱིན། །ཀླུ་རྣམས་ཀྱིས་སམ་བཞིས་ཏེ་རྒྱལ་བ་རྣམ་རྒྱལ་བཅས་པའི་བུམ་པ་ནོར་བུ་གསེར་གྱི་བུམ་པའམ། །ས་ལས་བྱུང་བ་རྣམས་སུ་རིན་ཆེན་སྨན་ལྡན་དང་ནི་དྲི་ལྡན་རྣམས་ཀྱིས་ལྷ་མོ་རྣམས་ཀྱིས་ཁྲུས་བྱའོ། །
iiif viewer powered by OpenSeadragon
