| e-texts navigator |
| Wylie |
129a1 རྒྱ་གར་སྐད་དུ། ཤྲཱི་ཀཱ་ལ་ཙཀྲ་ཏནྟྲོཏྟ་ར་ཏནྟྲ་ཧྲྀ་ད་ཡ་ནཱ་མ། བོད་སྐད་དུ། དཔལ་དུས་ཀྱི་འཁོར་ལོའི་རྒྱུད་ཕྱི་མ་རྒྱུད་ཀྱི་སྙིང་པོ་ཞེས་བྱ་བ། འཇམ་པའི་དབྱངས་ལ་ཕྱག་འཚལ་ལོ། །འདི་ལྟར་ཆོས་དབྱིངས་དཀྱིལ་འཁོར་དྲི་མེད་སྐུ་ལ
129a2 འཇམ་དཔལ་གྱིས་ནི་དགེ་དང་མི་དགེ་བས། །སངས་རྒྱས་པ་དང་མུ་སྟེགས་པ་དག་ལྷ་རྣམས་དང་ནི་དམྱལ་བ་ཉིད་ཅེས་གང་ཐོས་པ། །རྒྱལ་མཆོག་ཕོ་བྲང་ཤམྦྷ་ལར་གྲགས་ཀ་ལཱ་པ་རུ་ངག་གི་དབང་ཕྱུག་སེང་གེ་ཡི། །གདན་ལ་བཞུགས་ནས་རྒྱལ་པོས་རྒྱུད་ཀྱི
129a3 རྒྱལ་པོ་སླར་ཡང་ཐུབ་པ་རྣམས་ལ་གསལ་བར་བསྟན། །བྱུང་གྱུར་ཞེས་སོགས་བདེན་ཏེ་ལྷ་མཆོག་བླ་མ་ཁྱབ་འཇུག་ལྷ་ཡི་དབང་པོ་དང་། །ཟླ་བ་ཉི་མ་སྒྲ་གཅན་མེ་ལྷ་ས་སྟེངས་ལྷ་ཡུལ་ནམ་མཁའ་བསོད་ནམས་སྡིག་ལས་བྱུང་། །མི་རྣམས་ཕ་རོལ་སྲིད
129a4 པར་དམྱལ་བ་གང་ཞིག་བཀག་པ་ཤ་ཡི་དམ་ཚིག་ཅན། །རིག་བྱེད་པ་དང་ཐོད་པ་ཅན་གྱི་རྒྱུད་ཀྱི་སྡིག་པའི་བྱ་བ་དེ་ནི་པ་སྟེ། །གང་དུ་གཅན་ཆེན་བདུན་ལ་སོགས་པ་དགེ་དང་མི་དགེའི་དབང་གིས་བྲམ་ཟེ་རྣམས་ཀྱང་དེར། །སྐྱེས་ལ་སྔར་གྱི་ལུས་པོ
129a5 སྤངས་ནས་ལུས་གཞན་སར་པ་ངེས་པར་འཛིན་པར་འགྱུར་བ་ནི། །ཐུབ་པ་ཤེད་བུའི་ཚིག་ལས་སྲོག་ཆགས་རྣམས་ཀྱི་གསོད་བྱེད་ཟ་བའི་མཐར་ཐུག་བརྒྱད་དུ་འགྱུར། །ཤ་ཟོས་པ་ལས་བྲམ་ཟེ་རྣམས་ཀྱང་ལྷ་ལས་ས་སྟེངས་འདིར་ལྷུང་དེ་ནི་བདེན་པ་སྟེ། །བཟང་པོ་ཚངས་པ
129a6 དབང་ཕྱུག་ཁྱབ་འཇུག་རྣམས་ཀྱི་རིག་བྱེད་ཞི་ཆོས་ཁྱབ་འཇུག་ཆེས་བླ་མ། །ཤ་ཡི་ཁ་ཟས་བཀག་ལ་ཤ་ཡི་དམ་ཚིག་ཅན་ལ་རྣལ་འབྱོར་མ་དང་རྣལ་འབྱོར་རྒྱུད། །རྫོགས་སངས་རྒྱས་ཀྱིས་ལྔ་སོགས་པར་བདེ་གཤེགས་དམ་ཚིག་ཅན་ལ་སངས་རྒྱས་བྱང་ཆུབ་ནི། །
129a7 སངས་རྒྱས་པ་ཡིས་ཀུན་ནས་ཤ་མི་བཟའ་ཞིང་བདག་གི་བ་ཡིས་བསྲུང་མི་བྱ། །སྲོག་ཆགས་རྣམས་ལ་སྲོག་ཆགས་འདུ་ཤེས་གསོད་པའི་ཡིད་ཀྱིས་ཉེ་བར་བརྩམས་པས་འདིར་ཉམས་པ། །ཡན་ལག་ལྔ་ཡིས་སྲོག་གཅོད་འགྱུར་གྱི་ནམ་མཁའ་ཙམ་ནི་སྲོག་ཆགས
iiif viewer powered by OpenSeadragon
