| e-texts navigator |
| Wylie |
45a1 འགྱུར་རོ། །ཆོས་ཀྱི་རི་བོ་རྙིལ་བར་འགྱུར་རོ། །ཆོས་ཀྱི་གྲོང་ཁྱེར་ཆོམས་པར་འགྱུར་རོ། །ཆོས་ཀྱི་གྲུ་ཞིག་པར་འགྱུར་རོ། །ཆོས་ཀྱི་ཤིང་ཕྱུང་བ་ནི་ཀྱི་ཧུད་སྡུག་བསྔལ་ལོ། །འདི་ནི་འཇིག་རྟེན་ཀུན་གྱི་ཕ། །སེམས་ཅན་ཀུན་ལ་ཕན་བྱེད་པ། །དུས་ཀྱི
45a2 འཁོར་ལོས་བཅོམ་ནས་ནི། །རྒྱལ་པོ་ཆེན་པོ་མེད་པར་འགྱུར། །གང་ཕྱིར་མི་བཟད་དུས་འདིར་ནི། །རྣམ་པ་སྟོང་དུ་མ་གས་པ། །སྙིང་གི་བདག་ཉིད་ཆེན་པོ་ནི། །རྡོ་རྗེ་ཆེན་པོ་བཞིན་གྱུར་ཏམ། །ཤིས་པའི་དུས་ནི་ཀུན་དུ་འདས། །མི་བཟད་དུས་ནི་ཉེ་བར་གནས། །ཤེས
45a3 རབ་ལྡན་མི་མང་པོ་དང་། །འཇིག་རྟེན་དག་ཀྱང་བརླག་པར་འགྱུར། །ཇི་ལྟ་ཇི་ལྟར་མཐོང་གྱུར་པའི། །ས་ཡི་མཚན་མ་དུ་མ་ཡིས། །ངེས་པར་ཡུན་ནི་མི་རིང་བར། །རྒྱལ་པོ་སེང་གེ་མེད་པར་འགྱུར། །དྲི་མེད་མི་ཡི་ཉི་མ་འདི། །ཤིན་ཏུ་རྙེད་དཀའ་དེ་ནུབ་འགྱུར། །ཡུན་མི་རིང
45a4 བར་འཇིག་རྟེན་འདིར། །མི་སྣང་བ་ནི་འབྱུང་བར་འགྱུར། །སེམས་ཅན་ཀུན་ལ་ཕན་པ་ཡི། །རྒྱལ་པོ་ཆེན་པོ་འདི་མེད་དེ། །ཕྱི་ནས་འཇིག་རྟེན་མི་སྣང་ན། །སུ་ཞིག་འཇིག་རྟེན་སྐྱོང་བར་འགྱུར། །དེ་ནས་ལྷའི་དབང་པོ་བརྒྱ་བྱིན་གྱིས་ཇི་ལྟ་ཇི་ལྟར་རྨོངས་པར་བྱས་པ་དེ་ལྟར་མྱ
45a5 ངན་ཆུང་བར་གྱུར་ནས་སོག་ལེས་བཏབ་པར་གྱུར་ཏོ། །དེ་ནས་བྱང་ཆུབ་སེམས་དཔས་ཤིང་མཁན་དེ་གཉིས་ལ་བཞིན་དགེ་ཁྱེད་ཅག་གཉིས་ཀྱིས་སོག་ལེ་མྱུར་དུ་དྲོངས་ལ་ངའི་ལུས་ཀྱི་ཕྱེད་རོ་སྨད་ཆོད་ཅིག་།བྲམ་ཟེ་འདི་ཤི་བར་གྱུར་ན་ངའི་ངལ་བ་འབྲས་བུ་མེད་པར་མི་འགྱུར་གྲང་། དེ
45a6 ནས་ཤིང་མཁན་དེ་གཉིས་བརྒྱ་བྱིན་གྱི་མཐུས་ཀུན་དུ་རྨོངས་པས་ཉམ་ཐག་པའི་ང་རོས་ཆོ་ངེས་འདེབས་ཤིང་སྐྱེ་བོའི་ཚོགས་ཆེན་པོས་བཀག་བཞིན་དུ་བྱང་ཆུབ་སེམས་དཔའ་རང་གི་ལུས་ལ་སོག་ལེས་འདྲ་བར་བརྩམས་སོ། །དེ་ནས་བྱང་ཆུབ་སེམས་དཔའ་བྱང་ཆུབ་ཡིད་ལ་སྨོན་ཅིང
45a7 དགའ་བའི་ཡིད་ཀྱིས་སློང་བའི་ཡིད་ལ་རེ་བ་ཡོངས་སུ་རྫོགས་པར་བྱའོ་ཞེས་བསམས་ནས་ཅང་མི་སྨྲ་བར་གནས་སོ། །དེ་ནས་བྱང་ཆུབ་སེམས་དཔའི་ལུས་ཀྱི་ལྟེ་བར་སོག་ལེས་བཅད་པ་ལས་ཁྲག་གི་ཚོགས་ཆེན་པོ་འབབ་པར་གྱུར་ཏོ། །དེ་ནས་བློན་པོ་བློ་གྲོས་ཆེན་པོ་འདི་ལྟར་སོག་ལེས
iiif viewer powered by OpenSeadragon
