| e-texts navigator |
| Wylie |
197a1 འདས། བདག་ཀྱང་ཐབས་རྣམ་པ་སྣ་ཚོགས་ཀྱིས། སེམས་ཅན་རྣམས་ཡོངས་སུ་བསྡུ་བར་སྤྲོའོ། །བྱང་ཆུབ་སེམས་དཔའ་རྡོ་རྗེས་གསོལ་པ། སེམས་ཅན་གང་ངན་འགྲོ་གསུམ་དུ་ལྟུང་བར་འགྱུར་བ་དག་།བདག
197a2 གིས་ཅི་ནས་ཀྱང་མི་ལྟུང་བར་བགྱི་བར་སྤྲོའོ། །བྱང་ཆུབ་སེམས་དཔའ་འཇམ་དཔལ་གྱིས་གསོལ་པ། སེམས་ཅན་རྣམས་ཅི་དང་ཅི་འདོད་པ། བདག་གིས་ཐམས་ཅད་ཡོངས་སུ་རྫོགས་པར་བགྱི་བར་སྤྲོའོ། །བྱང་ཆུབ་སེམས་དཔའ
197a3 ཡེ་ཤེས་རྒྱལ་མཚན་གྱིས་གསོལ་པ། བདག་གིས་ནི། སེམས་ཅན་རྣམས་ལ་ཡེ་ཤེས་ཆེན་པོའི་ཆོས་ཀྱི་རྒྱལ་མཚན་སྦྱིན་པར་བགྱི་བ་སྤྲོའོ། །བྱང་ཆུབ་སེམས་དཔའ་ཆོས་ཀྱི་རྒྱལ་མཚན་གྱིས་གསོལ་པ། བཅོམ་ལྡན་འདས། བདག
197a4 གིས་ནི། སེམས་ཅན་རྣམས་ལ་ཆོས་ཡོངས་སུ་སྦྱིན་པར་སྤྲོའོ། །བྱང་ཆུབ་སེམས་དཔའ་ཉི་འོད་ཀྱིས་གསོལ་པ། བཅོམ་ལྡན་འདས། བདག་གིས་ནི། སེམས་ཅན་རྣམས་ལ་བདེ་བ་སྦྱིན་པར་སྤྲོའོ། །བྱང་ཆུབ་སེམས་དཔའ་ཟླ
197a5 འོད་ཀྱིས་གསོལ་པ། བཅོམ་ལྡན་འདས། བདག་གིས་ནི། སེམས་ཅན་རྣམས་ལ་བསོད་ནམས་ཀྱི་ལས་བྱེད་དུ་གཞུག་པར་བསྐུལ་བར་སྤྲོའོ། །བྱང་ཆུབ་སེམས་དཔའ་དགེ་སྦྱོང་གིས་གསོལ་པ། བཅོམ་ལྡན་འདས། བདག་གིས་ནི
197a6 སེམས་ཅན་རྣམས་ལ་ཐམས་ཅད་བག་མེད་པ་ལ་མི་གནས་པར་བསྐུལ་བར་སྤྲོའོ། །བྱང་ཆུབ་སེམས་དཔའ་བློ་གྲོས་མི་ཟད་པས་གསོལ་པ། བཅོམ་ལྡན་འདས། བདག་གིས་ནི། སེམས་ཅན་ཐམས་ཅད་ལ། ཟད་པ་མི་ཤེས་པའི་དབྱིངས
197a7 ཀྱི། དོན་མཐོང་བར་བསྟན་པར་སྤྲོའོ། །བྱང་ཆུབ་སེམས་དཔའ་ཟླ་འོད་བུས་གསོལ་པ། བཅོམ་ལྡན་འདས། བདག་ནི་སེམས་ཅན་ཐམས་ཅད་ལ། བླ་ན་མེད་པའི་བདེ་བ་སྦྱིན་པ་བགྱི་བར་སྤྲོའོ། །ཞེས་བྱང་ཆུབ
iiif viewer powered by OpenSeadragon
