| e-texts navigator |
| Wylie |
291a1 བདུད་ཀྱི་རྒྱལ་པོས་གླང་པོ་ཆེ་མཐོན་མཐིང་ག་ཁ་ནས་མཆེ་བ་དྲུག་བྱུང་བའི་མཆེ་བ་རེ་རེ་ལ་ཡང་རྫིང་བུ་རེ་རེ་ཡོད་པ། རྫིང་བུ་རེ་རེའི་ནང་ན་མེ་ཏོག་བདུན་བདུན་ཡོད་པ། མེ་ཏོག་རེ་རེའི་ནང་ན་ཤེལ་གྱི་བུ་མོ་བདུན་བདུན་ཡོད་པ་བུ་མོ་དེ་དག་ཀྱང་སོ་སོ་ནས་རོལ་མོ་མང་པོ་བྱེད
291a2 ཅིང་། གླང་པོ་ཆེ་གོམ་པ་པད་མ་ལ་དལ་གྱིས་འགྲོ་བའི་ནང་དུ་འགྲོ་བར་བསྟན་པ་དང་། མི་ཐམས་ཅད་ཀྱང་དེ་ལ་བལྟ་བས་ཆོས་ལ་མ་འདུན་ཏེ། དེའི་ཕྱི་དེ་ཉིན་འཁོར་རྣམས་བསྡུས་ཏེ། ཆོས་བསྟན་པ་བྱས་པ་ལས་བདུད་ཀྱི་རྒྱལ་པོས་ན་ཆུང་བཟང་མོ་ཤིན་ཏུ་མཛེས་ཤིང
291a3 བཟང་བ་ཞིག་འཁོར་གྱི་ནང་དུ་འོངས་པར་སྤྲུལ་ནས། མི་ཀུན་དེ་ལ་མིག་མི་འཛུམས་པར་བལྟ་སྟེ། ཆོས་ཉན་པ་བརྗེད་དོ། །དེ་མ་ཐག་ཏུ་ཡ་ཤེའི་ཀིས་སྤྲུལ་པའི་བུད་མེད་དེ་ཀེང་རུས་དཀར་པོར་སྤྲུལ་ནས། མི་མང་པོས་མཐོང་བ་དང་། མི་ཀུན་གདོད་ཆོས་ཉན་པས་འབྲས
291a4 བུ་ཐོབ་པ་ཡང་རབ་ཏུ་མང་ངོ་། །བཙུན་པ་དེ་དག་ལ་ཐོག་མ་ནས་ཁྱི་ཞིག་ཡོད་དེ། ཉིན་གཅིག་བཞིན་དུ་ཆོས་ཉན་པ་ལ་རྣ་བ་བཏུད་དེ་ཉན་པས་ཁྱི་དེ་ཚེ་བརྗེས་ནས། ལྷའི་རིས་དྲུག་པར་སྐྱེས་ཏེ། བདུད་སྡིག་ཏོ་ཅན་དང་སྟན་གཅིག་ལ་འདུག་གོ། །བདུད་སྡིག་ཏོའི་རྒྱལ་པོས་ལྷ
291a5 དེ་ལ་འདི་ནི་ཡོན་ཏན་ཆེན་པོ་དང་ལྡན་ཏེ་ང་དང་མཉམ་ན་འདི་གང་ནས་ཚེ་འཕོས་ནས་འདིར་སྐྱེས་བརྟག་གོ་སྙམ་སྟེ། བརྟག་པ་དང་། ཁྱི་ལས་སྐྱེས་པ་མཐོང་བ་དང་དགེ་སློང་གིས་ང་སྐྱེངས་ཏེ་སྨ་ཕབ་བོ་སྙམ་ནས། རྒྱང་མ་ནས་བཙུན་པ་ཏིང་ངེ་འཛིན་དུ་ཞུགས་པ་མཐོང་བ་དང་། རིན་པོ་ཆེའི
291a6 ཅོད་པན་ཞིག་བཙུན་པའི་མགོ་ལ་བཞག་གོ། །ཏིང་ངེ་འཛིན་ལས་ལངས་པ་དང་། མགོ་ལ་ཅོད་པན་ཡོད་པར་རྟོགས་ནས་སུས་བཞག་སྙམ་བརྟགས་ནས་བདུད་སྡིག་ཏོ་ཅན་གྱིས་བཞག་པར་རྟོགས་ནས། རྫུ་འཕྲུལ་གྱི་མཐུས་བདུད་སྡིག་ཏོ་ཅན་དེར་བཀུག་སྟེ། ཁྱི་རོ་གཅིག
291a7 མགོའི་འཕྲེང་བར་སྤྲུལ་ནས། བདུད་སྡིག་ཏོ་ཅན་ལ་འདི་སྐད་ཅེས་སྨྲས་སོ། །ཁྱོད་ཀྱི་ང་ལ་ཅོད་པན་བྱིན་པའི་ལན་དུ་ཁྱོད་ལ་འཕྲེང་བ་གཅིག་སྦྱིན་གྱི་བཞེས་ཤིག་ཅེས་སྨྲས་པ་དང་། བདུད་སྡིག་ཅན་གྱིས་བླངས་ཏེ། འཕྲེང་བ་བཏགས་ནས་ཕྱིར་སོང་ངོ་། །གནས་སུ་ཕྱིན་ཏེ་བརྟགས་ན།
iiif viewer powered by OpenSeadragon
