| e-texts navigator |
| Wylie |
289b1 བཅོམ་ལྡན་འདས་མྱ་ངན་ལས་འདས་ནས། དེའི་འོག་ཏུ་ཀུན་དགའ་བོས་ཆོས་ཀྱི་སྡེ་སྣོད་ཀུན་བཟུང་ངོ་། །ཀུན་དགའ་བོས་ལུས་ཡོངས་སུ་གཏོང་བ་ན་ཉེ་གནས་ཡ་ཤེའི་ཀི་ལ་འདི་སྐད་ཅེས་བསྒོའོ། །ང་འདས་པའི་འོག་ཏུ་མདོ་སྡེ་ཀུན་ཁྱོད་ལ་གཏད་ཀྱིས་གཟུངས་སུ་ཟུང་ཤིག་ཅེས
289b2 བསྒོ་ནས། ཡང་འདི་སྐད་ཅེས་སྨྲས་སོ། །ཡུལ་བཱ་རཱ་ཎ་སཱིར་ཁྱིམ་བདག་གུབ་ཏ་ཞེས་བྱ་བ་ལ་བུ་ཨུ་པ་གུབ་ཏ་ཞེས་བྱ་བ་ཞིག་ཡོད་ཀྱིས་ཁྱོད་ཀྱིས་སློང་ལ་རབ་ཏུ་ཕྱུང་ཤིག་།ཁྱོད་འདས་པའི་འོག་ཏུ་ཆོས་ཀྱང་དེ་ལ་གཏོད་ཅིག་ཅེས་བསྒོའོ། །ཀུན་དགའ་བོ་འདས་པའི་འོག་ཏུ་ཡ་ཤེའི་ཀིས
289b3 དམ་པའི་ཆོས་བཟུང་སྟེ། འཇིག་རྟེན་ན་སེམས་ཅན་གྱི་དོན་མང་དུ་བྱས་སོ། །དེ་ནས་བཱ་རཱ་ཎ་སཱིར་གྲོང་དུ་སོང་སྟེ། ཁྱིམ་བདག་དེ་དག་དེ་དང་བཤེས་པར་བྱས་ནས། ཡང་དང་ཡང་དུ་དེའི་ཁྱིམ་དུ་སོང་སྟེ། ཡིད་གཅུགས་པར་བྱས་སོ། །ཁྱིམ་བདག་དེ་ལ་བུ་ཁྱེའུ་ཞིག
289b4 བཙས་ནས། མིང་ཨུ་པ་གུབ་ཏ་ཞེས་བཏགས་ཏེ། ཆུང་ངུ་ཤེད་མ་བྱེ་བ་ནས་ཡ་ཤེའི་ཀིས་བསླངས་ཏེ། རབ་ཏུ་ཕྱུང་བར་བྱས་པ་ལས་ཁྱིམ་བདག་གིས་འདི་སྐད་ཅེས་སྨྲས་སོ། །བདག་འདོད་པའི་བུ་འདི་འདྲ་བ་ཞིག་ཡོད་དོ། །རིགས་འཚོ་བ་སྙམ་སྟེ་མི་རུང་ངོ་། །གལ་ཏེ
289b5 ཡང་གཅིག་བཙས་ན་གདོད་སྦྱིན་ནོ། །ཕྱིས་དུས་གཞན་ཞིག་ན་ཡང་བུ་གཅིག་བཙས་ནས། མིང་ཡང་ནན་ཏན་ཀུ་བ་ཏ་ཞེས་བཏགས་སོ། །དེ་ནས་ཡ་ཤེའི་ཀི་ཡང་དེར་སོང་སྟེ། བུ་བླངས་པ་དང་། ཁྱིམ་བདག་གིས་ཡང་འདི་སྐད་ཅེས་སྨྲས་སོ། །བུ་ཆེན་པོ་འདི་ནི
289b6 ཕྱི་རོལ་གྱི་བྱ་བ་བསྒྲུབས་དགོས་སོ། །བུ་ཆུང་ངུ་ནི་ནང་གི་བྱ་བ་བསྒྲུབས་ན་གདོད་བདེ་བར་འགྱུར་རོ་ཞེས་སྦྱིན་དུ་མ་བཏུབ་སྟེ། ཕྱིས་ཡང་བུ་གཅིག་བྱུང་ན་གདོད་དབུལ་ལོ་ཞེས་སྨྲས་སོ། །ཡ་ཤེའི་ཀི་ནི་དགྲ་བཅོམ་པའི་ནང་ན་རིག་པ་གསུམ་དང་ལྡན་ཏེ། སེམས་ཅན་གྱི
289b7 དབང་པོ་ལ་མཁས་པས། ཁྱེའུ་དེ་གཉིས་ལ་བརྟགས་ན་རབ་ཏུ་བྱུང་བའི་སྐལ་བ་ཡོད་པར་མི་འདྲ་ནས། མ་བསྐུལ་བར་བཞག་གོ། །དེ་ནས་ཡང་ཁྱིམ་བདག་དེ་ལ་བུ་གཅིག་བཙས་ནས་བྱད་གཟུགས་ལེགས་པར་བལྟ་ན་སྡུག་པ་ཞིག་སྟེ། ཡང་ཁྱིམ་བདག་གི་ཐད
iiif viewer powered by OpenSeadragon
