| e-texts navigator |
| Wylie |
288b1 ཚ་བོ་ལ་བདག་ཀྱང་དབང་བས་བདག་གིས་རབ་ཏུ་བྱུང་བར་གནང་ངོ་ཞེས་གསོལ་པ་དང་། བཅོམ་ལྡན་འདས་ཀྱིས་ཀྱང་དེ་བཞིན་དུ་གནང་ནས་སྐྲ་དང་ཁ་སྤུ་རང་བྱི་སྟེ་དགེ་སློང་དུ་གྱུར་ཏོ། །དགེ་སློང་གི་ལམ་ལ་དེ་དག་གིས་བརྩོན་འགྲུས་བསྐྱེད་པས། ཐམས་ཅད་དགྲ་བཅོམ་པར་གྱུར་ཏོ། །
288b2 དགེ་སློང་བཅུ་པོ་གཅིག་ལ་གཅིག་ལྷག་པར་དགའ་བར་འགྲོ་ན་ཡང་ལྷན་ཅིག་འགྲོ་འདུག་ན་ཡང་ལྷན་ཅིག་འདུག་སྟེ། ཡུལ་མི་ཐམས་ཅད་ཀྱང་དགའ་ནས་རྗེས་སུ་ཡི་རང་ངོ་། །དེ་ནས་ཀུན་དགའ་བོས་བཅོམ་ལྡན་འདས་ལ་གསོལ་པ། དགེ་སློང་བཅུ་པོ་འདིས་བསོད་ནམས
288b3 ཅི་ཞིག་བགྱིས་ན། ཆོ་རིགས་བཙུན་པར་སྐྱེས་ལ་བྱད་གཟུགས་བཟང་བ་དང་། བཅོམ་ལྡན་འདས་དང་ཕྲད་ནས་སྡུག་བསྔལ་གྱི་མཐར་ཕྱིན་པར་གྱུར། བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་པ། སྔོན་འདས་པའི་དུས་བསྐལ་པ་དགུ་བཅུ་རྩ་གཅིག་གི་ཕ
288b4 རོལ་ན། སངས་རྒྱས་ཐམས་ཅད་སྐྱོབ་ཅེས་བྱ་བ་འཇིག་རྟེན་དུ་གཤེགས་ཏེ། སེམས་ཅན་ཐམས་ཅད་ཀྱི་དོན་མཛད་ནས་མྱ་ངན་ལས་འདས་ནས་རིང་བསྲེལ་རྒྱས་པར་སྤེལ་ནས། མཆོད་རྟེན་ཚད་མེད་པ་སྙེད་བྱས་སོ། །དེའི་ཚེ་ན་མཆོད་རྟེན་གཅིག་ཞིག་རལ་དུ
288b5 གྱུར་ནས། རྒན་མོ་ཞིག་གིས་གསོ་ཞིང་འདུག་པས་མི་འགྲོན་པོ་བཅུ་དེར་ལྷགས་པས་མཐོང་བ་དང་རྒན་མོ་ལ་ཁྱོད་ལས་ཅི་བྱེད་ཅེས་སྨྲས་སོ། །རྒན་མོས་སྨྲས་པ། འདི་ནི་མཆོད་གནས་ཀྱི་རྟེན་མཆོད་རྟེན་ཡིན་ནོ། །འདི་བཅོས་ན་བསོད་ནམས་ལྷག་པར་ཆེའོ། །དེ་བས་ན་དགེ
288b6 བའི་འབྲས་བུ་འདོད་པའི་ཕྱིར་འདི་འཆོས་སོ། །གཞོན་ནུ་དེ་དག་ཀྱང་རྒན་མོས་སྨྲས་པ་ལ་རབ་ཏུ་དགའ་ནས། བདག་ཅག་གིས་ཀྱང་བསྟོད་དོ་ཞེས་སྨྲས་ནས། མཆོད་རྟེན་བཅོས་པའི་འོག་ཏུ་གཞོན་ནུ་བཅུ་ཆར་རྒན་མོ་དེའི་བུར་སྐྱེས་པར་གྱུར་ཅིག་ཅེས་སྨོན་ལམ་བཏབ་པས། དེ་ཚུན་ཅད
288b7 བསྐལ་པ་དགུ་བཅུ་རྩ་གཅིག་གི་བར་དུ་ལྷ་དང་མིའི་ནང་དུ་ལྷན་ཅིག་ཏུ་སྐྱེས་ནས་བདེ་བ་ལ་ལོངས་སྤྱོད་དེ། དངོས་པོ་འདི་གསུམ་གྱིས་མི་གཞན་ལས་ཁྱད་དུ་འཕགས་སོ། །གསུམ་གང་ཞེ་ན། གཟུགས་བཟང་ཞིང་མཛེས་པ་དང་། ཀུན་གྱིས་བཀུར་བ་དང་། རྟག་ཏུ་ཚེ་རིང་ཞིང་དེ
iiif viewer powered by OpenSeadragon
