| e-texts navigator |
| Wylie |
279a1 བསོད་སྙོམས་སྦྱར་བས་བསྐལ་པ་དགུ་བཅུ་རྩ་གཅིག་གི་བར་དུ་ལྷ་དང་མིའི་ནང་ན་ཆོ་རིགས་བཙུན་པར་སྐྱེས་ཏེ། དབུལ་ཞིང་ཕོངས་པའི་རིགས་སུ་མ་སྐྱེས་སོ། །ད་ཡང་ང་མཐོང་བ་ཙམ་གྱིས་དད་པ་ཐོབ་པར་གྱུར་ཏོ། །དེའི་ཚེ་ན་ཀུན་དགའ་བོ་དང་དགེ་སློང་རྣམས
279a2 བཅོམ་ལྡན་འདས་ཀྱིས་གསུངས་པ་ཐོས་ནས། སོ་སོ་ནས་བརྩོན་འགྲུས་བརྩམས་པས་འབྲས་བུ་དང་པོ་ནས་འབྲས་བུ་བཞི་པའི་བར་དུ་ཐོབ་བོ། །ཁ་ཅིག་ནི་རྒྱ་ཆེན་པོའི་སེམས་བསྐྱེད་དེ། ཕྱིར་མི་ལྡོག་པའི་ས་ལ་གནས་པར་གྱུར་ཏོ། །བཅོམ་ལྡན་འདས་ཀྱིས་དེ་སྐད
279a3 ཅེས་བཀའ་སྩལ་པ་ལ། སོ་སོ་ནས་རྗེས་སུ་ཡི་རང་སྟེ་མངོན་པར་དགའོ། །ཁྱིམ་བདག་དན་བྱི་ལ་ཞེས་བྱ་བའི་ལེའུ་སྟེ་བཞི་བཅུ་གཅིག་པའོ།། །།འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་མཉན་ཡོད་ན། རྒྱལ་བུ
279a4 རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ཡུལ་མ་ག་དྷཱ་ན། ཁྱིམ་བདག་ཅིག་ལ་བུ་ཞིག་བཙས་ཏེ། བཟང་བ་བལྟ་ན་སྡུག་པ་མཚན་དང་ལྡན་པ་ཞིག་གོ། །ཁྱེའུ་ཐོག་མ་བཙས་པ་ན། བང་མཛོད་ཀྱི་ནང་ནས་ངོ་མཚར་བ་གསེར
279a5 གྱི་གླང་པོ་ཆེའི་ཕྲུག་གུ་ཞིག་རང་བྱུང་ངོ་། །ཁྱེའུའི་ཕ་མས་དེ་ལྟ་བུ་མཐོང་ནས་རབ་ཏུ་དགའ་སྟེ། མཚན་མཁན་ལ་བསྟན་ནས་མཚན་མཁན་གྱིས་ཀྱང་ཁྱེའུ་བསོད་ནམས་ཀྱི་མཚན་དང་ལྡན་པར་རྟོགས་སོ། །ཁྱེའུ་ཐོག་མ་བཙས་ན་ངོ་མཚར་ཆེ་བའི་ལྟས་ཅི་བྱུང་ཞེས་དྲིས
279a6 སོ། །ཁྱེའུའི་ཕ་མས་སྨྲས་པ། ཁྱེའུ་འདི་བཙས་པ་ན་བང་མཛོད་ནང་ནས་གསེར་གྱི་གླང་པོ་ཆེའི་ཕྲུག་གུ་ཞིག་རང་བྱུང་ངོ་ཞེས་སྨྲས་པ་དང་། ཁྱེའུའི་མིང་ཡང་གླང་པོ་སྐྱོང་ཞེས་བྱ་བར་བཏགས་སོ། །ཁྱེའུ་ཇི་ཙམ་དུ་ཆེར་སྐྱེས་པ་བཞིན་དུ་གསེར་གྱི་གླང་པོ་ཆེའི
279a7 ཕྲུག་གུ་ཡང་སྐྱེས་ཏེ། ཁྱེའུ་འགྲོ་ན་གླང་པོ་ཆེའི་ཕྲུག་གུ་ཡང་འགྲོ་སྟེ། རྟག་ཏུ་འགྲོགས་ཏེ། གླང་པོ་ཆེའི་ཕྲུག་གུའི་གཅིན་རྟུག་ཀྱང་གསེར་དུ་བྱུང་ངོ་། །གླང་པོ་སྐྱོང་ཆེར་སྐྱེས་ནས་ཁྱིམ་བདག་གི་བུ་ལྔ་བརྒྱ་ཙམ་དང་། རྟག་ཏུ་ལྷན་ཅིག་ཏུ་རྩེ་སྟེ། གཅིག
iiif viewer powered by OpenSeadragon
