| e-texts navigator |
| Wylie |
277a1 རོལ་ན་བཞུགས་སོ་ཞེས་སྨྲས་པ་དང་། ཁྱིམ་བདག་དེ་རབ་ཏུ་དགའ་ནས་སྒོར་བྱུང་སྟེ། རྒྱལ་པོ་ནང་དུ་བསུས་སོ། །རྒྱལ་པོ་སྒོར་ཕྱིན་ཏེ་བལྟས་ན། སྒོ་ཉིད་ཀྱང་དངུལ་ལས་བྱས་ཏེ། སྒོའི་ནང་རོལ་ན་བུད་མེད་མཛེས་ཤིང་སྡུག་པ་འཇིག་རྟེན་ན་ཟླ་མེད་པ
277a2 ཞིག་དངུལ་གྱི་ཁྲི་ལ་འདུག་སྟེ། དངུལ་གྱི་སྐུད་པ་འཁལ་ལོ། །དྲུང་ན་ན་ཆུང་བཟང་མོ་བཅུ་ཡང་གཡོག་བྱེད་དེ། རྒྱལ་པོས་དེ་མཐོང་ནས་ཁྱིམ་བདག་དེ་ལ་འདི་ཁྱོད་ཀྱི་ཆུང་མ་ཡིན་ནམ། ཞེས་དྲིས་ན་མ་ཡིན་ཏེ། སྒོ་སྲུང་བའི་བྲན་མོ་ཡིན་ནོ་ཞེས་སྨྲས་སོ། །འོ་ན
277a3 ན་ཆུང་བཟང་མོ་འདི་དག་ཅི་ལ་དགོས་ཞེས་དྲིས་ན། འདི་ནི་ཕྱི་ནང་དུ་བཟླུགས་པའི་མངག་གཞུག་ཡིན་ནོ་ཞེས་སྨྲས་སོ། །དེ་ནས་སྒོ་རིམ་པ་གཅིག་གི་ནང་དུ་ཕྱིན་ཏེ་བལྟས་ན། སྒོ་ནི་བཻ་དཱུརྱ་མཐོན་མཐིང་ལས་བྱས་ཏེ། སྒོའི་ནང་རོལ་ན་ན་ཆུང་བཟང་མོ་བལྟ་ན་སྡུག་པ་སྔ་མ
277a4 བས་ཀྱང་ལྷག་པ་གཡོག་ན་ཆུང་མ་བཟང་མོ་སྔ་མ་བས་ཕྱེད་ཀྱིས་མང་བ་ཞིག་འདུག་གོ། །དེ་ནས་ཡང་སྒོ་རིམ་པ་གཅིག་ཏུ་ཕྱིན་ཏེ། བལྟས་ན། སྒོ་ཡང་གསེར་ལས་བྱས་ཏེ། སྒོའི་ནང་རོལ་ན་ན་ཆུང་བཟང་མོ་བལྟ་ན་སྡུག་པ་སྔ་མ་བས་ཀྱང་ཤིན་ཏུ་ལྷག་པ་ཞིག་གསེར
277a5 གྱི་ཁྲི་ལ་འདུག་སྟེ། གསེར་གྱི་ཐགས་འཐག་གོ། །གཡས་གཡོན་ན་ན་ཆུང་བཟང་མོ་གཡོག་བྱེད་པ་སྔ་མ་བས་ཀྱང་ཤིན་ཏུ་མང་བས། ཁྱིམ་བདག་དེ་ལ་འདི་ཡང་ཁྱོད་ཀྱི་ཆུང་མ་ཡིན་ནམ་ཞེས་དྲིས་ན། འདི་ཡང་མ་ཡིན་ནོ་ཞེས་སྨྲས་སོ། །དེ་ནས་ཁྱིམ་གྱི་ནང་དུ་ཕྱིན་ཏེ
277a6 བལྟས་ན། ས་གཞི་ཀུན་བཻ་དཱུརྱ་ལས་བྱས་པ། ཤིན་ཏུ་གསལ་བ་ནི་ཆུའི་མདོག་དང་འདྲ་སྟེ། སྟེང་གི་ཁང་པ་ལ་གཅན་གཟན་གྱི་གཟུགས་དང་། ཆུ་སྲིན་དང་ཉ་ལ་སོགས་པའི་གཟུགས་སྤྱངས་ཏེ། རླུང་གིས་བསྐྱོད་ན་འགུལ་བས་གཟུགས་བརྙན་ས་གཞི་ལ་སྣང་ངོ་། །
277a7 རྒྱལ་པོས་ཡང་དག་པར་ཆུ་ཡིན་སྙམ་བསམས་ཏེ། འདི་སྐད་ཅེས་སྨྲས་སོ། །ཆུ་གུད་ནས་མེད་དམ། ཅི་ཉེས་ན་ཁང་པའི་ནང་དུ་རྫིང་བུ་བསྐྱིལ་ཞེས་སྨྲས་སོ། །དན་བྱི་ལས་སྨྲས་པ། འདི་ནི་ཆུ་མ་ལགས་ཏེ། བཻ་དཱུརྱ་མཐོན་མཐིང་ངོ་ཞེས་སྨྲས་སོ། །ལག
iiif viewer powered by OpenSeadragon
