| e-texts navigator |
| Wylie |
276b1 སུ་ཡི་རངས་ནས་མངོན་པར་དགའོ། །བྲམ་ཟེ་ཤིན་ཙིར་གྱི་ལེའུ་སྟེ་བཞི་བཅུ་པའོ།། །།འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་ཀ་ལན་ད་ཀ་གནས་པའི་འོད་མའི་ཚལ་ན་བཞུགས་སོ། །དེའི་ཚེ་ཡུལ
276b2 ཀོ་ས་ལ་ན། ཁྱིམ་བདག་དམ་ཤིན་ཙིར་ཞེས་པ་ཕྱུག་པ། བཙན་པ། རིགས་ཆེ་བ་ཞིག་ཡོད་དེ། དེ་ལ་བུ་མེད་ནས་ལྷ་ཀླུ་ལ་སོགས་ཏེ། ལྷ་ཐམས་ཅད་ཀྱི་རྟེན་ལ་མཆོད་པ་བྱས་ནས་བུ་བསླངས་སོ། །ཁྱིམ་བདག་དེས་ལྷ་ཀུན་ལ་སྙིང་ནས་མཆོད་དེ་བུ་བསླངས
276b3 པས། ཕྱིས་དེའི་ཆུང་མ་སེམས་ཅན་དང་ལྡན་པར་གྱུར་ནས། ཟླ་བ་ཚང་ནས་བུ་ཁྱེའུ་བཟང་བ་བལྟ་ན་སྡུག་པ། འཇིག་རྟེན་ན་དཀོན་པ་ཞིག་བྱུང་ངོ་། །མཚན་མཁན་བོས་ནས་མཚན་བལྟས་སོ། །མཚན་མཁན་གྱིས་ཀྱང་མཚན་དང་སྦྱར་ཏེ། བུའི་མིང་ཡང་དན
276b4 བྱི་ལ་ཞེས་བྱ་བར་བཏགས་སོ། །གསོས་བསྐྱེད་དེ་ཆེར་སྐྱེས་པ་དང་། རྒྱལ་པོ་གསལ་རྒྱལ་གྱི་ཕ་ཤི་ནས་ཁྱེའུ་དེ་རྒྱལ་པོས་ཕའི་གོར་རྒྱལ་པོར་བཅུག་གོ། །དེ་ལྟར་ཕའི་གོར་རྒྱལ་པོར་དབང་བསྐུར་བ་ན། ཁང་ཁྱིམ་ཀུན་རིན་པོ་ཆེ་སྣ་བདུན་དུ་གྱུར་ཏེ། བང་མཛོད
276b5 མང་པོ་ཐམས་ཅད་ཡོངས་སུ་གང་ནས། ཅི་ཡང་ཡོད་པར་གྱུར་ཏོ། །དེའི་ཚེ་རྒྱལ་པོའི་སྲས་བཻ་དཱུརྱ་ཞེས་བྱ་བ་ཚ་བའི་ནད་ཀྱིས་བཏབ་སྟེ། སྨན་པས་སྨན་དཔྱད་བྱས་ནས་སྨན་དུ་གོར་ཤི་ཤ་ཙན་དན་གྱིས་ལུས་བསྐུས་ན་འཚོའོ་ཞེས་སྨྲས་ནས། རྒྱལ་པོས་ཡུལ་མི་ལ་འདི་སྐད
276b6 ཅེས་བཀར་བཏགས་སོ། །ཁྱོད་སུ་ལ་གོར་ཤི་ཤ་ཙན་དན་ཡོད་ན་རྒྱལ་པོ་ལ་ཕུལ་ཅིག་།བྱ་དགར་གསེར་སྲང་སྟོང་བྱིན་ནོ། །ཞེས་ཀུན་ཏུ་བསྒོ་ན། གཅིག་ཙམ་ལ་ཡང་མ་བྱུང་ངོ་། །དེའི་ཚེ་ན་གཅིག་གིས་རྒྱལ་པོ་ལ་འདི་སྐད་ཅེས་སྨྲས་སོ། །ཡུལ་ཀོ་ས་ལར
276b7 ཁྱིམ་བདག་དན་བྱི་ལའི་ཁྱིམ་ན་མང་དུ་ཡོད་དོ་ཞེས་སྨྲས་པ་དང་། རྒྱལ་པོ་ཉིད་རྟའི་ཐེག་པ་ལ་ཞོན་ཏེ། ཙན་དན་སློང་དུ་ཆས་སོ། །ཁྱིམ་བདག་དེའི་སྒོར་ཕྱིན་པ་དང་། ཁྱིམ་བདག་དེའི་སྒོ་ན་སྒོ་སྲུང་དག་གིས་རྒྱལ་པོ་གསལ་རྒྱལ་འདིར་གཤེགས་ཏེ། ད་ལྟ་ནི་ཕྱི
iiif viewer powered by OpenSeadragon
