| e-texts navigator |
| Wylie |
252a1 སོ། །ཐུགས་བརྩེ་བའི་སླད་དུ་སྤྱན་གྱི་སྦྱིན་པ་གཏང་བ་མཛད་པའི་ཐུགས་སླར་བཟློག་ཏུ་གསོལ། རྒྱལ་ཚབ་ཚུལ་ཁྲིམས་བཟང་པོས་ཀྱང་འདི་སྐད་ཅེས་གསོལ་ཏོ། །རྒྱལ་པོ་ཡབ་ཀྱི་སྦྱིན་པར་བདག་གི་མིག་སྩལ་དུ་གསོལ། བདག་གུམ་པ་ནི་ཚོད་མཆིས་ཀྱི་ཡབ
252a2 སྤྱན་མི་མངའ་བར་གྱུར་ན། འཛམ་བུའི་གླིང་གི་མི་ཐམས་ཅད་མགོན་མ་མཆིས་ཏེ། དཔུང་གཉེན་མེད་པར་འགྱུར་རོ་ཞེས་གསོལ་པ་དང་། རྒྱལ་པོས་རྒྱལ་ཕྲན་དང་། བློན་པོ་དང་། བཙུན་མོ་དང་། རྒྱལ་བུ་རྣམས་ལ་འདི་སྐད་ཅེས་བསྒོའོ། །ང་ནི་སྐྱེ་བ་ཡུན་རིང་པོར
252a3 ལུས་འདིས་སྐྱེ་བ་ཅི་ཡང་མྱོང་སྟེ། རུས་པ་སྤུངས་པ་ནི་རི་རབ་བས་མཐོ། །ཁྲག་བསགས་ན་རྒྱ་མཚོ་བཞི་བས་མང་། མའི་ནུ་ཞོ་འཐུངས་པ་ཡང་ཆུ་བོ་བཞི་བས་ཆེ་སྟེ། འདོད་པ་དང་བྱེ་བྲལ་ནས་ངུས་པའི་མཆི་མ་ཡང་རྒྱ་མཚོ་དང་མཉམ་མོ། །སེམས་ཅན་དམྱལ་བར་ཡང
252a4 བསྲེགས་པ་དང་། བཙོས་པ་དང་། མིག་ཕྱུང་བའི་གྲངས་ཀྱང་ཤིན་ཏུ་མང་། ཀྱི་ཁམས་སུ་ལུས་རྣམ་པ་སྣ་ཚོགས་མྱོང་སྟེ། ལུས་ལ་མེ་འབར་བ་ནས་ལུས་དང་། མིག་བཅས་སུ་ཚིག་པ་གྲངས་མེད། དུད་འགྲོའི་སྐྱེ་གནས་སུ་སྐྱེས་པ་ནི་གཅིག་ལ་གཅིག་གསོད
252a5 ཅིང་འཆི་བས་ལུས་གྲངས་མེད་པ་ཞིག་ཆུད་ཟོས། མིའི་ནང་དུ་སྐྱེས་པ་ན་ཤི་མ་རན་པར་ཤི་བའི་གྲངས་ནི་མང་། ཚེའི་མཐར་ཐུག་པའི་གྲངས་ནི་ཉུང་སྟེ། འདོད་པ་ལ་ཆགས་པས་གཅིག་ལ་གཅིག་གསོད་ཅིང་གནོད་པར་བྱེད་དོ། །དེར་ཡང་ལུས་དང་མིག་གྲངས་མེད་པ་ཞིག་ཆུད་གསན
252a6 ན། གལ་ཏེ་ལྷར་སྐྱེས་ན་ཡང་རིང་པོར་མི་ཐུབ་སྟེ། མདོར་ན་ཁམས་གསུམ་གྱི་རྒྱུད་དྲུག་ཏུ་འདོད་ཆགས་དང་། ཞེ་སྡང་དང་། གཏི་མུག་གི་རྡུལ་ཕྲ་མོ་སྙེད་ཀྱི་ལུས་ཆུད་ཟོས་ན་ལན་འགའ་ཡང་སྦྱིན་པ་མ་བྱས་ཏེ། སངས་རྒྱས་ཀྱི་བྱང་ཆུབ་བཙལ་མ་མྱོང་། ཤིན་ཏུ་བཙོག
252a7 ཅིང་མནམ་པའི་མིག་འདི་དེའུ་རེ་རུལ་ཅིང་འཇིག་པས། ད་སྦྱིན་པ་བྱ་བའི་རིགས་ཀྱི་མི་སྦྱིན་པའི་མི་རིགས་ཏེ། ཤའི་མིག་འདི་བྱིན་ལ་སངས་རྒྱས་ཀྱི་རྣམ་པ་ཐམས་ཅད་མཁྱེན་པ་ཉིད་ཀྱི་སྤྱན་ཐོབ་པར་བྱའོ། །ནམ་ངའི་སྨོན་ལམ་འདི་གྲུབ་ན། ཁྱོད་ལ་ཡང་རྣམ་པར་དག་པའི
iiif viewer powered by OpenSeadragon
