| e-texts navigator |
| Wylie |
250b1 དེས་ཀྱང་འཕྲིགས་ནས། རྟ་མགྱོགས་པ་ལ་ཞོན་ནས་བྲོས་སོ། །དམག་གི་དཔུང་གི་ཕྱི་བཞིན་བདས་ཏེ་སླེབས་པ་དང་། བློན་པོ་དེ་འཕོངས་སྐྱེན་པ་ཞིག་པས་འཕྲལ་དུ་མི་ལྔ་མདའ་འཕངས་ཏེ་བསད་དོ། །དེ་ནས་སྙེགས་མས་ཡང་སྙེགས་མ་ནུས་པས་བློན་པོ་དེ་ཡང་མིག
250b2 འབྱེད་ཀྱི་ཡུལ་དུ་ཕྱིན་ཏོ། །རྒྱལ་པོ་མིག་འབྱེད་ལ་ཕྱག་འཚལ་ནས་གཏམ་བྱས་ཏེ། རྒྱལ་པོ་དགའ་བས་དེ་ཡང་བློན་པོར་བཅུག་གོ། །དེ་ནས་རྒྱལ་པོ་དེ་བཀའ་མི་ཉན་ཏོ། །ཞེས་གསོལ་ནས། བློན་པོ་རྣམས་ལ་རྒྱལ་པོ་དེ་ང་དབང་བ་ལ་མ་གཏོགས་སམ། ཞེས་དྲིས་ན།
250b3 དེ་ལ་རྒྱལ་པོ་མི་དབང་ངོ་ཞེས་གསོལ་ཏོ། །དེ་ནས་བློན་པོ་དེས་དཔུང་གི་ཚོགས་བསྡུས་ཏེ། རྒྱལ་པོ་དེ་དབབ་པར་གསོལ་པ་དང་། རྒྱལ་པོས་ཀྱང་དེ་བཞིན་གནང་ངོ་། །དེ་ནས་དཔུང་གི་ཚོགས་མཆོག་རྣམས་བསྡུས་ཏེ། པ་ལ་ད་བར་ནེའི་ཡུལ་དུ་འགྲོའོ་ཞེས་བྱ་བའི
250b4 ཞག་དུས་བགྲོས་སོ། །དེའི་ཚེ་ན་རྒྱལ་པོ་དེས་ཀྱང་དཔུང་གི་ཚོགས་བདག་གི་ཡུལ་དུ་འོང་ངོ་ཞེས་ཐོས་ནས་རབ་ཏུ་མི་དགའ་སྟེ། སེམས་ཁོངས་སུ་ཆུད་ནས་ཅི་བྱའི་གཏོལ་མེད་དེ། གོས་དྲི་མ་ཅན་བགོས་ནས་མུན་ཁུང་དུ་ཞུགས་སོ། །དེའི་ཚེ་ཡུལ་དེ་ན་བྲམ་ཟེ་མ་རུངས་པ་ཞིག
250b5 ཡོད་པ་དེས་རྒྱལ་པོ་ལ་ཁྱོད་ཅིས་མི་དགའ་ན་འདི་ལྟར་མྱ་ངན་བྱེད་ཅེས་དྲིས་པ་དང་། རྒྱལ་པོས་སྨྲས་པ། ཁྱོད་མ་ཐོས་སམ། ཁོ་བོའི་བློན་པོ་ལོ་དར་བྲོས་པས། རྒྱལ་པོ་མིག་འབྱེད་ཀྱི་ཡུལ་དུ་སོང་ནས། ཕྱིར་ཁོ་བོའི་ཡུལ་དུ་དམག་འདྲེན་ནོ་ཞེས་ཟེར་བས་མི་དགའོ། །
250b6 གལ་ཏེ་དམག་འདྲེན་ན། བདག་ཅག་ཀྱང་མེད་པར་འགྱུར་ཞེས་སྨྲས་པ་དང་། བྲམ་ཟེས་སྨྲས་པ། བློན་པོ་རྣམས་བསྡུས་ཤིག་དང་གྲོས་བགྱིའོ་ཞེས་གསོལ་ཏོ། །དེ་ནས་བློན་པོ་དང་བྲམ་ཟེ་འདུས་ཏེ་བགྲོས་ནས་བྲམ་ཟེས་སྨྲས་པ། རྒྱལ་པོ་མིག་འབྱེད་དེ་བདག་གི
250b7 ཕ་མ་མ་གཏོགས་པར་གཞན་ཅི་ལ་ཡང་མི་ཆགས་ཏེ། སྦྱིན་པ་བྱེད་དོ་ཞེས་ཐོས་ཀྱིས། ཡུལ་འདི་ན་བྲམ་ཟེ་ལོང་བ་ཞིག་ཡོད་པ་དེས། རྒྱལ་པོ་དེ་ལ་མིག་ཡ་གཅིག་སློང་དུ་བཏང་ངོ་། །གལ་ཏེ་མིག་སྦྱིན་ན་དམག་ཀྱང་མི་འདྲེན་པར་འགྱུར་རོ་ཞེས་བགྲོས་ཏེ། རྒྱལ་པོ་ལ
iiif viewer powered by OpenSeadragon
