| e-texts navigator |
| Wylie |
238b1 ལྟོ་བ་དག་ཅིག་གིས་གོས་ཧྲུལ་པོ་གྱོན་ནས་སྣོད་ཆག་པ་ཐོགས་ཏེ། ཅུང་ཟད་བསླང་ངོ་ཞེས་འབོད་པ་དགེ་དོན་གྱིས་ཐོས་ནས། དེ་དག་ལ་ཁྱོད་ཅིའི་ཕྱིར་འདི་ལྟར་ཉོན་མོངས་ཤིང་སྡུག་ཅེས་དྲིས་སོ། །དེ་དག་ལས་ཁ་ཅིག་ནི་འདི་སྐད་དུ་བདག་ལ་ཕ་མ་དང་ཕུ་ནུ་དང་བུ་སྨད་དང་། གཉེན
238b2 བཤེས་མ་མཆིས་པས་སྡུག་གོ་ཞེས་ཟེར་རོ། །དེ་ལ་ཁ་ཅིག་ནི་བདག་ཅག་ཡུན་རིང་དུ་ནད་ཀྱིས་བཏབ་པས་མི་སོས་ཏེ་སྡུག་གོ་ཞེས་ཟེར་རོ། །དེ་ལ་ཁ་ཅིག་ནི་བདག་ཅག་བག་མ་བྱས་པས་ཆོམ་པོས་བཅོམ་སྟེ་ཅི་ཡང་མི་བདོག་པས་སློངས་མོ་བྱེད་དོ་ཞེས་ཟེར་རོ། །དགེ་དོན་གྱིས
238b3 དེ་སྐད་ཅེས་སྨྲས་པ་ཐོས་ནས། མཆི་མ་བླགས་ཏེ་སོང་ངོ་། །ཕ་ཟད་ཅིག་ཙམ་ནས་ཤན་པ་དག་ཅིག་སྲོག་ཆགས་བསད་ནས་པགས་པ་བཤུ་བ་དང་། དམྱལ་གཏུབ་པ་དག་མཐོང་ནས། དགེ་དོན་གྱིས་ཨེ་མ་ཧོ་འདི་དག་ཅི་བྱེད་ཅེས་དྲིས་པ་ན། བདག་ཅག་གི་ཕ་མེས་རྒྱུད
238b4 ཀྱིས་འདི་འདྲ་བའི་གསད་པའི་ལས་བྱེད་དེ། འདི་མ་བྱས་ན་མི་འཚོའོ། །ཞེས་ཟེར་རོ། །དེ་ལ་དགེ་དོན་ངོ་ཚ་བར་གྱུར་ཏེ་བལྟ་མི་ཕོད་པར་སོང་ངོ་། །དེ་ནས་ཡང་ཕ་ཟད་ཕྱིན་པ་དང་ཞིང་པ་དག་ཅིག་ཞིང་རྨོས་པའི་འོག་ཏུ་སྲིན་བུ་མང་དུ་བྱུང་བ་ལས། བྱ་མང་པོ་དག་སྦྲུལ་གདུག་པ
238b5 དག་ཐུ་ཞིང་ཟ་བ་མཐོང་བ་དང་། འདི་དག་ཅི་བྱེད་ཅེས་དྲིས་པ་ན་བདག་ཅག་ནི་ཞིང་རྨོས་ཏེ་ས་རློགས་པའི་ཤུལ་དུ་ས་བོན་བཏབ་ནས། ཕྱིས་མང་དུ་སྐྱེས་ཏེ་དེས་འཚོ་ཞིང་རྒྱལ་པོའི་དཔྱ་ཡང་དབུལ་ཞེས་ཟེར་རོ། །དགེ་དོན་དེ་ལ་ཡང་ངོ་ཚ་བར་གྱུར་ནས་ཕ་ཟད་སོང་བ་དང་། རྔོན་པ་བྱ་རྒྱ་བྲེས
238b6 པ་དང་། རྙི་བཙུགས་ནས་བྱ་རྣམས་བཤོར་བ་དང་། སེམས་ཅན་དག་བྱ་རྒྱ་དང་རྙི་ལ་ཟིན་ནས་ལུས་རྡེག་ཅིང་འཐེན་ཀྱང་མ་ཤོར་ཏེ། སྙིང་རྗེའི་སྐད་ཕྱུང་སྟེ། ཤིན་ཏུ་འཇིགས་སྐྲག་པ་དག་མཐོང་ནས། ཁྱོད་འདི་ཅི་བྱེད་ཅེས་དྲིས་ན་བདག་ཅག་ཀྱང་རྒྱུད་ཀྱིས་འདི་འདྲ་བ
238b7 གསོད་པའི་ལས་བྱེད་པས་འཚོ་ཞེས་ཟེར་རོ། །དགེ་དོན་གྱིས་དེ་སྐད་ཅེས་སྨྲས་པ་ཐོས་ནས་ཤིན་ཏུ་ཡི་མུག་སྟེ། ཡང་ཕ་ཟད་སོང་བ་དང་། ཉ་པ་དག་ཉ་རྒྱ་བཙུགས་ནས་མང་དུ་ཟིན་ཏེ། ཐང་དུ་ཕུང་པོར་སྤུངས་ནས་ད་དུང་ཡང་འགུལ་བ་དག་མཐོང་ནས་འདི་དག་ཅི་བྱེད་དྲིས་ན།
iiif viewer powered by OpenSeadragon
