| e-texts navigator |
| Wylie |
226a1 ཀྱི་ཕྱིར་ཐམས་ཅད་ཉོན་མོངས་ཏེ། གཅིག་ལ་གཅིག་གསོད་པ་དང་། དང་དབང་ཟ་བ་དང་མི་དགེ་བའི་ལས་རྣམ་པ་སྣ་ཚོགས་བགྱིད་པ་མཐོང་ནས་དེ་དག་ལ་སྦྱིན་པ་བགྱིད་པར་བསམས་ཀྱིས། ཡབ་ཀྱི་བང་མཛོད་ཆེན་པོ་ལས་ཕོངས་པ་དག་གི་ཕྱིར་ཡིད་བཞིན
226a2 དུ་སྦྱོར་དུ་གནོང་ཤིག་། ཕས་སྨྲས་པ་བང་མཛོད་དང་རིན་པོ་ཆེ་མང་དུ་བསགས་པ་ཐམས་ཅད་ཁྱོད་ཀྱི་ཕྱིར་བྱས་པར་ཟད་ན་ཅིའི་ཕྱིར་ཁྱོད་ཟེར་བ་ནི་མི་ཉན་ཞེས་སྨྲས་སོ། །དེ་ནས་སྦྱིན་པ་ཆེན་པོས་ཕས་གནང་བའི་ལུང་ཐོབ་ནས། ཡུལ་མི་ཐམས་ཅད་ལ་སྦྱིན་པ་ཆེན་པོས་སྦྱིན་གཏོང་ཆེན
226a3 པོ་བྱེད་ཀྱིས་ཐམས་ཅད་འདུས་ཤིང་ཤོག་ཤིག་ཅེས་བསྒྲགས་སོ། །དེའི་ཚེ་དགེ་སྦྱོང་དང་བྲམ་ཟེ་དབུལ་ཕོངས་པ་མགོན་མེད་པ་དང་། ནད་པ་ལ་སོགས་པ་གྲོང་ཁྱེར་གྱི་ཕྱི་རོལ་ན་ལམ་ཐོག་ཐག་གང་ངོ་། །དེ་དག་ཀྱང་དཔག་ཚད་བརྒྱ་དང་། ཉིས་བརྒྱ་དང་། སུམ་བརྒྱ་དང་། བཞི་བརྒྱ
226a4 དང་། ལྔ་བརྒྱ་དང་། དཔག་ཚད་སྟོང་གི་ལམ་ནས་འོངས། ཁ་ཅིག་ནི་དཔག་ཚད་ཉིས་སྟོང་སུམ་སྟོང་བཞི་སྟོང་ལྔ་སྟོང་ནས་དཔག་ཚད་ཁྲིའི་བར་དུ་ལྷགས་ཏེ། དེ་དག་སྤྲིན་བཞིན་དུ་འདུས་ཏེ་ཐམས་ཅད་ལ་ཡིད་བཞིན་དུ་སྦྱིན་པ་ནི་གོས་འདོད་པ་ལ་གོས། ཟས་འདོད་པ་ལ
226a5 ཟས། རིན་པོ་ཆེ་དང་། གསེར་དང་། དངུལ་དང་། བཻ་དཱུརྱ་དང་། མུ་ས་ར་གལ་བ་དང་། བཞོན་པ་དང་། ཐེག་པ་དང་། ཁྱོགས་དང་། སྐྱེད་མོས་ཚལ་དང་། ཞིང་དང་། རྐང་འགྲོས་ལ་སོགས་ཏེ་ཡིད་བཞིན་དུ་སྦྱིན་པ་བྱས་སོ། །དེ་ལྟར་སྦྱིན་པ་སྦྱིན་པ་ལ་ཞུགས་ཏེ།
226a6 ཡུན་རིང་ཞིག་ལོན་པ་དང་བང་མཛོད་སུམ་ཆ་ཞིག་ཟད་པ་དང་། བང་མཛོད་སྲུང་མིས་བྲམ་ཟེ་ལ་འདི་སྐད་ཅེས་སྨྲས་སོ། །སྲས་ཀྱིས་བང་མཛོད་ནས་སྦྱིན་པ་བྱས་པས། སུམ་ཆ་གཅིག་ནི་ཟད། སུམ་ཆ་གཉིས་ལས་མ་ལུས་ན། ཕན་ཚུན་དུ་འདྲུལ་བའི་སྐྱེས་དང་ཚོང་ཟོང་ཅི
226a7 ལས་བགྱིད་པ་དགོངས་ཤིག་ཅེས་སྨྲས་སོ། །ཁོ་བོ་ནི་བུ་ལ་བྱམས་པས་ངོ་མི་བཟློགས་ཀྱིས་བང་མཛོད་སྟོངས་ཀྱང་བླའོ་ཞེས་སྨྲས་སོ། །དེ་ནས་ཡང་རིང་ཞིག་ལོན་པ་དང་། བང་མཛོད་སུམ་གཉིས་ནི་ཟད་སུམ་ཆ་ཙམ་ལུས་པ་དང་། མཛོད་སྲུང་གིས་ཡང་བྲམ་ཟེ་ལ་བང་མཛོད
iiif viewer powered by OpenSeadragon
