| e-texts navigator |
| Wylie |
189b1 སྦྱིན་ནམ་ཞེས་སྤྲིང་ན། དེས་ཀྱང་དེ་བཞིན་དུ་བྱའོ་ཞེས་སྨྲས་སོ། །དེ་ནས་ཚོང་པ་དེས་བསམས་པ། ཁྱིམ་བདག་འདི་ལ་ནོར་དབྱིག་མང་དུ་བསྐྱིས་པས་བདག་ལ་ལོངས་སྤྱོད་ཅི་བདོག་པ་ཐམས་ཅད་གཏུགས་ཀྱང་མི་འཁོར་ཏེ། བདག་གིས་ཐབས་ཤིག་བྱའོ་སྙམ་བསམས་ནས། ཚོང་པ་དེས
189b2 ནོར་བུ་རིན་པོ་ཆེ་ཅིག་ཐོགས་ཏེ། ཞལ་ཅེ་བ་དེའི་ཆུང་མའི་གན་དུ་སོང་ནས་འདི་སྐད་ཅེས་གསོལ་ཏོ། །བཙུན་མོ་མཁྱེན་པར་མཛོད་ཅིག་བདག་གིས་སྔོན་ཁྱིམ་བདག་ཚུལ་ཁྲིམས་ལས་ནོར་ཅུང་ཟད་ཅིག་བསྐྱིས་ཏེ། ད་ཁྱིམ་བདག་གི་བུ་བདག་ལ་བུ་ལོན་དེད་ན། ནོར་བུ་རིན་པོ་ཆེ་སྲང་ཁྲི་རི་བ
189b3 འདི་བཞེས་ཏེ། ཞལ་ཅེ་བ་ལ་བདག་ཅག་གཉིས་འདྲིར་འོངས་ན་མ་མཐོང་ངོ་ཞེས་གསོལ་པར་གྱིས་ཤིག་ཅེས་གསོལ་ཏོ། །ཆུང་མས་སྨྲས་པ། བདག་གི་ཁྱིམ་ཐབ་འདི་ནི་ཤིན་ཏུ་དྲང་སྟེ་མི་ཟེར་བས་ན་མི་བཏུབ་ཏུ་ངེས་ན། འོན་ཀྱང་གསོལ་བར་བྱའོ་ཞེས་ནོར་བུ་བླངས་ཏེ། ཁྱིམ
189b4 ཐབ་ནུབ་མོ་སླར་འཁོར་བ་དང་། ཚོང་པས་གསོལ་པ་བཞིན་དུ་རྒྱས་པར་སྨྲས་སོ། །ཁྱིམ་ཐབ་ཀྱིས་སྨྲས་པ། བདག་གི་ཆུ་གང་དང་ཁྲེལ་ལྟས་ཀྱིས་འཚོ་སྟེ། མི་སྨྲ་བས་རྒྱལ་པོས་ཀྱང་ཞལ་ཅེ་པར་བཅུག་གོ། །གལ་ཏེ་བདག་གིས་སྨྲས་ན། ད་ནི་རིགས
189b5 གཤའ་མ་མ་ཡིན་ནོ་ཞེས་སྨྲས་སོ། །ཕྱི་ཉིན་ཡང་ཚོང་པ་འོངས་ནས། ཆུང་མས་ཀྱང་དེ་བཞིན་དུ་གཏམ་རྒྱས་པར་སྨྲས་ཏེ། ནོར་བུ་ཕྱིར་བྱིན་པ་ལས། ཚོང་པ་དེས་ནོར་བུ་རིན་པོ་ཆེ་སྲང་སྟོང་ཕྲག་ཉི་ཤུ་རི་བ་ཅིག་ཡང་ཕུལ་ཏེ། འདི་སྐད་དུ་དོན་ཅུང་ཟད་ཀྱི་ཕྱིར་ཚིག་གཅིག་སྨྲས
189b6 པས་སྲང་སྟོང་ཕྲག་སུམ་ཅུ་རྙེད་པར་འགྱུར་རོ། །ཕ་རོལ་པོ་ནི་མི་ཙམ་པོ་ཡིན་ཏེ་རྒྱལ་པོར་གྱུར་ན་ཡང་དོང་ཙེ་གཅིག་ཙམ་ཡང་ཐོབ་པར་མི་འགྱུར་རོ་ཞེས་སྨྲས་ནས། འདི་ནི་རིགས་པ་ཡིན་ནོ་སྙམ་སྟེ། ནོར་བུ་རིན་པོ་ཆེ་ལ་ཆགས་པས་ཚོང་པས་བཅོལ་བ་ལ་བསྒྲུབ་པར་ཁས་བླངས་ཏེ།
189b7 དགོངས་སུ་ཁྱིམ་ཐབ་ཕྱིར་འཁོར་བ་དང་། ཁར་རྩང་བདག་གིས་གསོལ་པ་དེ་རུང་བ་འདྲ་ན་དེ་བཞིན་དུ་མཛད་དུ་གསོལ། ཁྱིམ་ཐབ་ཀྱིས་སྨྲས་པ། དེ་ནི་རིགས་པ་མ་ཡིན་ཏེ། བདག་ནི་མི་ཟེར་བས་ཞལ་ཅེ་བར་བཅུག་གོ། །གལ་ཏེ་ཞིག་སྨྲས་ན་ཡང་། ཚེ་འདི
iiif viewer powered by OpenSeadragon
