| e-texts navigator |
| Wylie |
185a1 ཁྲིམས་བསྲུངས་པ། ཚངས་པར་སྤྱོད་པ་དག་འབོད་ཀྱིས་ཐམས་ཅད་ནི་མ་ཡིན་ནོ། །གང་སྟོན་མོ་ལ་འོངས་པ་ལག་པའི་མཁྲིག་མ་ལ་ཀེའུ་ལེའི་རྒྱས་འདེབས་སོ། །བྲམ་ཟེ་གཅིག་ཅིག་ཡོན་ཏན་དང་ལྡན་ཡང་རང་བཞིན་གྱིས་སྲེད་པ་ཅན་ཞིག་ཡིན་པས། སྦྲང་རྩི་དང་མངར
185a2 བ་ལ་ཆགས་པས་མཁྲིག་མ་ལ་རྒྱས་བཏབ་པ་བལྡགས་ཏེ་མི་སྣང་བར་བྱས་སོ། །ཕྱི་ཉིན་སྟོན་མོ་ལ་འདུས་ནས་སྒོ་བས་རྒྱ་བལྟས་ན། ཀུན་ཏུ་རྒྱུ་དེ་ལ་རྒྱ་མེད་པར་གྱུར་ནས། སྒོ་བས་ཀྱང་ནང་དུ་མ་བཏང་བས། ཁྱོད་ཀྱི་རྒྱ་ག་རེ་ཞེས་དྲིས་ན། མངར་བས་བལྡགས་ཏེ་མེད
185a3 པར་བྱས་སོ་ཞེས་སྨྲས་སོ། །དེ་ལྟར་ཀུན་དུ་རྒྱུ་དེ་མངར་བ་ཅུང་ཟད་ཙམ་ལ་ཆགས་པས། ཟླ་བ་བཞིའི་སྟོན་མོ་ཁ་ཟས་ཁ་དོག་དང་དྲི་བསུང་དང་ལྡན་ཞིང་། དྲི་ཞིམ་པོ་རྣམ་པ་སྣ་ཚོགས་དང་། ཡོན་ཏན་རིན་པོ་ཆེ་མང་པོ་ཡང་ཤོར་གྱིས། ཁྱོད་ཀྱང་དེ་ལྟ་བུའི་ཅུང་ཟད་ཙམ
185a4 ལ་ཆགས་པའི་ཕྱིར། ཚུལ་ཁྲིམས་ཀྱི་ཕྱག་རྒྱ་ཉམས་པར་མ་བྱེད་ཅིག་།ལྷ་དང་མིའི་འདོད་པ་ལྔའི་རོ་ཞིམ་པོ་དང་། ཟག་པ་མེད་པ་དང་། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་། མྱ་ངན་ལས་འདས་པའི་བདེ་བ་དང་། ཆོས་རིན་པོ་ཆེ་ཚད་མེད་པ་དག
185a5 སྟོར་བར་གྱུར་ཏ་རེ། དུས་གསུམ་གྱི་སངས་རྒྱས་ཀྱི་ཚུལ་ཁྲིམས་ཉམས་ཤིང་། དཀོན་མཆོག་གསུམ་དང་། སློབ་དཔོན་དང་། དགེ་འདུན་གྱི་རིགས་སུན་པར་མ་བྱེད་ཅིག་ཅེས་བསྒོ་བ་དང་། སློབ་དཔོན་གྱི་རྐང་པ་ལ་མགོ་བོས་ཕྱག་འཚལ་ཏེ། དེའི་ཁྱིམ་དུ་སོང
185a6 ངོ་། །དེར་ཕྱིན་པ་དང་། སྒོ་བརྡུངས་ནས་བུ་མོས་སུ་ཡིན་ཞེས་བོས་སོ། །དགེ་ཚུལ་གྱིས་བདག་སློབ་དཔོན་གྱི་བསོད་སྙོམས་ལེན་དུ་འོངས་སོ་ཞེས་སྨྲས་པ་དང་། བུ་མོ་དེ་རབ་ཏུ་དགའ་ནས་ད་ནི་རེ་བ་རྙེད་དོ་སྙམ་ནས་སྒོ་ཕྱེས་ཏེ། དགེ་ཚུལ་ནང་དུ་འོངས་པ་དང་། བུ་མོ
185a7 ཡང་ལོ་བཅུ་དྲུག་ལས་མ་ལོན་ཏེ། མངའ་བྱད་ལེགས་པ་དང་། བལྟ་ན་སྡུག་པ། མཛེས་པ་བཟང་བ་ཞིག་སྟེ། འདོད་ཆགས་ཀྱིས་བསླུའོ་སྙམ་སྟེ། དགེ་ཚུལ་དེའི་མདུན་དུ་བསླུ་བ་རྣམ་པ་མང་པོ་བྱས་ཏེ། ཤིན་ཏུ་འདོད་པས་དགེ་ཚུལ་དེ་ལ་བཏེགས་སོ། །དགེ་ཚུལ
iiif viewer powered by OpenSeadragon
