| e-texts navigator |
| Wylie |
181b1 མོངས་པའི་ཟག་པ་ཐམས་ཅད་ཟད་དེ། དགྲ་བཅོམ་པར་གྱུར་ཏོ། །མཽད་གལ་ཡང་ཤིན་ཏུ་དགའ་ནས་སྨྲས་པ། ཆོས་ཀྱི་སྲས་ཁྱོད་ཀྱིས་ནི། བྱ་བ་ཐམས་ཅད་ཡིད་ལ་བྱས་ཀྱིས། སྔར་འདིས་འོངས་པ་ནི་ངའི་མཐུས་འོངས་སོ། །ད་ནི་ཕྱིར་ཁྱོད་བདག་གི་མཐུས་འདོང་ངོ་ཞེས
181b2 སྨྲས་ནས། དེའི་ཚེ་མཽད་གལ་སྟེང་གི་ནམ་མཁའ་ལ་འཕགས་པ་དང་། དགེ་སློང་དཔལ་སྐྱེས་ཀྱང་། སློབ་དཔོན་གྱི་ཕྱི་བཞིན་དུ་འོངས་པ། བྱ་ཕའི་ཕྱི་བཞིན་དུ་ཕྲུག་གུ་འབྲང་བ་དང་འདྲ་བར་འོད་མའི་ཚལ་གང་ན་བ་དེར་འོངས་སོ། །དེའི་ཚེ་དགེ་སློང་གཞོན་ནུ་དག་གིས་དགྲ་བཅོམ
181b3 པར་མི་ཤེས་པས། སྔོན་བཞིན་དུ་དཔལ་སྐྱེས་ལ་ཐོ་བཙམ་ཡང་སྤྱོད་ལམ་མ་ཉམས་ཏེ་ཅང་མི་སྨྲའོ། །བཅོམ་ལྡན་འདས་ཀྱིས་དེ་ལྟ་བུར་གྱུར་པ་མཁྱེན་ནས། དགེ་སློང་གཞོན་ནུ་རྣམས་ཀྱིས་འདི་ལས་མི་འབྱུང་བ་དང་། དགེ་སློང་རྒན་པོའི་ཡོན་ཏན་གྲགས་པར་བྱ་བའི་ཕྱིར།
181b4 འཁོར་མང་པོའི་ནང་དུ། དགེ་སློང་དཔལ་སྐྱེས་ལ་ཚུར་ཤོག་ཅེས་བཀའ་སྩལ་ནས། ཁྱོད་རྒྱ་མཚོའི་ངོགས་སུ་ཕྱིན་ཏམ་ཞེས་བཀའ་སྩལ་ཏོ། །དཔལ་སྐྱེས་ཀྱིས་གསོལ་པ། རྒྱ་མཚོའི་ངོགས་སུ་མཆིས་སོ། །རྒྱ་མཚོའི་ངོགས་ན་ཅི་མཐོང་སྨྲོས་ཤིག་ཅེས་བཀའ་སྩལ་པ
181b5 དང་། དགེ་སློང་གིས་ཅི་དང་ཅི་མཐོང་བ་རྒྱས་པར་གསོལ་པ་དང་། བཅོམ་ལྡན་འདས་ཀྱིས་ལེགས་སོ་ལེགས་སོ་ཞེས་བྱ་བ་གནང་ནས། དཔལ་སྐྱེས་ཁྱོད་ཀྱིས་དེ་དག་མཐོང་བ་བདེན་ནོ། །ཁྱོད་ཀྱིས་ད་ནི་འཁོར་བའི་སྡུག་བསྔལ་ཡོངས་སུ་སྤངས་ཏེ། མྱ་ངན་ལས་འདས་པའི
181b6 བདེ་བ་ཐོབ་པས། ལྷ་དང་མིར་བཅས་པའི་འཇིག་རྟེན་གྱི་མཆོད་པའི་གནས་སུ་གྱུར་ཏོ། །དགེ་སློང་ཁྱོད་ཀྱིས་བྱ་བ་ཐམས་ཅད་ཡོངས་སུ་རྫོགས་སོ་ཞེས་བཀའ་སྩལ་ནས། དགེ་སློང་གཞོན་ནུ་དེ་དག་གིས། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་ཐོས་ནས།
181b7 ཤིན་ཏུ་འགྱོད་ཅིང་མི་དགའ་བ་སྐྱེས་ཏེ། འདི་ལྟ་བུ་མཁས་པ་ཤེས་རབ་ཅན། འཕགས་པ་ལ་བདག་ཅག་ཤེས་རབ་མེད་པས། འཚེ་བ་དང་། ཐོ་བཙམ་པར་བགྱིས་སོ། །བདག་ཅག་ཁ་ན་མ་ཐོ་བའི་རྣམ་པར་སྨིན་པ་འབྱུང་བར་འགྱུར་རོ་ཞེས་སྨྲས་ནས། དགེ་སློང
iiif viewer powered by OpenSeadragon
