| e-texts navigator |
| Wylie |
179b1 བྱས་མ་ཐག་ཏུ་ཕྱིར་ཡང་བུད་མེད་ཀྱི་ལུས་དེ་ལ་སྦྲུལ་དུ་སྐྱེས་ཏེ། སྦྲུལ་དེ་ལས་ཚེའི་དུས་བྱས་ནས་སེམས་ཅན་དམྱལ་བ་ཆེན་པོའི་སྡུག་བསྔལ་དཔག་ཏུ་མེད་པ་མྱོང་བར་འགྱུར་རོ། །དགེ་སློང་དེས་སློབ་དཔོན་ལ་ཡང་གསོལ་པ། བདག་གི་ཤ་ལ་ཟ་བའི་བུད་མེད་དེ་སུ་ལགས། མཽད་གལ་གྱི་བུས
179b2 སྨྲས་པ། མཉན་དུ་ཡོད་པ་ན་དགེ་བསྙེན་མ་ཞིག་ལ་བྲན་མོ་ཞིག་ཡོད་དོ། །དགེ་བསྙེན་མ་དེས་ཚུལ་ཁྲིམས་རྣམ་པར་དག་པའི་དགེ་སློང་ཞིག་།དབྱར་ཟླ་བ་གསུམ་མཆོད་པ་འབུལ་བར་སྤྱན་དྲངས་ཏེ། ཕྱོགས་གཅིག་ཏུ་གནས་ཁང་བྱས་ཏེ་བཞག་ནས། ཉིན་གཅིག་བཞིན་དུ་ཁ་ཟས་རོ་བརྒྱ
179b3 དང་ལྡན་པ་དྲི་བསུང་དུ་ལྡན་པ་སྣ་ཚོགས་སྦྱར་ཏེ། དྲོ་ཁར་དུས་སུ་བྲན་མོ་དེ་སྐྱེལ་དུ་བཏང་ངོ་། །བྲན་མོ་དེས་དབེན་པར་ཕྱིན་པ་དང་། ཟས་ཞིམ་པོ་རྣམས་ཟོས་ནས་ལྷག་མ་དགེ་སློང་དེ་ལ་ཕུལ་ལོ། །ཕྱིས་དགེ་བསྙེན་མས་བྲན་མོ་དེ་མདོག་བཟང་ཤིང་ཤ་སྐྱེས་པ་མཐོང་ནས། བྲན་མོ་ལ་ཁྱོད
179b4 ཀྱིས་དགེ་སློང་ལ་ཕུལ་བའི་ཁ་ཟས་ལྷག་མར་མ་བྱས་སམ་ཞེས་དྲིས་ན། ཇོ་མོ་བདག་ལ་ཡང་དད་པའི་སེམས་ཅུང་ཟད་ཀྱང་མཆིས་ཏེ། ངན་པར་ལྟ་བ་ནི་མ་ལགས་ན་ཅིའི་སླད་དུ་དགེ་སློང་ལ་འབུལ་བའི་ཁ་ཟས་ལྷག་མར་བགྱིད། དགེ་སློང་གིས་མ་ཡོགས་པའི་ལྷག་མ་འཚལ་ཏོ། །ཅི་སྟེ
179b5 བདག་གིས་འཚལ་བར་གྱུར་ན་བདག་གར་སྐྱེས་ཀྱང་བདག་གི་ཤ་ལ་བདག་ཟ་བར་ཤོག་ཤིག་ཅེས་སྨྲས་པས། དེའི་རྒྱུ་དེའི་རྐྱེན་གྱིས་སྔར་རྣམ་པར་སྨིན་པ་མི་བཟད་པ་འདི་མྱོང་ནས། སེམས་ཅན་དམྱལ་བ་ཆེན་པོར་དཔག་ཏུ་མེད་པའི་སྡུག་བསྔལ་གདོད་མྱོང་བར་འགྱུར་རོ། །དགེ་སློང་དེས
179b6 གསོལ་པ། ཤིང་ཆེན་པོ་ལ་སྲིན་བུ་མང་པོས་ཟ་ཞིང་མི་སྙན་པའི་སྒྲ་ཆེན་པོ་གྲགས་པ་དེ་སུ་ཞིག་ལགས། སྨྲས་པ། ལི་ཏ་ཞེས་བྱ་བའི་དགེ་འདུན་གྱི་ལས་བྱེད་པའི་དགེ་སློང་དེ་ཡིན་ཏེ། དགེ་འདུན་གྱི་དཀོར་ལ་སྤྱོད་ཅིང་མེ་ཏོག་དང་། འབྲས་བུ་ཟ་བ་དང་། བཏུང་བ་དག་ཁྱིམ་པའི
179b7 ཕྱོགས་སུ་བྱིན་པས། རྣམ་པར་སྨིན་པ་མི་བཟད་པ་འདི་མྱོང་ནས་ཚེའི་དུས་བྱས་མ་ཐག་ཏུ་སེམས་ཅན་དམྱལ་བ་ཆེན་པོར་སྐྱེས་ཏེ། ཤིང་ལ་ཟ་བའི་སྲིན་བུ་དེ་དག་ནི་དགེ་སློང་གིས་བྱིན་པ་ཐོབ་པའི་མི་རྣམས་ཡིན་ནོ། །དགེ་སློང་དེས་ཡང་གསོལ་པ། མི་ཞིག་ལ་མི་མང་པོས་བསྐོར་ཏེ།
iiif viewer powered by OpenSeadragon
