| e-texts navigator |
| Wylie |
178b1 དགེ་འདུན་གྱི་གནས་ཁང་བཤིག་གམ། ཆོས་འཆད་པའི་འདུན་ཁང་བཤིག་གམ། དགུན་གྲང་བའི་དུས་ན་ཕ་རོལ་པོའི་གོས་ཕྲོགས་སམ། མཐུ་ཡོད་པས་ལྷགས་པའི་ནང་དུ་བྲན་ཕོའམ། བྲན་མོའམ་མི་གཞན་གྱི་གོས་ཕྲོགས་ཏེ་ཆུ་བླུགས་སམ། གཞན་གྱི་གོས་བཤུས་ཤིང
178b2 ཕྲོགས་ན་ཁ་ན་མ་ཐོ་བའི་སྡིག་པ་འདིས་ཆབ་བྲོམ་གྱི་སེམས་ཅན་དམྱལ་བར་ལྷུང་སྟེ། མི་དེ་ཚ་བའི་ནད་ཀྱིས་གཟིར་བས་རྟག་ཏུ་བསིལ་ཞིང་གྲང་བའི་གནས་སེམས་ཏེ། གྲང་བར་འདོད་པས་ཚེའི་དུས་བྱས་མ་ཐག་ཏུ་སེམས་ཅན་དམྱལ་བ་དེར་སྐྱེས་ཏེ། ཨུད་པ་ལ་དང་།
178b3 པད་མ་དང་། ཀུ་མུ་ད་དང་། པུན་ད་རཱི་ཀའི་སེམས་ཅན་དམྱལ་བ་ཡང་དེ་དང་འདྲའོ། །གྲང་བའི་སེམས་ཅན་དམྱལ་བ་ན་སྡུག་བསྔལ་མྱོང་བ་ན་ལུས་ཀྱི་ཤ་ཁམ་ཚད་དུ་ཡོས་རྔོ་བ་ལྟར། ཆད་ཅིང་གས་ནས་མགོ་དང་རུས་པ་ཡང་དུམ་བུ་བརྒྱ་སྟོང་དུ་ཆད་ཅིང་གས་པར་འགྱུར
178b4 རོ། །སེམས་ཅན་གང་སེར་སྣ་བྱེད་ཅིང་གཞན་གྱི་འཚོ་བ་བཅད་དེ་ལྟོགས་སུ་བོར་བ་དང་། ཁ་ཟས་དུས་བཞིན་དུ་མི་སྟེར་ན་ཀྱི་ཁམས་སུ་ལྷུང་སྟེ། མི་དེ་ཁ་ཟས་མི་ཆུད་ཅིང་སྐྱུག་བྲོ་བའི་ནད་ཀྱིས་བཏབ་ནས། ནད་གཡོག་གམ་བཤེས་གཉེན་དག་གིས་ཁ
178b5 ཟས་རྣམ་པ་མང་པོ་སྦྱར་ཏེ། འདི་ནི་མངར་རོ། །འདི་ནི་སྐྱུར་རོ། །འདི་ནི་བསོད་པའོ། །འདི་ནི་འཇུ་སླའོ། །ཞེས་ནན་ཏན་གྱིས་བསྟན་ན། ནད་པ་དེ་སྐྱུག་བྲོ་སྟེ་བདག་ཁ་ཟས་འདི་མིག་གིས་མི་མཐོང་བའི་དུས་ཡོད་དམ་སྙམ་བསམས་པ་དེའི་ཚེའི་དུས་བྱས་མ་ཐག་ཏུ་སུ
178b6 ལྷུང་ངོ་། །སེམས་ཅན་གང་གླེན་པ་གཏི་མུག་ཅན། དཀོན་མཆོག་གསུམ་ལ་མ་དད་པ། འཕགས་པ་ལ་སྐུར་པ་འདེབས་པ་ནི། དུད་འགྲོའི་སྐྱེ་གནས་སུ་སྐྱེ་སྟེ། དེ་ཡང་ནད་ཀྱིས་གཟིར་བ་ན་འགུས་ཏེ། ཉལ་མི་ཤེས་ཏེ་འཕྲལ་དུ་ཉལ་མི་ཤེས་ལ་དགེ་བའི་ཕྱོགས་གཏམ་སྙན་མི
178b7 འདོད་ན། ནད་གཡོག་གིས་ཀྱང་གདོན་མི་ཟ་བར་ཚེ་འཕོས་པར་ཤེས་པས་ན། ནད་གཡོག་གིས་ཁྱོད་ཆོས་ཉོན་ཅིག་།ཚུལ་ཁྲིམས་ཀྱང་ནོས་ཤིག་།སྐུ་གཟུགས་དང་དགེ་འདུན་དག་ཀྱང་མཐོང་བར་བྱས་ལ་དེ་ལ་སྦྱིན་པ་ཡང་བྱོས་ཤིག་ཅེས་བསྐུལ་ན། དེ་ལ་མ་དད་མི་དགའ་སྟེ་ནན་གྱིས
iiif viewer powered by OpenSeadragon
