| e-texts navigator |
| Wylie |
177b1 ན་བསྟན་ཏོ་ཞེས་སྨྲས་ཏེ། ཡང་སོང་བ་དང་། བུད་མེད་གཅིག་ཟངས་ཆེན་པོ་ཞིག་བཙུགས་ཏེ། ཟངས་ཀྱི་ནང་དུ་ཆུ་བླུགས་ནས་འོག་ཏུ་མེ་བོ་ཆེ་བུས་ཏེ་ཆུ་ཁོལ་བ་དང་། གོས་ཕུད་དེ་ནང་དུ་ཞུགས་ཏེ་དེ་མ་ཐག་ཏུ་སྐྲ་དང་སྤུ་ཀུན་བྱི་ནས་ཤ་ཡང་ཚོས་ཏེ། རུས་པ་ཡང་བྱི་ནས། ཆུ
177b2 ལུད་པས་རུས་པ་རྣམས་ཕྱིར་ཕྱུང་ངོ་། །རུས་པ་དེ་དག་སླར་རླུང་གིས་བུས་པས་དེ་མ་ཐག་ཏུ་མི་ཞིག་ཏུ་གྱུར་ནས། ཟངས་ཀྱི་ནང་ནས་ཤ་ཕྱུང་སྟེ་ཟ་བ་ཞིག་མཐོང་ངོ་། །དགེ་སློང་དཔལ་སྐྱེས་སྐྲག་སྟེ་བ་སྤུ་ཡང་ལངས་ནས། སློབ་དཔོན་རང་གི་ཤ་ཟ་བ་འདི་སུ་ཡིན་ཞེས་ཞུས་ན། མཽད་གལ
177b3 གྱིས་དུས་ལ་བབ་ན་བསྟན་ཏོ་ཞེས་སྨྲས་པ་དང་། ཡང་སོང་སོང་བ་ལས་ཤིང་ཆེན་པོ་ཞིག་ལོ་མ་དང་ཡལ་གའི་བར་དུ་ཁབ་ཀྱི་རྩེ་མོ་ཙམ་གཟུག་པའི་ས་སྟོང་བ་ཡང་མེད་པར་སྲིན་བུ་མང་པོས་ཟ་བ་ལ་སྐད་ཆེན་པོར་ངུ་ཞིང་འབོད་པའི་སྒྲ་ཀུན་ཏུ་གྲགས་པ་སེམས་ཅན་དམྱལ་བའི་སྒྲ་འདྲ་བ་ཞིག
177b4 ཐོས་ནས། འདི་ལྟ་བུའི་སྒྲ་མི་སྙན་པ་སུ་ལགས་ཞེས་ཞུས་ན། མཽད་གལ་གྱིས་དུས་ལ་བབ་ན་བསྟན་ཏོ་ཞེས་སྨྲས་སོ། །དེ་ནས་ཡང་མིའི་ལུས་ལ་གཅན་གཟན་གྱི་མགོ་ཅན་དུ་འདུག་པའི་མང་པོས་མི་ཞིག་ལ་འཁོར་བར་བསྐོར་ཏེ། ལག་ན་མདའ་གཞུ་ཐོགས་ཤིང
177b5 མདའ་ལ་མེ་འབར་བ་བཞིན་དུ་ཀུན་གྱིས་མི་དེ་ལ་མདའ་འཕངས་ནས་གཅིག་ཏུ་འབར་བར་མཐོང་སྟེ། འདི་ལྟ་བུའི་སྡུག་བསྔལ་མི་བཟད་པ་མྱོང་ཡང་འབྲོས་པའི་གནས་མེད་པ་འདི་སུ་ལགས་ཞེས་ཞུས་ན། སློབ་དཔོན་གྱིས་རེ་ཞིག་སྡོད་ཅིག་དུས་ལ་བབ་ན་བསྟན་ཏོ་ཞེས་བསྒོའོ། །
177b6 དེ་ནས་ཡང་སོང་སོང་བ་ལས་རིང་ཞིག་ལོན་པ་དང་། རི་ཆེན་པོ་ཞིག་གི་དྲུང་ནས་རལ་གྲི་དང་མཚོན་རྣོན་པོ་སོ་གྱེན་དུ་བསྟན་ཏེ། བཙུགས་པ་ལས་མི་ཞིག་རིའི་རྩེ་མོ་ནས་ཐུར་དུ་རྒྱུགས་ཏེ་རལ་གྲི་དང་། མཚོན་གྱིས་ཟུག་ཅིང་རལ་ནས་ཕྱིན་ཡང་། རལ་གྲི་དང་མཚོན
177b7 ས་ལ་བཙུགས་ཏེ། དེ་བཞིན་དུ་མི་དལ་བར་རྒྱུགས་པ་མཐོང་ནས། འདི་ལྟ་བུ་སུ་ལགས་ཞེས་ཞུས་ན། སློབ་དཔོན་གྱིས་དུས་ལ་བབ་ན་བསྟན་ཏོ་ཞེས་བསྒོའོ། །དེ་ནས་ཡང་སོང་བ་ལས། རུས་པའི་རི་བོ་ཆེ་མཐོ་ཁྱད་དཔག་ཚད་བདུན་བརྒྱ་པ་ཉི་མ་ཡང
iiif viewer powered by OpenSeadragon
