| e-texts navigator |
| Wylie |
177a1 གཡོ་སྒྱུ་མེད་ན་ལྷ་རྣམས་ཀྱིས་བཀུར་བར་འགྱུར་རོ། །མཁས་པའི་ཤེས་རབ་དང་ལྡན་ལ་གཡོ་སྒྱུ་ཞིག་ཡོད་ན་གཞན་གྱི་སློབ་དཔོན་དུ་མི་རུང་སྟེ། མིས་བཀུར་བར་འགྱུར་རོ། །གལ་ཏེ་ཤེས་པ་མེད་ཀྱང་གཡོ་སྒྱུ་ཡང་མེད་དེ་དྲང་ན། གཞན་གྱི་དོན་བྱེད་མི་ནུས་ཀྱང་བདག
177a2 གི་དོན་བྱེད་པར་འགྱུར་རོ། །གལ་ཏེ་གླེན་པ་གཏི་མུག་ཅན་ཡང་ཡིན་ལ་གཡོ་སྒྱུ་ཡོད་ན། ཐམས་ཅད་ཀྱི་དགྲ་མ་རུངས་པ་ཡིན་ཏེ། ཅི་སྐད་སྨྲས་ཀྱང་འདི་ནི་དུ་སྨྲ་བ་ཡིན་ཏེ། བསླུས་པ་ཡིན་ནོ་ཞེས་ཟེར་རོ། །གལ་ཏེ་ཚིག་བདེན་པ་ཞིག་སྨྲས་ན་ཡང་། ཀུན་གྱིས་ཡིད་མི་ཆེས
177a3 ཏེ། དེ་བས་ན་བདག་གིས་སློབ་དཔོན་ལ་དུ་སྨྲས་ཏེ། བསླུས་ན་མི་རིགས་མི་བཤའ་བས་གང་བདེན་པ་སྨྲའོ་སྙམ་བསམས་ནས། སློབ་དཔོན་ལ་འདི་སྐད་ཅེས་སྨྲས་སོ། །བདག་ཁྱིམ་གྱིས་སྐྱོ་སྟེ་ཁྱིམ་མ་ཡིན་པར་རབ་ཏུ་བྱུང་ནས་བདེན་པ་ཞུ་བ་འཚལ་ན། ད་ཡང་མི་བདེ
177a4 བར་གྱུར་ནས་བདག་འགུམ་སྙམ་མོ། །མཽད་གལ་གྱི་བུས་དེ་སྨྲས་པ་ཐོས་ནས། འདི་ལ་ནི་སྐྱེ་བ་དང་ཤི་བའི་འཇིགས་པ་ཞིག་གིས་བདག་གིས་མ་བསྡིགས་ན། རབ་ཏུ་བྱུང་བའི་དོན་མེད་པར་འགྱུར་རོ་སྙམ་བསམས་ནས། དེ་ལ་ངའི་ཆོས་གོས་ཀྱི་མཐའ་མ་འདི་ལ་དམ
177a5 དུ་བཟུང་ལ་མ་བཏང་ཤིག་ཅེས་སྨྲས་ནས། སྟེང་གི་ནམ་མཁའ་ལ་འཕགས་པ་ནི། རླུང་གིས་སྤུར་མ་བུས་པ་ལྟར་རྫུ་འཕྲུལ་གྱིས་ལག་ན་སྤུ་ཉག་མ་གཅིག་ཙམ་ཁྱེར་བ་དང་འདྲ་བར་འདི་བཞིན་དུ་ཕྱིན་ཏོ། །གཞན་ཡང་བྱ་ཁྲས་བྱེའུ་ཕྲུག་ཁྱེར་བ་ལྟར་མཽད་གལ་གྱི་བུའི
177a6 རྫུ་འཕྲུལ་གྱིས་ནམ་མཁའ་ལ་འཕགས་ནས། སྐྱེས་བུས་ལག་པ་བརྐྱང་བ་ལས་བསྐུམ་པ་དང་། བསྐུམ་པ་ལས་བརྐྱང་བ་ཙམ་གྱིས་རྒྱ་མཚོའི་འགྲམ་དུ་ཕྱིན་ཏོ། །རྒྱ་མཚོའི་འགྲམ་དེ་ན་བུད་མེད་ཚེ་འཕོས་མ་ཐག་པའི་རོ་ཤིན་ཏུ་མཛེས་པ་བཟང་བ། མངའ་བྱད་ལེགས་པ།
177a7 མཚན་དང་ལྡན་པ་ལ་སྦྲུལ་ཞིག་ཁའི་ནང་དུ་ཞུགས་ནས་སྣའི་ནང་དུ་བྱུང་། མིག་གི་ནང་ནས་ཞུགས་ནས་རྣ་བའི་ནང་དུ་བྱུང་བ་མཽད་གལ་གྱི་བུས་རབ་ཏུ་བརྟགས་སོ། །དེ་ནས་དགེ་སློང་དཔལ་སྐྱེས་ཀྱིས་བུད་མེད་འདི་ལྟ་བུ་མཚན་དང་ལྡན་པ་སུ་ཞིག་ཞེས་ཞུས་ན། ནམ་དུས་ལ་བབ
iiif viewer powered by OpenSeadragon
