| e-texts navigator |
| Wylie |
174b1 དགེ་སློང་རྣམས་ལ་སངས་རྒྱས་བཅོམ་ལྡན་འདས་ཐུགས་རྗེ་ཆེན་པོ་ལྷ་དང་མི་ལ་ཕན་པའི་དོན་རྒྱས་པར་མཛད་པ་གང་ན་བཞུགས་ཞེས་དྲིས་སོ། །དགེ་སློང་རྣམས་ཀྱིས་སངས་རྒྱས་བཅོམ་ལྡན་འདས་ནི་འགྲོ་བ་མང་པོ་ལ་ཕན་པའི་དོན་དུ་རྒྱུ་ཞིང་གཞན་དུ་གཤེགས་ཞེས་སྨྲས་སོ། །ཁྱིམ་བདག
174b2 དེས་ཀྱང་དགེ་སློང་རྣམས་ལ་སངས་རྒྱས་སྟོན་པ་ཆེན་པོའི་འཁོར་མཁས་པ་དང་ཤེས་རབ་ཏུ་ལྡན་པའི་མཆོག་སུ་ཡིན་ཞེས་དྲིས་པ་དང་། དགེ་སློང་རྣམས་ཀྱིས་བཙུན་པ་ཤཱ་རིའི་བུ་ཡིན་ནོ་ཞེས་བསྟན་ཏོ། །རྒན་པོ་དེ་འཁར་བ་ལ་བརྟེན་ཏེ། ཤཱ་རིའི་བུ་གང་ན་བ་དེར་སོང་སྟེ་ཕྱིན་པ་དང་། འཁར
174b3 བ་བོར་ནས་ཕྱག་འཚལ་ཏེ། འདི་སྐད་ཅེས་གསོལ་ཏོ། །བཙུན་པ་བདག་རབ་ཏུ་བྱུང་བར་གནོང་ཤིག་།བཙུན་པ་ཤཱ་རིའི་བུས་བརྟགས་ན་ཁྱིམ་བདག་འདི་རྒས་པས་སློབ་པ་དང་། བསམ་གཏན་དང་། དགེ་འདུན་གྱི་ལས་བྱ་བ་རྣམ་གསུམ་ལས་ཉམས་ཏེ་མི་ནུས་སོ་སྙམ་བསམས་ནས།
174b4 འདི་སྐད་ཅེས་སྨྲས་སོ། །ཁྱོད་ཕྱིར་སོང་ཤིག་།ཁྱོད་ནི་རྒས་འཁོགས་ཏེ་དུས་ལས་ཡོལ་གྱིས། རབ་ཏུ་བྱུང་དུ་མི་རུང་ངོ་ཞེས་བསྒོའོ། །དེ་ནས་མཐར་གྱིས་འོད་སྲུང་ཆེན་པོ་དང་། ཨུ་པཱ་ལི་དང་། མ་འགགས་པ་ལ་སོགས་ཏེ་དགྲ་བཅོམ་པ་དེ་དག་ཀུན་གྱི་དྲུང་དུ་སོང་ནས་གསོལ་བ་བཏབ་པ་ལས།
174b5 དེ་དག་ཀུན་གྱིས་ཁྱོད་སྔར་སུ་ལ་ཡང་གསོལ་བ་མ་བཏབ་བམ་ཞེས་དྲིས་ན་བདག་གིས་སྔར་བཙུན་པ་ཤཱ་རིའི་བུ་ལ་གསོལ་བ་བཏབ་བོ། །འོ་ན་ཅི་སྐད་ཟེར། དེས་ནི་ཁྱོད་རྒས་འཁོགས་ཏེ་དུས་ལས་ཡོལ་བས་རབ་ཏུ་བྱུང་དུ་མི་རུང་ངོ་ཞེས་མཆིའོ། །དེ་ནས་དགེ་སློང་དེ་དག་གིས་སྨྲས་པ། ཤཱ
174b6 རིའི་བུ་ལྟ་བུ་མཁས་པ་ཤེས་རབ་དང་ལྡན་པའི་མཆོག་དེས་ཀྱང་། མ་གནང་ན། བདག་ཅག་ཀྱང་དེ་དང་འདྲ་སྟེ་གནང་བ་མེད་དོ། །དཔེར་ན་སྨན་པ་མཁས་པ་སྨན་དཔྱད་ལ་མཁས་པས་ནད་པ་བརྟགས་ཏེ། སྨན་དཔྱད་མི་བྱེད་པར་སྤོང་ན། སྨན་པ་ཆུང་ངུ་གཞན་དེ་དག་གསོ་བར་མི་བྱེད
174b7 དེ། དེ་ལ་ངེས་པར་འཆི་བའི་མཚན་མ་ཡོད་པར་རྟོགས་པའི་ཕྱིར་རོ། །ཤཱ་རིའི་བུ་བློ་དང་ལྡན་པས་ཀྱང་མ་གནང་ན། དགེ་སློང་གཞན་ཡང་དེ་དང་འདྲ་སྟེ་གནང་བ་མེད་དོ་ཞེས་བསྒོའོ། །ཁྱིམ་བདག་དེ་དགེ་སློང་རྣམས་ཀྱིས་རབ་ཏུ་བྱུང་བར་མ་གནང་བས། འོད་མའི་ཚལ་ནས་ཕྱིར་བྱུང་སྟེ།
iiif viewer powered by OpenSeadragon
