| e-texts navigator |
| Wylie |
170a1 ཤིག་ཅེས་བསྒོ་ནས་མི་དེས་ཀྱང་འགྱོད་པའི་སེམས་སྐྱེས་ཏེ། འགྱོད་ཚངས་བྱས་ནས་ཁྱོ་ཤུག་ཡིད་འཐུན་པར་རང་སངས་རྒྱས་དེ་ལ་འདི་སྐད་ཅེས་གསོལ་ཏོ། །བཙུན་པ་སླན་ཅད་ཀྱང་མར་དགོས་ན་རྟག་ཏུ་འོན་ཞིག་ཅེས་སྨྲས་ནས། རང་སངས་རྒྱས་དེས་ཀྱང་རྟག་ཏུ་དེའི་ཁྱིམ
170a2 ནས་མར་བླངས་ཏེ། དེ་དག་གི་བྱས་པ་གཟོ་བའི་ཕྱིར། དེ་དག་གི་དྲུང་དུ་ཆོ་འཕྲུལ་བསྟན་ཏེ། སྟེང་གི་ནམ་མཁའ་ལ་འཕགས་ནས། ཆུ་འབབ་པ་དང་། མེ་འབར་བ་དང་། ཆོ་འཕྲུལ་རྣམ་པ་སྣ་ཚོགས་བསྟན་ཏོ། །མར་འབུལ་བའི་ཁྱོ་ཤུག་གཉིས་ཀྱིས་དེ་ལྟ་བུའི་ཆོ་འཕྲུལ་མཐོང་ནས།
170a3 ལྷག་པར་དགའ་ཞིང་དད་པའི་སེམས་སྐྱེས་ཏེ། མི་དེས་ཆུང་མ་ལ་སྨྲས་པ། ཁྱོད་ཀྱིས་མར་ཕུལ་བའི་བསོད་ནམས་ཅི་ཡོད་པ་ཁོ་བོ་དང་ཐུན་མོང་དུ་གྱུར་ཏེ། བདག་ཅག་ཁྱོ་ཤུག་ཏུ་ཤོག་ཤིག་ཅེས་སྨྲས་པ་དང་། ཆུང་མས་སྨྲས་པ། ཁྱོད་ཀྱིས་སྐྱེས་བུ་ཆེན་པོ་འདི་ལ་ཚིག་ངན་པ་སྨྲས་ཏེ།
170a4 མར་གྱི་ཚིགས་མ་ཕུལ་ནས། དད་པའི་སེམས་མེད་པས་གང་དུ་སྐྱེས་ཀྱང་ཤིན་ཏུ་མི་སྡུག་པར་འོངས་ན། ཁྱོད་དང་ཅི་ལྟར་ཁྱོ་ཤུག་བྱེད་ཅེས་སྨྲས་སོ། །ཁྱོས་སྨྲས་པ། ཁོ་བོ་རྟག་ཏུ་ཉོན་མོངས་ཏེ་ཡོངས་སུ་མར་འཚག་པའི་ལས་བྱས་ན་ཅིའི་ཕྱིར་ཁྱོད་ཀྱིས་སྦྱིན་པའི་འབྲས་བུ་ང་དང་ལྷན་ཅིག
170a5 ཏུ་མི་བསྔོ། །ང་མི་ཉན་གྱིས་ཁྱོད་དང་ཁྱོ་ཤུག་ཏུ་བྱ་དགོས་སོ། །ཆུང་མས་སྨྲས་པ། ཅི་སྟེ་ཁྱོད་དང་ཁྱོ་ཤུག་ཏུ་གྱུར་ན། ཁྱོད་མི་སྡུག་ཆེས་བས་ཁོ་མོས་ཁྱོད་བོར་ཏེ་མཚན་མོ་བྲོས་སུ་འོང་ངོ་། །ཁྱོས་སྨྲས་པ། ཅི་སྟེ་ཁྱོད་བྲོས་ན་ཡང་ངས་ཕྱིར་སྙགས་ལ། ཁྱོད་ཐོབ་པར་བྱས་ནས་ཕྱིར
170a6 འོང་ངོ་ཞེས་ཁྱོ་ཤུག་གཉིས་གཅིག་ལ་གཅིག་སྨྲས་པ་དང་། རང་སངས་རྒྱས་དེ་ལ་ལུས་དང་སྲོག་ཕྱོགས་ནས་འགྱོད་ཚངས་བྱས་སོ། །དེའི་ཚེ་ན་རང་སངས་རྒྱས་དེས་ཁྱོ་ཤུག་དེ་གཉིས་ལ་འདི་སྐད་ཅེས་བསྒོའོ། །ཁྱོད་ཁྱོ་ཤུག་གཉིས་ཀྱིས་ང་ལ་མར་བྱིན་པས་ན་ངའི་ནད་སོས་ཀྱིས་ཁྱོ་ཤུག
170a7 གཉིས་ཅིར་སྨོན་པ་སྨྲོས་ཤིག་། དེ་བཞིན་དུ་འགྲུབ་པར་འགྱུར་རོ་ཞེས་བསྒོ་བ་དང་། མི་ཁྱོ་ཤུག་གཉིས་རབ་ཏུ་དགའ་ནས་པུས་མོ་ས་ལ་བཙུགས་ནས། འདི་སྐད་ཅེས་སྨོན་ལམ་བཏབ་བོ། །བདག་ཅག་ཁྱོ་ཤུག་གཉིས་ལྷའམ་མི་གང་དུ་སྐྱེས་ཀྱང་ཡིད་བཞིན་དུ་འགྲུབ་པར་གྱུར
iiif viewer powered by OpenSeadragon
