| e-texts navigator |
| Wylie |
167b1 དུམ་གྱིས་ཕུ་བོ་རྣམས་ལ་སྨྲས་པ། ཁྱོད་ཅིའི་ཕྱིར་འདི་ལྟ་བུར་འཇིགས་སྐྲག་སྟེ་བྲོས་ཞེས་དྲིས་ན། ཕུ་བོ་རྣམས་ཀྱིས་སྨྲས་པ། ངེད་དམག་དང་བཅས་ཏེ་ཕ་རོལ་པོའི་དམག་ལ་རྒོལ་དུ་སོང་བ་ལས་གཡུལ་ཕམ་ནས་ཕ་རོལ་པོའི་དམག་གིས་བཏབ་ནས། བྲོས
167b2 པ་ཡིན་ནོ། །རྒྱལ་བུ་སྡོང་དུམ་གྱིས་སྨྲས་པ། དགྲ་དེ་ཙམ་གྱིས་བདག་ཅག་ལ་བསྔོ་བར་མི་ནུས་ཀྱིས། བདག་ཅག་གི་མེས་པོའི་གཞུ་དང་། དུང་ད་ལྟར་ལྷ་རྟེན་གྱི་གནས་ན་ཡོད་པ་འོན་ཅིག་དང་། བདག་དེ་དག་ལ་རྒོལ་དུ་འགྲོའོ་ཞེས་སྨྲས་སོ། །རྒྱལ
167b3 བུ་དེའི་མེས་པོ་ནི་འཁོར་ལོས་སྒྱུར་བའི་རྒྱལ་པོ་ཡིན་ཏེ། མི་མང་པོ་བཟློག་ནས་འཁོར་ལོས་སྒྱུར་བའི་རྒྱལ་པོའི་གཞུ་གཡེར་པོར་བཏེགས་ཏེ། རྒྱལ་བུ་ལ་ཕུལ་ལོ། །རྒྱལ་བུས་གཞུ་བླངས་ཏེ་བརྡུངས་ནས་གཞུ་རྒྱུད་སྤྲིངས་པའི་སྒྲ་འབྲུག་སྐད་ཟེར་ཏེ། དཔག་ཚད
167b4 བཞི་བཅུའི་བར་དུ་ཐོས་པར་གྱུར་ཏོ། །དེ་ནས་རྒྱལ་བུས་དུང་དང་གཞུ་ཐོགས་ཏེ། གཅིག་པུ་དགྲ་ལ་རྒོལ་དུ་སོང་ནས་སྔར་དུང་བུས་ཏེ། དུང་གི་སྒྲ་གནམ་ལྕགས་འབབ་པ་སྐད་གྲགས་པས། ཕ་རོལ་པོའི་དམག་གིས་ཐོས་པ་ཙམ་གྱིས་འཇིགས་སྐྲག་སྟེ
167b5 ཐམས་ཅད་བྱེར་རོ། །དེ་ནས་རྒྱལ་བུ་ཡང་ཕྱིར་ལོག་ནས་རྒྱལ་པོ་དང་། བཙུན་མོས་གདོད་སྡུག་པར་སེམས་ཏེ། རྒྱལ་བུའི་ཆུང་མ་བླང་བར་སེམས་སོ། །དེའི་ཚེ་རྒྱལ་པོ་ལི་ཤི་པ་ཙ་ཞེས་བྱ་བ་ལ་བུ་མོ་ཞིག་ཡོད་དེ། འཇིག་རྟེན་ན་དཀོན་པར་བཟང་ངོ་ཞེས
167b6 ཐོས་ནས། རྒྱལ་པོས་ཕོ་ཉ་བཏང་ནས་བུ་མོ་མནའ་མར་བླངས་ཏེ། རྒྱལ་བུའི་ནང་ནས་བྱད་གཟུགས་བཟང་བ་ཞིག་དམག་པ་ཡིན་ནོ་ཞེས་བསྟན་ཏེ། རྒྱལ་པོ་དེས་བུ་མོ་སྦྱིན་པར་བྱས་སོ། །དེ་ནས་རྒྱལ་པོ་རབ་ཏུ་དགའ་ནས་མནའ་མ་བསུ་བའི་ཡོ་བྱད་བཤམས
167b7 ཏེ། རྒྱལ་བུ་སྡོང་དུ་མ་ཉིད་ཀྱང་ཆུང་མ་བསུར་བཏང་ནས་ཉིན་པར་ཆུང་མ་དང་མ་ཕྲད་པར་གྱིས་ལ། མཚན་མོ་ཕྲད་པར་གྱིས་ཤིག་ཅེས་བསྒོ་ནས་བཏང་ངོ་། །དེ་ནས་དུས་གཞན་ཞིག་ན་བུ་མོ་དེ་ཕུ་ནུ་མོ་གཞན་དག་དང་ཕྲད་ནས། སོ་སོ་ནས་ཁྱོའི་ཡོན་ཏན་ཅི
iiif viewer powered by OpenSeadragon
