| e-texts navigator |
| Wylie |
166b1 འདོད་ནས་སྲོག་འདོར་བ་འདི་འབའ་ཞིག་ཏུ་མ་ཟད་དེ། སྔོན་འདས་པའི་དུས་ན་ཡང་ང་དང་འགྲན་པར་འདོད་པ་ལས། ལུས་དང་སྲོག་གི་བར་དུ་ཡང་བྲལ་ལོ། །དེ་ནས་རྒྱལ་པོ་གཟུགས་ཅན་སྙིང་པོས། པུས་མོ་གཉིས་ས་ལ་བཙུགས་ནས། བཅོམ་ལྡན་འདས
166b2 ལ་འདི་སྐད་ཅེས་གསོལ་ཏོ། །སྔོན་འདས་པའི་དུས་ན། བཅོམ་ལྡན་འདས་ཀྱིས་སྟོན་པ་དྲུག་དང་འགྲན་པ་བདག་ཅག་ལ་བསྟན་དུ་གསོལ། བཅོམ་ལྡན་འདས་ཀྱིས་རྒྱལ་པོ་ལ་བཀའ་སྩལ་པ། རྒྱལ་པོ་ཆེན་པོ་རྟག་པར་ཡིད་ལ་ཟུང་ཤིག་དང་། སྔོན་འདས
166b3 པའི་དུས་ན། བསྐལ་པ་ཚད་མེད་གྲངས་མེད་པ་འདས་པའི་ཕ་རོལ་ན། འཛམ་བུའི་གླིང་འདིར་རྒྱལ་པོ་མ་ཧ་ཤ་ཀུ་ལི་ཞེས་བྱ་བ་རྒྱལ་ཕྲན་ལྔ་བརྒྱ་ལ་དབང་བྱེད་པ་ཞིག་བྱུང་སྟེ། རྒྱལ་པོ་དེ་ལ་བཙུན་མོ་ལྔ་བརྒྱ་ཡོད་ཀྱང་། ཁྱེའུ་རིགས་འཚོབ་པ་གཅིག་ཀྱང་མེད་པས
166b4 རྒྱལ་པོ་དེས་འདི་སྙམ་དུ་སེམས་སོ། །ང་ནི་རྒས་འཁོགས་ཏེ་བུ་གཅིག་ཙམ་ཡང་རིགས་འཚོབ་པ་མེད་ན། གལ་ཏེ་ང་འདས་པའི་འོག་ཏུ་རྒྱལ་ཕྲན་རྣམས་གཅིག་ལ་གཅིག་མི་ཉན་ཅིང་དམག་འདྲེན་ཏེ། སེམས་ཅན་རྣམས་ཀྱང་མ་ཉེས་པར་འཆི་ལ། སྲིད་ཀྱང་འཁྲུགས
166b5 པར་འགྱུར་རོ། །སྙམ་བསམས་ནས། མྱ་ངན་གྱིས་ཡིད་གདུངས་ཏེ་སེམས་ཁོངས་སུ་ཆུད་དོ། །དེའི་ཚེ་བརྒྱ་བྱིན་ལྷའི་དབང་པོས་རྒྱང་མ་ནས་རྒྱལ་པོ་དེ་མི་དགའ་ཞིང་། སེམས་ཁོངས་སུ་ཆུད་པ་མཐོང་ནས། ནམ་མཁའ་ལས་བབས་ཏེ། སྨན་པ་ཞིག
166b6 ཏུ་སྤྲུལ་ནས། རྒྱལ་པོ་དེའི་གན་དུ་སོང་སྟེ། རྒྱལ་པོ་ཁྱོད་ནི་ཅིའི་ཕྱིར་འདི་ལྟར་ཡི་མུག་ཅིང་མི་དགའ་ཞེས་དྲིས་པ་དང་། རྒྱལ་པོས་ཀྱང་སྔ་མ་བཞིན་གཏམ་བྱས་སོ། །སྤྲུལ་པའི་སྨན་པས་རྒྱལ་པོ་ལ་སྨྲས་པ། རྒྱལ་པོ་ཁྱོད་མྱ་ངན་མ་བྱེད་ཅིག་།བདག་ནི
166b7 ཁྱོད་ཀྱི་ཕྱིར་གངས་ཀྱི་རིར་སོང་ནས། གངས་ཀྱི་རིའི་སྨན་རྣམ་པ་མང་པོ་བཏུས་ཏེ། བཙུན་མོ་དག་ཟར་བཅུག་ན་ཟོས་མ་ཐག་ཏུ་བཙུན་མོ་དག་ཀུན་སེམས་ཅན་དང་ལྡན་པར་འགྱུར་བར་བགྱིའོ། །རྒྱལ་པོས་དེ་སྐད་ཅེས་སྨྲས་པ་ཐོས་ནས་ཚིག་འདི་ནི་བདག་གི་མྱ་ངན
iiif viewer powered by OpenSeadragon
