| e-texts navigator |
| Wylie |
165b1 དགེ་བ་བཅུའི་ལས་ཀྱི་ལམ་ཐམས་ཅད་བགྱིད་པར་བཀར་བཏགས་སོ་ཞེས་གསོལ་པ་དང་། མོད་ལ་རྒྱལ་བུ་ཡང་རྒྱལ་སར་གཤེགས་ནས་མི་ཐམས་ཅད་དགེ་བ་བཅུའི་ལས་ཀྱི་ལམ་སྤྱོད་པར་ཡིད་འཐུན་ཏེ་བཀའ་བཞིན་དུ་བྱས་སོ། །དེའི་ཚེ་བདུད་ཀྱི་རྒྱལ་པོས་ཕྲག་དོག་བྱས་ཏེ།
165b2 རྒྱལ་པོའི་སྲིད་མི་རུང་བར་བྱ་བའི་ཕྱིར་སྐུར་ཡིག་བྲིས་ནས་རྒྱལ་ཕྲན་ཀུན་ལ་སྤྲིངས་ཏེ། སྔར་དགེ་བ་བྱོས་ཤིག་པར་བཀར་བཏགས་པ་ནི་དགེ་བ་བྱས་ཀྱང་མངོན་རྟགས་མེད་དེ། བདག་ཉོན་མོངས་པ་ལས་ཕན་པའི་དོན་མེད་ཀྱིས། ད་ཕྱིན་ཅད་ཡིད་བཞིན་དུ་མི་དགེ་བ་བཅུ་ལ་བག
165b3 མེད་པར་སྤྱོད་ཅིག་། ཅེས་སྤྲིངས་པའི་སྐུར་ཡིག་རྒྱལ་ཕྲན་རྣམས་ཀྱི་ལག་ཏུ་འོངས་ནས། རྒྱལ་ཕྲན་རྣམས་ངོ་མཚར་དུ་གྱུར་ཏེ། རྒྱལ་པོ་ཆེན་པོ་ཅིའི་ཕྱིར་སྡིག་པའི་ལས་བྱེད་པར་བསྐུལ་སྙམ་ནས་འདི་ནི་རིགས་པ་མ་ཡིན་ཏེ། ཡིད་མ་ཆེས་པར་རྒྱལ་པོ་ལ་ཞུས་པ་དང་། རྒྱལ
165b4 པོས་དེ་སྐད་ཅེས་གསོལ་པ་ཐོས་ནས། དངངས་ཤིང་ངོ་མཚར་དུ་གྱུར་ཏེ། ངས་ནི་འདི་སྐད་དུ་བསྒོ་བ་མེད་ན། ཅིའི་ཕྱིར་འདི་འདྲ་བར་གྱུར་ཅེས་དངངས་ནས། རྒྱལ་པོ་ཉིད་ཡུལ་ཀུན་ཏུ་གཤེགས་ཏེ། མི་མང་པོ་སྔོན་ལས་གྱུར་ཏམ། མ་གྱུར་རྟོག་པར་གཤེགས་པ་ལས།
165b5 བདུད་ཀྱི་རྒྱལ་པོས། ལམ་ཁར་མི་ཞིག་མེ་དོང་ཆེན་པོ་རབ་ཏུ་འབར་བའི་ནང་དུ་སྡུག་བསྔལ་གྱིས་སྙིང་རྗེ་རྗེ་སྐད་དུ་འདོན་པའི་སྒྲ་རྒྱལ་པོས་ཐོས་པར་སྤྲུལ་ནས། རྒྱལ་པོ་ཡང་དེའི་ཐད་དུ་གཤེགས་ནས། ཁྱོད་སུ་ཞིག་ཅི་ཉེས་ཞེས་དྲིས་ནས། མི་དེས་སྨྲས་པ། བདག་གིས
165b6 སྔོན་མི་འདི་དག་དགེ་བ་བཅུའི་ལས་ལ་བཀོད་པས། ད་ཤིན་ཏུ་མི་བཟད་པའི་སྡུག་བསྔལ་འདི་ལྟ་བུ་དག་མྱོང་བར་གྱུར་ཏོ། །རྒྱལ་པོས་སྨྲས་པ། དགེ་བ་བྱེད་པར་བསྐུལ་བས། འདི་ལྟར་སྡུག་བསྔལ་མྱོང་བར་གྱུར་པ་ནི་ཆོས་མེད་དེ། ཁྱོད་འདི་ལྟ་བུའི་སྡུག་བསྔལ་མྱོང
165b7 བར་གྱུར་ན། དགེ་བ་བྱེད་པར་བསྐུལ་ནས། དགེ་བ་བྱེད་པ་དེ་དག་དགེ་བའི་འབྲས་བུ་ཐོབ་པའམ། སྨྲས་པ་དེ་ནི་དགེ་བའི་འབྲས་བུ་ཐོབ་སྟེ། དགེ་བ་བྱེད་པར་བསྐུལ་བ་འབའ་ཞིག་སྡུག་བསྔལ་འདི་ལྟ་བུ་མྱོང་ངོ་། །རྒྱལ་པོས་དེ་སྐད་ཅེས་ཐོས་ནས་ཤིན་ཏུ་དགའ་སྟེ། འདི
iiif viewer powered by OpenSeadragon
