| e-texts navigator |
| Wylie |
164a1 ལ་གནས་པ་དང་། འབྲས་བུ་ཐོབ་པ་དང་། ལྷ་དང་མིར་སྐྱེ་བ་ཡང་གྲངས་མེད་དོ། །དེའི་ཕྱི་ཉིན་རྒྱལ་པོ་ཨུ་དྲ་ཡ་ནས་སངས་རྒྱས་སྤྱན་དྲངས་ཏེ། བཅོམ་ལྡན་འདས་ལ་རྒྱལ་པོ་ཨུ་དྲ་ཡ་ནས་མེ་ཏོག་གིས་གཏོར་བ་དང་། གཏོར་བའི་མེ་ཏོག་རྣམས་དེ་མ་ཐག་ཏུ་རིན་པོ
164a2 ཆེའི་ཤིང་རྟ་སྟོང་ཉིས་བརྒྱ་ལྔ་བཅུས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀུན་ཏུ་སྣང་ཞིང་། ཐམས་ཅད་ཀྱིས་མཐོང་བར་བྱས་སོ། །དེ་ལ་བཅོམ་ལྡན་འདས་ཀྱིས་ཅི་རིགས་པར་ནད་པ་ལ་སྨན་བཏང་བ་བཞིན་དུ་དམ་པའི་ཆོས་བསྟན་པས། ཁ་ཅིག་ནི་བླ་ན་མེད་པའི་བྱང་ཆུབ
164a3 ཏུ་སེམས་བསྐྱེད་དེ། ཕྱིར་མི་ལྡོག་པའི་ས་ལ་གནས་པ་དང་། ལྷ་དང་མིར་སྐྱེ་བ་ཡང་གྲངས་མེད་དོ། །དེའི་ཕྱི་ཉིན་རྒྱལ་པོ་གཟུགས་ཅན་སྙིང་པོས་སངས་རྒྱས་སྤྱན་དྲངས་ཏེ། བཅོམ་ལྡན་འདས་ཀྱིས་རྒྱལ་པོ་དེ་ལ་སྔར་འདི་སྐད་ཅེས་བཀའ་སྩལ་ཏོ། །རྒྱལ་པོ་ཞལ་ཟས་ཀྱི
164a4 སྣོད་སྦྱོར་ཅིག་། གདུགས་ཚོད་ཀྱི་དུས་ལ་བབ་ན། སྣོད་ཀུན་ཞལ་ཟས་རོ་བརྒྱ་དང་ལྡན་པར་རྣམ་པ་སྣ་ཚོགས་རང་གང་སྟེ། འཁོར་མང་པོ་ཐམས་ཅད་ལ་ཆོག་པར་གྱུར་ཏེ། དེ་དག་ཟོས་ནས་ལུས་སེམས་རབ་ཏུ་བདེ་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཕྱག་ས་ལ་བརྡབས
164a5 པ་དང་། སེམས་ཅན་དམྱལ་བ་བརྒྱད་དག་ན། སེམས་ཅན་ཚད་མེད་པ་སྡུག་བསྔལ་མྱོང་བར་མཐོང་བ་དང་། དེ་དག་སོ་སོ་ནས་འདི་སྐད་ཅེས་སྨྲས་སོ། །བདག་ཅག་གིས་སྔོན་སྡིག་པ་ཅི་ལྟ་བུ་ཞིག་བྱས་པས། སྡུག་བསྔལ་འདི་ལྟ་བུ་མྱོང་བར་གྱུར་ཏོ་ཞེས་སྨྲས་ཏེ། འཁོར
164a6 མང་པོ་ཐམས་ཅད་ཀྱིས་ཐོས་ཤིང་མཐོང་བར་བྱས་ནས། ཐམས་ཅད་སྙིང་བརྩེ་བའི་སེམས་སྐྱེས་ཏེ། དངངས་ནས་བ་སྤུ་ལངས་པ་ཙམ་དུ་སྐྲག་པར་གྱུར་ཏེ། དེ་ལ་བཅོམ་ལྡན་འདས་ཀྱིས་ཅི་རིགས་སུ་ཆོས་བསྟན་ཏེ། དེ་དག་གི་སེམས་ཚིམ་པར་གྱུར་ནས། ལ་ལ་ནི་བླ་ན་མེད་པའི་བྱང་ཆུབ
164a7 ཏུ་སེམས་བསྐྱེད་དོ། །ལ་ལ་ནི་ཕྱིར་མི་ལྡོག་པའི་ས་ལ་གནས་ཏེ། ལྷ་དང་མིར་སྐྱེ་བའི་དགེ་བའི་རྩ་བ་བསྐྱེད་པ་ཡང་གྲངས་མེད་དོ། །སེམས་ཅན་དམྱལ་བ་དེ་དག་གིས་སངས་རྒྱས་མཐོང་ཞིང་ཆོས་ཐོས་པའི་རྐྱེན་གྱིས་ཤིན་ཏུ་དད་པའི་སེམས་སྐྱེས་ཏེ། དེ་དག་ཚེའི་དུས་བྱས་ནས
iiif viewer powered by OpenSeadragon
