| e-texts navigator |
| Wylie |
163b1 པའི་ཏིང་ངེ་འཛིན་ལ་ཞུགས་ནས། གསེར་གྱི་མདོག་ལྟར་སེང་གེའི་ཁྲི་ལ་བཞུགས་བཞིན་དུ་སྐུ་མི་སྣང་བར་མཛད་ནས། འོད་ཟེར་ཆེན་པོ་བཀྱེ་སྟེ། ཤིན་ཏུ་འཇམ་པའི་གསུང་གིས་དམ་པའི་ཆོས་རྣམ་པར་ཕྱེ་ཞིང་བསྟན་ཏེ། འཁོར་མང་པོ་དེ་དག་གིས་ཐོས་པར་བྱས་ནས། བླ་ན
163b2 མེད་པའི་བྱང་ཆུབ་ཏུ་སེམས་བསྐྱེད་དེ། ཕྱིར་མི་ལྡོག་པའི་ས་ལ་གནས། ལ་ལ་ནི་འབྲས་བུ་ཐོབ། ལ་ལ་ནི་ལྷ་དང་མིར་སྐྱེ་བའི་བསོད་ནམས་བསྐྱེད་པ་ཡང་གྲངས་མེད་དོ། །དེའི་ཕྱི་ཉིན་ཁྱིམ་བདག་ཙིན་དས་སངས་རྒྱས་སྤྱན་དྲངས་ཏེ། བཅོམ་ལྡན་འདས་དེའི་ཉིན་པར་བྱམས
163b3 པའི་ཏིང་ངེ་འཛིན་ལ་ཞུགས་ནས། གསེར་གྱི་མདོག་ལྟ་བུའི་འོད་ཟེར་བཀྱེ་སྟེ། སྟོང་ཆེན་པོའི་འཇིག་རྟེན་གྱི་ཁམས་དེ་ཀུན་འོད་ཟེར་གྱིས་གང་བར་བྱས་ནས། འོད་ཀྱིས་རེག་པའི་སེམས་ཅན་དེ་དག་ཐམས་ཅད་གདུག་པ་གསུམ་གྱི་སེམས་ཀུན་ཞི་ནས། སྙིང་རྗེའི་སེམས་སྐྱེས་ཏེ།
163b4 སེམས་ཅན་ཐམས་ཅད་གཅིག་ལ་གཅིག་ཕ་མ་ལྟ་བུའམ། ཕུ་བོ་ལྟ་བུའམ། ནུ་བོ་ལྟ་བུ་མཛའ་ཞིང་སྡུག་པར་གྱུར་ཏེ། དེའི་འོག་ཏུ་ཆོས་རྣམ་པ་སྣ་ཚོགས་བསྟན་པས། བླ་ན་མེད་པའི་བྱང་ཆུབ་ཏུ་སེམས་བསྐྱེད་དེ། ཕྱིར་མི་ལྡོག་པའི་ས་ལ་གནས་པ་དང་། འབྲས་བུ་ཐོབ་པ་དང་།
163b5 ལྷ་དང་མིར་སྐྱེ་བའི་དགེ་བའི་རྩ་བ་བསྐྱེད་པ་ཡང་གྲངས་མེད་དོ། །དེའི་ཕྱི་ཉིན་རྒྱལ་པོ་ཤུན་ཙི་ད་ལས་སངས་རྒྱས་སྤྱན་དྲངས་ཏེ། བཅོམ་ལྡན་འདས་དེའི་ཉིན་པར་སེང་གེའི་ཁྲི་ལ་བཞུགས་ནས། སྐུའི་ལྟེ་བ་ནས་འོད་ཟེར་གཉིས་ཤིག་ཕྱུང་སྟེ། སྐུ་ལས་འདོམ་བདུན་ཙམ་འཕགས་ནས།
163b6 དེའི་སྟེང་ན་པད་མ་རེ་རེ་ཡོད་དེ། པད་མ་ལ་སྤྲུལ་པའི་སངས་རྒྱས་སྤྲུལ་ཏེ། སྤྲུལ་པའི་སངས་རྒྱས་དེ་དག་གི་ལྟེ་བ་ནས་འོད་ཟེར་བྱུང་སྟེ། རྣམ་པ་གཉིས་སུ་གྱེས་ནས་འདོམ་བདུན་ཙམ་དུ་འཕགས་ཏེ། པད་མ་ཡང་ཡོད་ལ་པད་མའི་སྟེང་ན་སྤྲུལ་པའི་སངས་རྒྱས་བཞུགས་ཏེ། དེ
163b7 བཞིན་དུ་མཐར་གྱིས་སྟོང་ཆེན་པོའི་འཇིག་རྟེན་གྱི་བར་དུ་དེ་དང་འདྲ་བ་དག་སྤྲུལ་ཏེ། འཁོར་མང་པོ་ཐམས་ཅད་དེ་ལྟ་བུ་དག་མཐོང་ནས་ངོ་མཚར་དུ་གྱུར་ནས། བཅོམ་ལྡན་འདས་ཀྱིས་དེ་ལ་ཅི་རིགས་སུ་ཆོས་བསྟན་པས་བླ་ན་མེད་པའི་བྱང་ཆུབ་ཏུ་སེམས་བསྐྱེད་པ་དང་། ཕྱིར་མི་ལྡོག་པའི་ས
iiif viewer powered by OpenSeadragon
