| e-texts navigator |
| Wylie |
160a1 བཞིན་གཤེགས་པ་བསུའོ། །ཀཽ་ཤཱཾ་བཱིའི་མི་རྣམས་ཀྱིས་ཀྱང་དེ་བཞིན་གཤེགས་པ་ཡུལ་ཝར་གྱིར་གཤེགས་པ་གཟོད་ཐོས་ཀྱིས། སྟོན་པ་དྲུག་ཀྱང་ཕྱི་བཞིན་སོང་ངོ་། །དེའི་ཚེ་རྒྱལ་པོ་ཨུ་དྲ་ཡ་ན་འཁོར་སྟོང་ཕྲག་བརྒྱད་ཁྲི་དང་རྒྱལ་པོ་གཟུགས་ཅན་སྙིང་པོ་ལ་སོགས
160a2 པ་ཐམས་ཅད་དང་འགྲོགས་ཏེ་ཡུལ་ཝར་གྱིར་གཤེགས་སོ། །དེ་ནས་སྟོན་པ་དྲུག་པོས་རྒྱལ་པོ་ཤུན་ཙི་ད་ལ་ལ་བདག་ཅག་དགེ་སྦྱོང་གཽ་ཏ་མ་ལ་ཆོ་འཕྲུལ་འགྲན་པར་གྱིས་ཤིག་ཅེས་གསོལ་པ་དང་། རྒྱལ་པོ་དེས་ཀྱང་དེ་བཞིན་དུ་གསོལ་ནས། བཅོམ་ལྡན་འདས་ཀྱིས་ང་ཉིད་དུས
160a3 མཁྱེན་ཏོ་ཞེས་བཀའ་སྩལ་ཏོ། །རྒྱལ་པོ་དེས་ཀྱང་ཡོ་བྱད་སྦྱར་ཏེ་བཤམས་པ་དང་། བཅོམ་ལྡན་འདས་དགེ་སློང་གི་དགེ་འདུན་དང་བཅས་ཏེ། ཡུལ་ཏི་ཀི་ཙ་ཤི་རིར་གཤེགས་སོ། །ཡུལ་ཏི་ཀི་ཙ་ཤི་རིའི་རྒྱལ་པོ་ཨིན་དྲ་བ་མི་ཞེས་བྱ་བས། འཁོར་མང་པོ་དང་དེ་བཞིན
160a4 གཤེགས་པ་བསུའོ། །དེའི་ཚེ་རྒྱལ་པོ་ཤུན་ཙི་ད་ལ་འཁོར་ཁྲི་ཕྲག་ལྔ་དང་། རྒྱལ་པོ་གཟུགས་ཅན་སྙིང་པོ་ལ་སོགས་པ་ཐམས་ཅད་དང་འགྲོགས་ཏེ། ཡུལ་ཏི་ཀི་ཙ་ཤི་རིར་དོང་ངོ་། །སྟོན་པ་དྲུག་པོ་ཡང་ཡུལ་དེར་ཕྱིན་ནས། རྒྱལ་པོ་ཨིན་དྲ་བ་མི་ལ་སྐད་ཆེན་པོར་དགེ་སྦྱོང་གཽ
160a5 ཏ་མ་དང་། བདག་ཅག་ཆོ་འཕྲུལ་འགྲན་པར་གྱིས་ཤིག་ཅེས་ཟློག་མ་ཐུབ་བོ། །དེའི་ཚེ་ཨིན་དྲ་བ་མིས། བཅོམ་ལྡན་འདས་གང་ན་བ་དེར་སོང་ནས་དེ་བཞིན་དུ་གསོལ་པ་དང་། བཅོམ་ལྡན་འདས་ཀྱིས་ང་ཉིད་དུས་མཁྱེན་ཏོ་ཞེས་བཀའ་སྩལ་ཏོ། །དེ་ནས་རྒྱལ་པོ་དེས་ཀྱང་ཡོ་བྱད་བཤམས
160a6 ཏེ། དུས་ལ་བབ་པ་དང་། བཅོམ་ལྡན་འདས་དགེ་སློང་གི་དགེ་འདུན་དང་བཅས་ཏེ། ཡུལ་བཱ་རཱ་ཎ་སཱིར་གཤེགས་སོ། །ཡུལ་དེའི་རྒྱལ་པོ་ཚངས་སྦྱིན་ཞེས་བྱ་བས་ཀྱང་། འཁོར་མང་པོ་དེ་དག་དང་དེ་བཞིན་གཤེགས་པ་བསུའོ། །ཏི་ཀི་ཙ་ཤི་རིའི་མི་དག་དེ་བཞིན་གཤེགས་པ་བཞུད་པར
160a7 གདོད་ཤེས་ནས། སྟོན་པ་དྲུག་ཀྱང་དེའི་རྗེས་སུ་སོང་ངོ་། །རྒྱལ་པོ་ཨིན་དྲ་བ་མིས་ཀྱང་འཁོར་ཁྲི་ཕྲག་དྲུག་དང་བཅས་ཏེ། རྒྱལ་པོ་གཟུགས་ཅན་སྙིང་པོ་ལ་སོགས་པ་རྒྱལ་པོ་ཐམས་ཅད་དང་འགྲོགས་ཏེ་གནས་དེར་སོང་ངོ་། །སྟོན་པ་དྲུག་ཀྱང་དེའི་ཕྱིར་ཕྱིན་ཏེ། དེ་བཞིན་དུ་རྒྱལ་པོ་དེ་ལ་གསོལ་ནས
iiif viewer powered by OpenSeadragon
