| e-texts navigator |
| Wylie |
159a1 མཛོད་ཅིག་ཅེས་སྨྲས་སོ། །སྟོན་པ་དྲུག་གིས་དེ་སྐད་སྨྲས་ནས། ཕྱིར་འོང་བའི་འོག་ཏུ་རྒྱལ་པོ་གཟུགས་ཅན་སྙིང་པོ་སངས་རྒྱས་གང་ན་བ་དེར་སོང་སྟེ་ཕྱིན་པ་དང་། འདི་སྐད་ཅེས་གསོལ་ཏོ། །སྟོན་པ་དྲུག་གིས་ནི་བཅོམ་ལྡན་འདས་ལ་ཆོ་འཕྲུལ་འགྲན་ཞེས་མཆི་སྟེ།
159a2 བདག་གིས་བཀག་ན་ཡང་མ་ཐུབ་ཀྱིས། བཅོམ་ལྡན་འདས་ཀྱིས་ཆོ་འཕྲུལ་གྱི་མཐུ་བསྟན་ཏེ། ངན་པར་ལྟ་བ་ལས་བཟློག་ནས། དགེ་བ་ལ་བཀོད་དུ་གསོལ། ཆོ་འཕྲུལ་བསྟན་པ་ཡང་བདག་ཅག་གིས་མཐོང་བར་མཛད་དུ་གསོལ། །བཅོམ་ལྡན་འདས་ཀྱིས་རྒྱལ་པོ་གཟུགས་ཅན་སྙིང་པོ
159a3 ལ་འདི་སྐད་ཅེས་བཀའ་སྩལ་ཏོ། །ང་བདག་དུས་མཁྱེན་གྱིས་གང་དུ་འགྲན་པའི་གནས་ཡངས་པ་ཞིག་ཏུ་བྱི་དོར་གྱིས་ཤིག་ཅེས་བཀའ་སྩལ་ནས། རྒྱལ་པོ་གཟུགས་ཅན་སྙིང་པོས་བློན་པོ་མང་པོ་ལ་བཀའ་སྩལ་ཏེ། གནས་ཡངས་པ་བདེ་བ་ཞིག་ཏུ་ཕྱག་དར་བྱས་ནས། སེང་གེའི་ཁྲི་བཤམས
159a4 རྒྱལ་མཚན་དང་། བ་དན་བཙུགས་ཏེ་ཤིན་ཏུ་མཛེས་པར་བརྒྱན་ཏོ། །དེ་ལྟར་ཆོ་འཕྲུལ་འགྲན་པར་བྱས་པའི་དུས་སུ་དེའི་ཉིན་པར་ཐམས་ཅད་མཐོང་དུ་རེའོ། །དེའི་ཚེ་ན་དེ་བཞིན་གཤེགས་པ་དགེ་འདུན་དང་བཅས་པ་རྒྱལ་པོའི་ཁབ་ནས་གཤེགས་ཏེ། ཡངས་པ་ཅན་དུ་བཞུད་དོ། །ཡངས
159a5 པ་ཅན་ན་ལིཙྪ་བཱི་དང་། མི་མང་པོས་དེ་བཞིན་གཤེགས་པ་བསུའོ། །རྒྱལ་པོའི་ཁབ་ཀྱི་མི་རྣམས་ཀྱིས་བཅོམ་ལྡན་འདས་ཡངས་པ་ཅན་དུ་གཤེགས་པ་ཡང་གདོད་ཤེས་ཤིང་། རྟོགས་པས་སྟོན་པ་དྲུག་ཀྱང་འདི་སྐད་དུ། དགེ་སྦྱོང་གཽ་ཏ་མའི་ཆོ་འཕྲུལ་གྱིས་བདག་ཅག་ལ་ནི་མི་ཐུབ་བོ་ཞེས་བྱས་ན
159a6 ཁྱོད་ཡིད་མི་ཆེས་ཏེ། ཆོ་འཕྲུལ་འགྲན་པའི་དུས་བྱས་པ་ལས་བྱོལ་ནས། ཡངས་པ་ཅན་དུ་བྱོལ་ལོ་ཞེས་བསྒྲགས་ཏེ། སྟོན་པ་དྲུག་ཀྱང་ང་རྒྱལ་ལྷག་པར་སྐྱེས་ནས། སོ་སོ་ནས་སྤྲོ་བ་སྐྱེས་ཏེ། དེ་བསྙག་ཏུ་དོང་ངོ་། །དེའི་ཚེ་ན་རྒྱལ་པོ་གཟུགས་ཅན་སྙིང་པོ་ཡང་ཐེག་པ་ལྔ་བརྒྱ་བཤམས
159a7 ཏེ། རྒྱལ་པོ་དང་བློན་པོའི་འཁོར་ཁྲི་ཕྲག་བཅུ་བཞི་སྙེད་ཀྱང་འཚོ་བའི་རྒྱགས་ཁྱེར་ནས། བཅོམ་ལྡན་འདས་ཀྱི་རྗེས་སུ་ཡུལ་ཡངས་པ་ཅན་དུ་དོང་ངོ་། །སྟོན་པ་དྲུག་ཀྱང་ཡུལ་ཡངས་པ་ཅན་དུ་ཕྱིན་ནས་ལིཙྪ་བཱི་རྣམས་ལ་འདི་སྐད་ཅེས་སྨྲས་སོ། །བདག་ཅག་དགེ་སྦྱོང་གཽ་ཏ་མ་དང་ཆོ་འཕྲུལ
iiif viewer powered by OpenSeadragon
