| e-texts navigator |
| Wylie |
152a1 མི་ལྡོག་པའི་ས་ལ་གནས་ཏེ། འཁོར་ཐམས་ཅད་སངས་རྒྱས་ཀྱིས་གསུངས་པ་ལ་མངོན་པར་དགའོ། །གསེར་དབྱིག་གི་ལེའུ་སྟེ་བརྒྱད་པའོ།། །།འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ
152a2 མགོན་མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་གི་དགེ་འདུན་བརྒྱ་ཕྲག་ཕྱེད་དང་བཅུ་གསུམ་དང་ཐབས་ཅིག་ཏུ་བཞུགས་སོ། །དེའི་ཚེ་ཡུལ་དེ་ན་ཁྱིམ་བདག་རིགས་ཆེ་ཞིང་མཐོ་བའི་ཆུང་མ་ལ་བུ་ཞིག་བཙས་ནས། བྱད་གཟུགས་ལེགས་པ། བལྟ་ན་སྡུག་པ། བཟང་བ།
152a3 མཛེས་པ་ཞིག་བཙས་སོ། །བཙས་མ་ཐག་ཏུ་ནམ་མཁའ་ལས་ལྷ་རྫས་ཀྱི་མེ་ཏོག་ཆར་བཞིན་དུ་བབ་སྟེ། ཁང་པ་ཀུན་གང་བ་ལས་བུའི་མིང་ཡང་ལྷའི་མེ་ཏོག་ཅེས་བཏགས་སོ། །ཁྱེའུ་དེ་ཕྱིས་ཆེར་སྐྱེས་ནས་སངས་རྒྱས་གང་ན་བ་དེར་སོང་སྟེ་ཕྱིན་པ་དང་། སངས་རྒྱས་ཀྱི་སྐུ
152a4 མདོག་དང་། མཚན་དང་དཔེ་བྱད་བཟང་པོ་དཔེ་མེད་པ་མཐོང་ནས། རབ་ཏུ་དགའ་བ་སྐྱེས་ཏེ་འདི་སྙམ་དུ་སེམས་སོ། །བདག་འཇིག་རྟེན་འདིར་སྐྱེས་ཀྱང་འཕགས་པའི་གཙོ་བོ་དང་ཕྲད་ཀྱིས་སངས་རྒྱས་དང་འཕགས་པའི་དགེ་སློང་གི་དགེ་འདུན་སྤྱན་དྲང་ངོ་སྙམ་བསམས་ནས།
152a5 སངས་རྒྱས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འཕགས་པའི་དགེ་འདུན་དང་བཅས་ཏེ། སང་གི་གདུགས་ལ་བདག་གི་མཆིས་བྲང་དུ་བསོད་སྙོམས་ངན་པ་ཞིག་སྦྱར་གྱིས། བསོད་སྙོམས་བཞེས་པའི་སླད་དུ་གཤེགས་པར་ཅི་གནང་ཞེས་གསོལ་པ་དང་། དེའི
152a6 བསམ་པ་དག་པར་མཁྱེན་པས་གཤེགས་པར་གནང་ངོ་། །དེ་ནས་ལྷའི་མེ་ཏོག་ཕྱིར་ཁྱིམ་དུ་འོངས་པ་དང་། ཕྱི་ཉིན་སངས་རྒྱས་དང་དགེ་འདུན་རྣམས་ཀྱང་དེའི་ཁྱིམ་དུ་གཤེགས་སོ། །ལྷའི་མེ་ཏོག་གིས་ལྷའི་ཁང་ནང་དུ་རིན་པོ་ཆེའི་གདན་མང་པོ་སྤྲུལ་ཏེ། རྒྱན་གྱིས་བརྒྱན
152a7 པ་ལས། སངས་རྒྱས་དང་། དགེ་འདུན་རྣམས་གདན་དེ་ལས་རིམ་གྱིས་བཞུགས་སུ་གསོལ་ནས། ལྷའི་མེ་ཏོག་གིས་ཞལ་ཟས་རྣམ་པ་སྣ་ཚོགས་དགོས་པར་བསམས་པ་དང་། དེའི་བསོད་ནམས་ཀྱིས་བསམས་པ་བཞིན་དུ་འབྱོར་ཏེ། སངས་རྒྱས་དང་དགེ་འདུན་རྣམས་ལ་བསོད
iiif viewer powered by OpenSeadragon
