| e-texts navigator |
| Wylie |
147a1 པོས་ཐུགས་རྗེ་བར་དགོངས་ཏེ། བདག་རབ་ཏུ་འབྱུང་བར་གནོང་ཤིག་ཅེས་གསོལ་པ་དང་། རྒྱལ་པོས་ཀྱང་ཁྱོད་རབ་ཏུ་བྱུང་བར་གནང་ངོ་ཞེས་བཀའ་སྩལ་ནས། ཁྱེའུ་དེ་ཁྲིད་དེ་བཅོམ་ལྡན་འདས་ཀྱི་སྤྱན་སྔར་ལྷགས་ནས། ཅི་ལྟར་གྱུར་བ་བཅོམ་ལྡན་འདས་ལ་ཞིབ་ཏུ
147a2 གསོལ་ཏོ། །དེ་ནས་བཅོམ་ལྡན་འདས་ཀྱིས་ཀྱང་རབ་ཏུ་འབྱུང་བར་གནང་ནས་ལུས་ལ་ཆོས་གོས་གྱོན་ཅིག་ཅེས་པ་དང་དགེ་སློང་དུ་གྱུར་ཏོ། །བཅོམ་ལྡན་འདས་ཀྱིས་ཅི་རིགས་པར་ཆོས་བསྟན་ནས། སེམས་རྣམ་པར་གྲོལ་ཏེ་དགྲ་བཅོམ་པར་གྱུར་ནས། རིག་པ་གསུམ་དང་། མངོན
147a3 པར་ཤེས་པ་དྲུག་དང་། རྣམ་པར་ཐར་པ་བརྒྱད་དང་ལྡན་པར་གྱུར་ཏོ། །དེ་ནས་རྒྱལ་པོ་མ་སྐྱེས་དགྲས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཁྱེའུ་གཞོན་ནུ་འདིས་སྔོན་དགེ་བའི་རྩ་བ་ཅི་ཞིག་བསྒྲུབ་ན། བྲག་ལ་མཆོངས་ཀྱང་མ་གུམ་ལ་ཆབ་ཏུ་མཆོངས
147a4 ཀྱང་གནོད་པར་མ་གྱུར། བཙན་དུག་འཚལ་ཀྱང་མ་གུམ། མདའ་འཕངས་ཀྱང་སྨས་པར་མ་གྱུར་ཏོ། །བཅོམ་ལྡན་འདས་དང་མཇལ་ནས་འཁོར་བའི་མཐའ་ལས་གྲོལ་བར་གྱུར་ཅེས་གསོལ་བ་དང་། བཅོམ་ལྡན་འདས་ཀྱིས་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །སྔོན
147a5 འདས་པའི་དུས་བསྐལ་པ་གྲངས་མེད་པ་འདས་པ་ན། ཡུལ་བཱ་རཱ་ཎ་སཱི་ཞེས་བྱ་བ་ན། རྒྱལ་པོ་ཚངས་པས་བྱིན་ཞེས་བྱ་བ་ཞིག་ཡོད་དེ། རྒྱལ་པོ་དེའི་བཙུན་མོ་དང་ཕོ་བྲང་གི་སླས་སུ་བཅས་ནས། སྐྱེད་མོས་ཚལ་དུ་རོལ་དུ་གཤེགས་སོ། །སྐྱེད་མོས་ཚལ་དེ་ན་ཕོ་བྲང་གི་སླས་དག
147a6 གིས་གླུ་བླངས་པ་དང་། ར་བའི་ཕྱི་རོལ་དུ་མི་ཞིག་གིས་སྐད་ཆེན་པོས་རམ་བུ་བཏེག་པ་རྒྱལ་པོས་ཐོས་སོ། །རྒྱལ་པོས་དེ་ཐོས་ནས་ཁྲོས་ཏེ་མི་དེ་ཟུང་ལ་སོད་ཅིག་ཅེས་བཀའ་སྩལ་ཏོ། །དེའི་ཚེ་བློན་པོ་ཞིག་ཕྱི་རོལ་ནས་ནང་དུ་འོངས་པ་ལས། མི་བཙོན་དུ་བཟུང་བ་མཐོང་བ་དང་།
147a7 གཡོག་འཁོར་རྣམས་ལ་འདིས་ཅི་ཉེས་ཏེ་བཟུང་ཞེས་དྲིས་ན། དེ་དག་གིས་ཅིའི་ཕྱིར་བཟུང་བའི་གཏམ་ཞིབ་ཏུ་སྨྲས་པ་དང་། བློན་པོ་དེས་དེ་དག་ལ་རེ་ཞིག་མ་བསད་པར་སྡོད་ཅིག་ཁོ་བོས་རྒྱལ་པོ་ལ་གསོལ་ཞེས་སྨྲས་ནས་ཕོ་བྲང་གི་ནང་དུ་སོང་སྟེ། རྒྱལ་པོ་ལ་འདི་སྐད་ཅེས་གསོལ་ཏོ། །
iiif viewer powered by OpenSeadragon
