| e-texts navigator |
| Wylie |
146b1 མཆོངས་སོ། །བྲག་ལ་མཆོངས་ཏེ་ས་ལ་ལྷུང་ན་ཡང་སྣད་པའམ་ཉམས་པ་མེད་དོ། །དེ་ནས་ཆུ་ཆེན་པོའི་འགྲམ་དུ་སོང་སྟེ། ཆུར་མཆོངས་ན་ཡང་ཆུས་གཡེངས་ཏེ་མཉེས་པར་ཕྱིར་བྱུང་ངོ་། །བཙན་དུག་ཟོས་ན་ཡང་དུག་གིས་མ་ཐུབ་ཅིང་། གནོད་པར་མ་གྱུར་ནས།
146b2 ཡང་འདི་སྙམ་དུ་བསམས་སོ། །བདག་གིས་རྒྱལ་པོའི་ཁྲིམས་དང་འགལ་བ་ཞིག་བྱས་ན། རྒྱལ་པོས་བསད་ཀྱང་སྲིད་སྙམ་བསམས་ནས། རྒྱལ་པོའི་བཙུན་མོ་དང་སླས་རྣམས་ཕོ་བྲང་གི་ཕྱི་རོལ་དུ་བྱུང་སྟེ། སྐྱེད་མོས་ཚལ་གྱི་རྫིང་བུར་ཁྲུས་བྱེད་དུ་དོང་ནས། དེ་དག་གིས
146b3 གོས་དང་རྒྱན་བཀྲོལ་ཏེ་ཤིང་ལ་བཞག་གོ། །དེ་ལྟར་གོས་དང་རྒྱན་ཤིང་ལ་བཞག་པ་གང་ག་དར་སོང་བས་མཐོང་བ་དང་། སྐྱེད་མོས་ཚལ་དུ་ཞུགས་ཏེ། བཙུན་མོ་དེ་དག་གི་གོས་དང་རྒྱན་པང་པས་བཏབ་ནས། སྒོར་བྱུང་བ་དང་། སྒོ་སྲུང་གིས་བཟུང་སྟེ། རྒྱལ་པོ་མ་སྐྱེས་དགྲ
146b4 ལ་ཕུལ་ལོ། །རྒྱལ་པོས་དེ་སྐད་ཅེས་ཐོས་ནས་རབ་ཏུ་ཁྲོས་ཏེ། མདའ་གཞུ་བླངས་ནས་རྒྱལ་པོ་ཉིད་ལག་དར་ཏེ་ཁྱེའུ་ལ་འཕངས་ནས་མདའ་འཕངས་པ་ཁྱེའུ་ལ་མ་སོང་གི་ཕྱིར་ཡང་རྒྱལ་པོའི་དྲུང་དུ་ལྷུང་ངོ་། །ལན་གསུམ་གྱི་བར་དུ་དེ་ལྟར་གྱུར་ནས། རྒྱལ་པོ་དངངས་ཏེ།
146b5 གཞུ་ཡང་བོར་ནས་ཁྱེའུ་ལ་ཁྱོད་ལྷའམ་ཀླུའམ། སམ། གནོད་སྦྱིན་ནམ། ཅི་ཞིག་ཞེས་སྨྲས་སོ། །ཁྱེའུས་གསོལ་པ། བདག་ལ་གསོལ་བ་སྣ་ཅིག་མཆིས། དེ་གནང་ན་ལེགས་པར་སྨྲ་ཞེས་གསོལ་པ་དང་། རྒྱལ་པོས་ཀྱང་དེ་བཞིན་དུ་བྱའོ་ཞེས་སྨྲས
146b6 སོ། །ཁྱེའུས་གསོལ་པ། བདག་ནི་ལྷ་ཡང་མ་ལགས་ཀླུ་ཡང་མ་ལགས་ཏེ། རྒྱལ་པོའི་ཁབ་ཀྱི་བློན་པོའི་བུ་ལགས་སོ། །བདག་རབ་ཏུ་བྱུང་བར་དད་ན། བདག་གི་ཕ་མས་མ་གནང་ན། བདག་གི་ལུས་འདི་གཞན་དུ་སྐྱེ་བར་བགྱི་བའི་སླད་དུ་རང་འཆིའོ་སྙམ་ནས། བྲག
146b7 མཐོན་པོ་ལ་མཆོངས། ཆུར་ཡང་མཆོངས། བཙན་དུག་ཀྱང་འཚལ་ན་འགུམ་དུ་མ་བཏུབ་ནས། རྒྱལ་པོའི་ཁྲིམས་ལས་འགལ་བ་ཞིག་བགྱིས་ན་འགུམ་པར་འགྱུར་སྙམ་བསམས་ཏེ། རྒྱལ་པོས་འགུམ་པར་བགྱི་བ་པས་ཀྱང་འདི་ལྟར་མ་འགུམ་སྟེ། ད་འདི་འདྲ་བར་གྱུར་ན་རྒྱལ
iiif viewer powered by OpenSeadragon
