| e-texts navigator |
| Wylie |
141b1 པས་ཀླུ་ཞིག་ཏུ་སྐྱེས་སོ། །དེའི་ཚེ་ན་རྒྱལ་པོར་སྐྱེས་པ་དེའི་བཟའ་ཤིང་གི་ར་བ་བསྲུང་བ་ཞིག་།ཉིན་གཅིག་བཞིན་དུ་ཤིང་ཐོག་རྣམ་པ་སྣ་ཚོགས་སྐྱེལ་སྐྱེལ་བ་ལས། ཕྱིས་དུས་གཞན་ཞིག་ན། ཆུ་མིག་ཅིག་གི་ནང་ནས་ཀུ་ཤུ་ཁ་དོག་དང་དྲི་བསུང་དང་ལྡན་པ་ཞིག་རྙེད་ནས། འདི
141b2 སྙམ་དུ་སེམས་སོ། །བདག་ཤིང་ཐོག་སྐྱེལ་ཞིང་ཕན་ཚུན་འགྲོ་བའི་ཚེ། རྟག་ཏུ་སྒོ་བས་བཀག་སྟེ། ལེགས་པར་འགྲོ་མི་སྟེར་གྱིས། ཀུ་ཤུ་འདི་སྒོ་བ་འདི་ལ་སྦྱིན་ནོ་སྙམ་ནས། རྒྱལ་པོའི་ཆབ་སྒོ་བ་ལ་སྦྱིན་ནོ། །ཆབ་སྒོ་བས་ཀྱང་ཤིང་ཐོག་དེ་བླངས་ནས། འདི་སྙམ་དུ་བསམས
141b3 སོ། །ཞུ་ཞིང་གསོལ་བ་ལ་འགྲོ་བའི་ཚེ། རྟག་ཏུ་ཉུག་རུམ་གྱིས་བཀག་ནས། ཉམས་འཕགས་སུ་འགྲོར་མེད་ཀྱིས། ཀུ་ཤུ་འདི་ནི་ཉུག་རུམ་དེ་ལ་སྦྱིན་སྙམ་དུ་བསམས་ནས། ཉུག་རུམ་ལ་བྱིན་ནོ། །ཉུག་རུམ་གྱིས་ཀྱང་བླངས་ནས། བཙུན་མོ་ལ་ཕུལ་ལོ། །བཙུན་མོས
141b4 ཐོགས་ནས་རྒྱལ་པོ་ལ་ཕུལ་ལོ། །རྒྱལ་པོས་ཀུ་ཤུ་དེ་ཟོས་ནས། རབ་ཏུ་མངར་ཞིང་ལྷག་པར་དྲི་བསུང་དང་ལྡན་པ་ཞིག་ནས། བཙུན་མོ་ལ་ཀུ་ཤུ་འདི་གང་ནས་རྙེད་ཅེས་དྲིས་པ་དང་། བཙུན་མོས་ཀྱང་ཇི་ལྟར་རྙེད་པའི་གཏམ་ཞིབ་ཏུ་བྱས་ནས། གཅིག་ནས་གཅིག་ཏུ་ཐུག་སྟེ།
141b5 ཐ་མར་ར་བ་བསྲུང་བ་ལ་ཐུག་ནས། རྒྱལ་པོས་ར་བ་བསྲུང་བ་བཀུག་ནས། དེ་ལ་འདི་སྐད་ཅེས་བཀའ་སྩལ་ཏོ། །ངའི་བཟའ་ཤིང་གི་ར་བ་ན་ཤིང་ཐོག་འདི་ལྟ་བུ་ཡོད་ན། ཅིའི་ཕྱིར་ང་ལ་མི་འབུལ་བར་གཞན་དག་ལ་སྦྱིན་ཞེས་བཀའ་སྩལ་པ་དང་། ར་བ་བསྲུང་བ་དེས་ཐོག་མ་ཇི་ལྟར
141b6 རྙེད་པ་ཞིབ་ཏུ་གསོལ་ཏོ། །དེ་ནས་རྒྱལ་པོས་ར་བ་བསྲུང་བ་དེ་ལ་དེང་ཕྱིན་ཅད་ཀུ་ཤུ་འདི་ལྟ་བུ་རྟག་ཏུ་ཕུལ་ཅིག་ཅེས་བཀའ་སྩལ་པ་དང་། ར་བ་བསྲུང་བ་དེས་འདི་སྐད་ཅེས་གསོལ་ཏོ། །ཀུ་ཤུ་འདི་ནི་འབྲས་བུ་ལས་སྐྱེས་པ་མ་ལགས་ཏེ། ཆབ་མིག་ཅིག་གི་ནང་ནས་རྙེད་པས་སླན་ཅད་ནི
141b7 བདག་གིས་མི་རྙེད་དེ། མི་འབྱོར་ཏོ་ཞེས་གསོལ་པ་དང་། དེ་ལ་ཡང་རྒྱལ་པོས་ཁྱོད་ཀྱིས་ཕྱིན་ཅད་མ་རྙེད་ན། ཁྱོད་ཀྱི་ལུས་དུམ་བུར་བཅད་དོ་ཞེས་བཀའ་སྩལ་པ་དང་། ར་བ་བསྲུང་བ་དེ་ཕྱིར་གནས་སུ་སོང་ནས་མྱ་ངན་བྱེད་ཅིང་ངུས་པ་དང་། ངུ་བའི་སྒྲ་ཆེན་པོ་དེ་ཀླུ་ཞིག་གིས
iiif viewer powered by OpenSeadragon
