| e-texts navigator |
| Wylie |
134b1 གྲགས་བརྒྱ་སྟོང་དུ་འགྲོ་བ་ཞིག་བསྐྱོན་ཏེ། འཛམ་བུའི་གླིང་ཀུན་ཏུ་བཏང་ནས། རྒྱལ་ཚབ་ད་མ་གམ། དེ་སྟེ་ཞག་བདུན་ན་ཆོས་འདོད་པའི་ཕྱིར་མེའི་དོང་དུ་མཆོང་གིས། ཁྱེད་མཐོང་བར་འདོད་ན་མྱུར་དུ་ཤོག་ཤིག་ཅེས་བསྒོའོ། །དེའི་ཚེ་རྒྱལ་ཕྲན་དང་། འབངས་མང་པོ
134b2 དག་ངུ་ཞིང་ཉམ་ཆུང་བདག་ཀྱང་གཅིག་གིས་གཅིག་ཁྲིད་དེ། རྒྱལ་བུའི་ཐད་དུ་ལྷགས་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། ཐལ་མོ་སྦྱར་ནས་ཐམས་ཅད་ཀྱིས་ཚིག་འཐུན་པར་འདི་སྐད་ཅེས་སྨྲས་སོ། །བདག་ཅག་ནི་རྒྱལ་བུ་ཁྱོད་ལ་བརྟེན་ཏེ། བདག
134b3 ཅག་གི་ཕ་མ་དང་འདྲ་བ་ཁྱོད་མེ་དོང་དུ་མཆོང་ན། འབངས་འདི་དག་ཐམས་ཅད་ལ་མགོན་སྐྱབས་དང་། གནས་མེད་པར་འགྱུར་གྱི་མི་འགའ་ཙམ་གྱི་ཕྱིར། འབངས་ཐམས་ཅད་ཀྱི་དཔུང་གཉེན་མེད་པར་མ་མཛད་ཅེས་གསོལ་པ་དང་། དེ་ནས་རྒྱལ་བུས་མི་མང་པོ་དེ་དག་ལ་འདི
134b4 སྐད་ཅེས་བསྒོའོ། །ང་ནི་ཡུན་རིང་པོ་ནས་འཁོར་བར་འཁོར་བ་ན། ལུས་གྲངས་མེད་པ་ཞིག་འཕོས་པར་གྱུར་ཏེ། མིའི་ནང་དུ་སྐྱེས་པ་ན། འདོད་པས་ཆོག་མི་ཤེས་པས་གཅིག་ལ་གཅིག་འཚེ་ཞིང་གནོད་པར་གྱུར་ཏོ། །མཐོ་རིས་ཀྱི་ལྷར་སྐྱེས་པ་ན་ཡང་ལྷའི་ཚེ་ཟད་པ་ན། འདོད
134b5 པ་དང་བྲལ་བའི་སྡུག་བསྔལ་མྱོང་ངོ་། །སེམས་ཅན་དམྱལ་བར་སྐྱེས་པ་ན་ཡང་མེར་ཚིག་པ་དང་། ཟངས་སུ་བསྐོལ་བ་དང་། རལ་གྲི་དང་མཚོན་ཆས་དམྱལ་ཞིང་གཏུབས་པ་དང་། གདུག་པའི་ཆུ་ལ་འབོག་པ་དང་། རལ་གྲིའི་སོ་ལ་འཛེག་ཅིང་ཉིན་གཅིག་ལ་ཡང་ཚེ་འཕོས་པ
134b6 གྲངས་མེད་པ་ཞིག་མྱོང་སྟེ། ན་བ་དང་འཆི་བའི་སྡུག་བསྔལ་རུས་པ་ལ་ཐུག་པ་བརྗོད་ཀྱིས་མི་ལང་བ་ཞིག་མྱོང་ངོ་། །སུ་སྐྱེས་པ་ན་ཡང་། ལུས་ཀྱིས་མི་བཟོད་པའི་སྡུག་བསྔལ་རྣམ་པ་སྣ་ཚོགས་མྱོང་ངོ་། །དུད་འགྲོའི་སྐྱེ་གནས་སུ་ནི་ལུས་ཉིད་ཆུད་གཟན་དུ་གྱུར་ཏེ། ཁལ་ལྕི
134b7 བ་བཀལ་ནས་རྩཝ་ལས་མི་ཟ་བའི་སྡུག་བསྔལ་བཟོད་པར་དཀའ་བ་མྱོང་བས། ལུས་དང་སྲོག་ཆུད་གསན་ཀྱང་། དམ་པའི་ཆོས་ཀྱི་ཕྱིར་དགེ་བའི་སེམས་ཅུང་ཟད་ཙམ་ཡང་བསྐྱེད་མ་མྱོང་བས། ད་ནི་ལུས་བཙོག་པ་དམན་པ་འདི་ཆོས་ཀྱི་ཕྱིར་མཆོད་པ་བྱེད་ཀྱིས། བདག་གི་བླ་ན་མེད་པའི
iiif viewer powered by OpenSeadragon
