| e-texts navigator |
| Wylie |
134a1 འོངས་ནས། དམ་པའི་ཆོས་བདག་ལ་ཡོད་དེ་བསྟན་པར་བྱའོ་ཞེས་སྨྲས་པ་དང་། རྒྱལ་བུས་ཐོས་ནས་ཕྱི་རོལ་ནས་བསུས་ཏེ། རྐང་པ་ལ་ཕྱག་བྱས་ནས། ཕོ་བྲང་གི་ནང་དུ་ཁྲིད་དེ། སྟན་བཏིང་བ་ལ་བཞག་གོ། །རྒྱལ་བུས་ཐལ་མོ་སྦྱར་ཏེ། སྟོན་པ
134a2 ཆེན་པོ་ཐུགས་བརྩེ་བའི་སླད་དུ། དམ་པའི་ཆོས་བསྟན་དུ་གསོལ། ཞེས་སྨྲས་པ་དང་། བྲམ་ཟེས་སྨྲས་པ། བསླབ་ཅིང་ལོབས་པ་ཡང་ཤིན་ཏུ་དཀའ་ལ། སློབ་དཔོན་གཉེར་ཞིང་ཤེས་པར་འགྱུར་བ་ཡང་སླ་བ་མ་ཡིན་པས། འདི་ཙམ་དུ་ཆོག་པར་འགྱུར་བ་མ་ཡིན་ཏེ།
134a3 ཆོས་ཐོས་པར་འདོད་པ་ནི་རིགས་པ་མ་ཡིན་ནོ། །རྒྱལ་བུས་སྨྲས་པ། སྟོན་པ་ཆེན་པོ་ཅི་དང་ཅི་འདོད་པ་གསུངས་ཤིག་དང་། བདག་གིས་ལུས་དང་། ཆུང་མ་དང་། བུ་ཕོའི་བར་དུ་བཞེད་ན་ཡང་ཐམས་ཅད་མི་ཕངས་ཏེ། བཀའ་བཞིན་དུ་བགྱིའོ། །བྲམ་ཟེས་སྨྲས་པ།
134a4 གལ་ཏེ་མེའི་དོང་ཟབས་སུ་ཁྲུ་བཅུ་པའི་ནང་མེ་མུར་གྱིས་བཀང་ལ་དེའི་ནང་དུ་མཆོངས་ཏེ་མཆོད་པ་བྱས་ན་དམ་པའི་ཆོས་བསྟན་ཏོ་ཞེས་སྨྲས་པ་དང་། དེའི་ཚེ་ན་རྒྱལ་བུ་དེས་སློབ་དཔོན་གྱི་ལུང་བཞིན་དུ་མེ་དོང་ཆེན་པོ་བྱས་སོ། །དེ་ནས་རྒྱལ་པོ་དང་། བཙུན་མོ་དང་། བློན་པོ་དང་།
134a5 ཕོ་བྲང་གི་སླས་ཀྱིས་དེ་ལྟ་བུར་གྱུར་པ་དག་ཐོས་ནས། ལུས་དང་སེམས་མི་བདེ་བར་གྱུར་ནས། ཐམས་ཅད་རྒྱལ་བུའི་ཕོ་བྲང་དུ་ལྷགས་ནས། རྒྱལ་བུ་ལ་ཡང་གསོལ་བ་བཏབ། བྲམ་ཟེ་ལ་ཡང་ཀུན་གྱིས་ནན་གྱིས་བསྐོར་ནས། བཙུན་པ་ཐུགས་རྗེ་བར་དགོངས་ཏེ། བདག
134a6 ཅག་གི་སླད་དུ་རྒྱལ་བུ་འདི་མེའི་དོང་དུ་མཆོང་བར་མི་མཛད་དུ་གསོལ། འཁོར་རམ། ཆུང་མའམ། བུ་མོའམ། བདག་གི་ལུས་བཞེད་ན་ཡང་འབུལ་ལོ་ཞེས་གསོལ་པ་དང་། བྲམ་ཟེས་སྨྲས་པ། བདག་གིས་ནན་གྱིས་མི་བྱར་མི་རུང་བ་ནི་མེད་ཀྱིས་རྒྱལ་བུས་ཅིར
134a7 བརྩམས་པར་ཟད་དེ། གལ་ཏེ་དེ་ལྟར་ནུས་ན་ནི། ཆོས་བསྟན་པར་ཡང་བྱ། ཅི་མི་ནུས་ན་ནི་ཆོས་ཀྱང་མི་བསྟན་ཏོ་ཞེས་སྨྲས་སོ། །འཁོར་རྣམས་ཀྱིས་ཀྱང་དེའི་དམ་བཅས་པ་བརྟན་པར་ཤེས་ཤིང་རྟོགས་ནས་ཅང་མི་སྨྲའོ། །དེའི་ཚེ་རྒྱལ་པོས་ཀྱང་ཕོ་ཉ་ཞིག་།གླང་པོ་ཆེ་རྒྱང
iiif viewer powered by OpenSeadragon
