| e-texts navigator |
| Wylie |
132b1 བསྟན་པར་གྱུར་ན། ཅི་དང་ཅི་འདོད་པ་ཡིད་བཞིན་དུ་སྦྱིན་ནོ་ཞེས་བསྒོའོ། །དེ་ནས་བྲམ་ཟེའི་ལེའུ་ངུ་ཆུ་ཞེས་བྱ་བ་ཕོ་བྲང་གི་སྒོར་འོངས་ནས་འདི་སྐད་ཅེས་སྨྲས་སོ། །བདག་ལ་དམ་པའི་ཆོས་ཡོད་དེ། གང་ཐོས་པར་འདོད་པ་ལ་བསྟན་པར་བྱའོ། །ཞེས་སྨྲས་པ་རྒྱལ་པོས་ཐོས
132b2 ནས་རབ་ཏུ་དགའ་མགུ་རངས་ཏེ། ཕྱི་རོལ་ཏུ་བསུས་ནས་རྐང་པ་ལ་མགོ་བོས་ཕྱག་འཚལ་ཏེ། ཚིག་སྙན་པར་སྨྲས་ནས། ཕོ་བྲང་གི་ནང་དུ་ཁྲིད་དེ། དེ་སྟན་བཏིང་བ་ལ་བཞག་ནས་ཐལ་མོ་སྦྱར་ཏེ། འདི་སྐད་ཅེས་སྨྲས་སོ། །སྟོན་པ་ཆེན་པོ་བདག་ལ་དམ་པའི་ཆོས
132b3 བསྟན་དུ་གསོལ། བྲམ་ཟེས་སྨྲས་པ། བདག་གིས་ལུས་ཀུན་ཏུ་སྡུག་བསྔལ་སྣ་ཚོགས་མྱོང་ནས་ཡུན་ཡང་རིང་པོ་ཞིག་ལོན་ཏེ། གདོད་ལོབས་པས། རྒྱལ་པོ་ཆེན་པོ་ཐོས་པར་འདོད་ན། འདི་ཙམ་གྱིས་ཆོག་པ་མ་ཡིན་ནོ། །རྒྱལ་པོས་ཐལ་མོ་སྦྱར་ཏེ། ཅི་དང
132b4 ཅི་འདོད་པ་སྨྲོས་ཤིག་དང་། སྟོན་པ་ཁྱོད་ལ་མི་ཕངས་པ་ཐམས་ཅད་འབུལ་ལོ། །བྲམ་ཟེས་སྨྲས་པ། གལ་ཏེ་ཁྱོད་ཀྱི་ལུས་ལ་ལྕགས་གཟེར་སྟོང་གིས་བཏབ་ན། ཁྱོད་ལ་ཆོས་སྦྱིན་ནོ་ཞེས་སྨྲས་པ་དང་། རྒྱལ་པོས་སྨྲས་པ། དེ་བཞིན་དུ་བགྱིའོ། །དེ་སྟེ
132b5 ཞག་བདུན་ན་དངོས་པོ་འདི་དག་བསྒྲུབ་བོ་ཞེས་སྨྲས་སོ། །དེའི་ཚེ་ན་རྒྱལ་པོ་དེས་ཕོ་ཉ་ཞིག་གླང་པོ་ཆེ་རྒྱང་གྲགས་བརྒྱད་ཁྲི་བཞི་སྟོང་སྙེད་དུ་འགྲོ་བ་ཞིག་ལ་བསྐྱོན་ཏེ། འཛམ་བུའི་གླིང་ཀུན་ཏུ་འདི་སྐད་ཅེས་བསྒོའོ། །རྒྱལ་པོ་ཆེན་པོ་བྱིང་ལིང་གར་ལིས། དེ་སྟེ་ཞག
132b6 བདུན་ན་ལུས་ལ་ལྕགས་གཟེར་སྟོང་གིས་འདེབས་སོ་ཞེས་བསྒོ་བ་དང་། བློན་པོ་དང་འགྲོ་བ་མང་པོས་ཐོས་ནས་ཐམས་ཅད་རྒྱལ་པོའི་དྲུང་དུ་ལྷགས་ཏེ། འདི་སྐད་ཅེས་གསོལ་ཏོ། །བདག་ཅག་ཕྱོགས་བཞི་ན་འཁོད་པའི་འགྲོ་བ་ཐམས་ཅད་རྒྱལ་པོའི་ཡོན་ཏན་དང་། བཀའ་དྲིན
132b7 གྱིས་སོ་སོ་ནས་བདེ་བ་དང་སྐྱིད་པ་ལ་ལོངས་སྤྱོད་དེ། རྒྱལ་པོ་ཆེན་པོ་ད་བདག་གི་སླད་དུ་གསོལ་བ་བཏབ་སྟེ། སྐུ་ལ་ལྕགས་གཟེར་སྟོང་གིས་མི་གདབ་ཏུ་གསོལ་ཞེས་གསོལ་པ། དེའི་ཚེ་ན་བཙུན་མོ་དང་། ཕོ་བྲང་གི་སླས་དང་། རྒྱལ་ཚབ་དང་། རྒྱལ་བུ་དང་། བློན་པོ་ཐམས
iiif viewer powered by OpenSeadragon
