| e-texts navigator |
| Wylie |
269a1 དང་། ཚེ་ཐུང་བར་འགྱུར་བའི་ལས་བྱས་ཤིང་བསགས་པས་ལུས་ཞིག་སྟེ་ཤི་ནས་ཀྱང་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་དག་ཏུ་སྐྱེ་ཞིང་། གལ་ཏེ་དེ་ནས་ཤི་འཕོས་ཏེ་འདིར་མི་རྣམས་དང་སྐལ་བ་མཉམ་པར་སྐྱེས་ན་ཡང་དེ་གང་དང་གང་དུ
269a2 སྐྱེས་པ་དེ་དང་དེར་ཚེ་ཐུང་བར་འགྱུར་ཞིང་ནད་མང་བར་ཡང་འགྱུར་ཏེ། དགའ་བ་ཅན་སྲོག་གཅོད་པའི་ཉེས་དམིགས་བཅུ་པོ་དེ་དག་ཡིན་པར་རིག་པར་བྱའོ། །དགའ་བ་ཅན་མ་བྱིན་པར་ལེན་པའི་ཉེས་དམིགས་བཅུ་ནི་འདི་དག་ཡིན་པར་རིག་པར་བྱ་སྟེ། །བཅུ་པོ་དག
269a3 གང་ཞེ་ན། འཁོན་ཆེན་པོར་འགྱུར་བ་དང་། བག་ཚ་བ་ཆེན་པོར་འགྱུར་བ་དང་། དུས་མ་ཡིན་པར་འགྲོ་བར་འགྱུར་བ་དང་། ཕྱེ་མ་རེད་ཀྱི་དུས་སུ་འགྲོ་བར་འགྱུར་བ་དང་། སྡིག་པའི་གྲོགས་པོས་ཡོངས་སུ་ཟིན་པར་འགྱུར་བ་དང་། དགེ་བའི་བཤེས་གཉེན
269a4 ཀྱིས་ཡོངས་སུ་སྤངས་པར་འགྱུར་བ་དང་། ཚུལ་ཁྲིམས་འཆལ་བར་འགྱུར་བ་དང་། རྒྱལ་པོས་གནོད་པར་འགྱུར་བ་དང་། ཆོམ་རྐུན་གྱིས་གནོད་པར་འགྱུར་བ་དང་། ཆད་པས་གཅོད་པས་གནོད་པར་འགྱུར་ཏེ། ལོངས་སྤྱོད་ཀྱིས་ཕོངས་པར་འགྱུར་བའི་ལས་བྱས
269a5 ཤིང་བསགས་པས་ལུས་ཞིག་སྟེ་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་དག་ཏུ་སྐྱེ་ཞིང་། གལ་ཏེ་དེ་ནས་ཤི་འཕོས་ཏེ་འདིར་མི་རྣམས་དང་སྐལ་བ་མཉམ་པར་སྐྱེས་ན་ཡང་དེ་གང་དང་གང་དུ་སྐྱེས་པ་དེ་དང་དེར་དབུལ་པོར་འགྱུར་རོ། །དེའི
269a6 ལོངས་སྤྱོད་དུ་འགྱུར་བ་གང་ཡིན་པ་འབད་པ་ཆེན་པོས་རྔུལ་ཞིང་དྲི་མ་ཆགས་ཆགས་སུ་རྐང་ལག་གི་མཐུས་བསྒྲུབས་པ་དེ་དག་གནོད་པ་ལྔས་གནོད་པར་འགྱུར་ཏེ། །ལྔ་པོ་དག་གང་ཞེ་ན། རྒྱལ་པོ་དང་། མེ་དང་། ཆུ་དང་། བགོ་སྐལ་ལ་སྤྱོད་པ་མི་མཛའ་བ་དང་།
269a7 སྦས་པ་དག་གིས་དེ་ཆུད་ཟ་བར་འགྱུར་ཏེ། དགའ་བ་ཅན་མ་བྱིན་པར་ལེན་པའི་ཉེས་དམིགས་བཅུ་ནི་དེ་དག་ཡིན་པར་རིག་པར་བྱའོ། །དགའ་བ་ཅན་འདོད་པས་ལོག་པར་གཡེམ་པའི་ཉེས་དམིགས་བཅུ་ནི་འདི་དག་ཡིན་པར་རིག་པར་བྱ་སྟེ། བཅུ་པོ་དག་གང་ཞེ་ན།
iiif viewer powered by OpenSeadragon
