| e-texts navigator |
| Wylie |
251a1 པད་མའི་འདབ་ལ་ཆུ་ལྟར་དང་། །སྨྱུང་བུའི་རྩེ་ལ་ཡུངས་ཀར་ལྟར། །སྲིད་ལ་དགའ་བ་ཡོངས་སྤངས་དེ། །བྲམ་ཟེ་ཡིན་པར་ངས་གསུངས་སོ། །ཟླ་བ་དག་ཅིང་དྲི་མེད་ལ། །སྐྱོན་བྲལ་རབ་ཏུ་དང་བ་ལྟར། །གང་ཞིག་སྡིག་པས་མི་གོས་དེ། །བྲམ་ཟེ་ཡིན་པར་ངས་གསུངས་སོ། །ཟླ་བ་དག
251a2 ཅིང་དྲི་མེད་ལ། །སྐྱོན་བྲལ་རབ་ཏུ་དང་བ་ལྟར། །གང་ཞིག་འདོད་པས་མི་གོས་དེ། །བྲམ་ཟེ་ཡིན་པར་ངས་གསུངས་སོ། །ཟླ་བ་དག་ཅིང་དྲི་མེད་ལ། །སྐྱོན་བྲལ་རབ་ཏུ་དང་བ་ལྟར། །སྲིད་ལ་དགའ་བ་ཡོངས་སྤངས་དེ། །བྲམ་ཟེ་ཡིན་པར་ངས་གསུངས་སོ། །འདམ་རྫབ་ཀྱིས་ནི་མཁའ་ལྟར་དང་། །རྡུལ་གྱིས་ཟླ
251a3 བ་ཇི་ལྟ་བར། །གང་ཞིག་སྡིག་པས་མི་གོས་དེ། །བྲམ་ཟེ་ཡིན་པར་ངས་གསུངས་སོ། །འདམ་རྫབ་ཀྱིས་ནི་མཁའ་ལྟར་དང་། །རྡུལ་གྱིས་ཟླ་བ་ཇི་ལྟ་བར། །གང་ཞིག་འདོད་པས་མི་གོས་དེ། །བྲམ་ཟེ་ཡིན་པར་ངས་གསུངས་སོ། །འདམ་རྫབ་ཀྱིས་ནི་མཁའ་ལྟར་དང་། །རྡུལ་གྱིས་ཟླ་བ་ཇི་ལྟ་བར། །
251a4 སྲིད་ལ་དགའ་བ་ཡོངས་སྤངས་དེ། །བྲམ་ཟེ་ཡིན་པར་ངས་གསུངས་སོ། །གང་ཞིག་འདུག་ནས་རྡུལ་བྲལ་བ། །སེམས་ཤིང་ཟག་ཟད་བྱ་བ་བྱས། །དུལ་ཞིང་ལུས་མཐར་གནས་པ་དེ། །བྲམ་ཟེ་ཡིན་པར་ངས་གསུངས་སོ། །ཤེས་རབ་ཟབ་ཅིང་ཡིད་གཞུངས་ལ། །ལམ་དང་ལམ་མིན་རྣམས
251a5 ལ་མཁས། །གང་ཞིག་དོན་མཆོག་རྗེས་ཐོབ་དེ། །བྲམ་ཟེ་ཡིན་པར་ངས་གསུངས་སོ། །མི་ནི་གང་ཡང་རུང་བ་དག་།སློངས་མོ་ཙམ་གྱིས་འཚོ་བ་དང་། །བདག་མེད་སུ་ལའང་གནོད་མི་བྱེད། །བརྟན་ལྡན་ཚངས་པར་སྤྱོད་པ་ཅན། །ཀུན་ཤེས་སྤྱད་ཕྱིར་ཆོས་སྟོན་དེ། །བྲམ་ཟེ་ཡིན
251a6 པར་ངས་གསུངས་སོ། །གང་ཞིག་འདོད་པ་ལེགས་སྤངས་ཤིང་། །ཁྱིམ་མེད་པར་ནི་རབ་བྱུང་སྟེ། །འདོད་པའི་ཟག་པ་ཡོངས་ཟད་དེ། །བྲམ་ཟེ་ཡིན་པར་ངས་གསུངས་སོ། །འགྲོ་བ་དང་ནི་གནས་པ་ཡི། །འབྱུང་པོ་ཆད་པས་མི་གཅོད་ཅིང་། །གསོད་མེད་གསོད་དུ་མི་འཇུག་དེ། །
251a7 བྲམ་ཟེ་ཡིན་པར་ངས་གསུངས་སོ། །གང་ཞིག་མི་འཐུན་འཐུན་བྱེད་ཅིང་། །ཆད་པས་གཅོད་པ་དང་དུ་ལེན། །འབྱུང་པོ་རྣམས་ལ་བརྩེ་ཕན་དེ། །བྲམ་ཟེ་ཡིན་པར་ངས་གསུངས་སོ། །སྨྱུང་བུའི་རྩེ་ལ་ཡུངས་ཀར་ལྟར། །གང་ཞིག་འདོད་ཆགས་ཞེ་སྡང་དང་། །ང་རྒྱལ་འཆབ་པ
iiif viewer powered by OpenSeadragon
