| e-texts navigator |
| Wylie |
245a1 པའི་སེམས་མེད་ཅིང་། །འབྱུང་པོ་རྣམས་ལ་བརྩེ་བ་དང་། །སེམས་ཅན་ཀུན་ལ་བྱམས་བྱེད་པ། །དེ་ལ་ནམས་ཀྱང་འཁོན་མི་འགྱུར། །མཛའ་བཤེས་ཀུན་དང་གྲོགས་ཀུན་དང་། །འབྱུང་པོ་ཀུན་ལ་བརྩེ་བ་དང་། །བྱམས་པའི་སེམས
245a2 ནི་བསྒོམས་བྱས་ན། །བདེ་བ་ཤིན་ཏུ་འཕེལ་བར་འགྱུར། །གལ་ཏེ་གང་ཞིག་སྲོག་ཆགས་འགའ་ལའང་སྡང་མེད་སེམས། །བྱམས་པར་བྱེད་ན་དེ་ཡིས་དེ་ནི་དགེ་བ་ཡིན། །སེམས་ཅན་ཐམས་ཅད་ལ་ནི་ཡིད་ཀྱིས་བརྩེ་བྱས་ན། །བསོད་ནམས་ཕལ
245a3 ཆེན་འཕགས་པས་རབ་ཏུ་བསྒྲུབ་པར་འགྱུར། །མི་གང་དགའ་བའི་སེམས་དང་ནི། །ཞུམ་པ་མེད་པའི་ཡིད་ཀྱིས་སུ། །དགེ་བའི་ཆོས་ལ་སྒོམ་བྱེད་པ། །གྲུབ་པ་དང་ནི་བདེ་བ་འཐོབ། །ཡང་དག་ཤེས་པས་རྣམ་གྲོལ་ཞིང་། །སྐྱོ་བ་ཉེ་བར་ཞི་གྱུར་པ། །དེ
245a4 ཡིས་ཡིད་ནི་ཞི་གྱུར་ཅིང་། །ལུས་དང་ངག་གི་ལས་ཀྱང་ཞི། །ཇི་ལྟར་རྩེ་གཅིག་སེམས་ཀྱིས་ནི། །ཆོས་རྣམས་ལེགས་པར་མཐོང་བ་ལྟར། །སིལ་སྙན་ཡན་ལག་ལྔ་པས་ཀྱང་། །དེ་ལྟར་དགའ་བར་བྱེད་མི་འགྱུར། །གང་ཡིད་ཏིང་འཛིན་ལ་དགའ་བ། །དེ་དག
245a5 འདོད་པས་རྩེ་མི་བྱེད། །གང་ཞིག་ཅུང་ཟད་གདུང་མེད་པའི། །སྐྱོབ་པ་བདེ་བར་ཉལ་བར་འགྱུར། །གང་ཡིད་ཏིང་འཛིན་ལ་དགའ་བ། །དེ་དག་འདོད་པས་རྩེན་མི་བྱེད། །གང་ཞིག་ཅུང་ཟད་གདུང་མེད་པའི། །ཐུབ་པ་ཀྱེ་མའོ་དགའ་བར་འགྱུར། །གང་གི་སེམས་ནི
245a6 བྲག་ལྟ་བུར། །རབ་ཏུ་གཡོ་བ་མེད་འདུག་པ། །ཆགས་པའི་གནས་ལ་མི་ཆགས་ཏེ། །ཁྲོ་བའི་གནས་ལ་འཁྲུག་མེད་པར། །གང་ཡིད་དེ་ལྟར་གྱུར་པ་དེ། །སྡུག་བསྔལ་ཐོབ་པར་ག་ལ་འགྱུར། །སྐུར་པ་མི་གདབ་གནོད་མི་བྱ། །སོ་སོར་ཐར་པས་བསྡམ་པར་བྱ། །
245a7 ཟས་ཀྱི་ཚོད་ཀྱང་ཤེས་པར་བྱ། །བས་མཐའ་དགོན་པར་གནས་བྱ་ཞིང་། །ལྷག་པའི་སེམས་ལ་རྣལ་འབྱོར་བྱ། །འདི་ནི་སངས་རྒྱས་བསྟན་པ་ཡིན། །སེམས་ཀྱི་རྟགས་ལ་མཁས་པ་དང་། །རབ་ཏུ་དབེན་པའི་རོ་རྙེད་དང་། །རབ་དྲང་སེམས་པའི་འགྲུས་སྐྱོང་ཅན། །ཟང་ཟིང
iiif viewer powered by OpenSeadragon
