| e-texts navigator |
| Wylie |
156a1 བ་ཡིན་ཞིང་མཐར་འཆི་བར་འགྱུར་བ་སྟེ། སྐྱེས་ནས་འཆི་བར་མི་འགྱུར་བ་མེད་དོ། །གང་ཡང་ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བུའམ། བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུའམ། རྒྱལ་རིགས་ཤིང་སཱ་ལ་ཆེན་པོ་ལྟ་བུ་ཕྱུག་པ། ནོར་མང་བ།
156a2 ལོངས་སྤྱོད་ཆེ་བ། ནོར་བུ་དང་། མུ་ཏིག་དང་། བཻ་དཱུ་རྱ་དང་། ཤང་ཀ་ཤི་ལ་དང་། བྱི་རུ་དང་། གསེར་དང་། དངུལ་དང་། ནོར་དང་། ལོངས་སྤྱོད་མང་བ་དང་། འབྲུ་དང་། དབྱིག་དང་། གསེར་དང་། མཛོད་དང་། བང་བ་བསགས་པ་མང་བ་དང་། བྲན་ཕོ་དང་།
156a3 བྲན་མོ་དང་། ཞོ་ཤས་འཚོ་བ་མང་བ་དང་། མཛའ་བཤེས་དང་། ཉེ་དུ་དང་། སྣག་གི་གཉེན་མཚམས་མང་བ་དེ་དག་གི་གསོན་པའི་མཐའ་ཡང་འཆི་བར་འགྱུར་བ་སྟེ། སྐྱེས་ནས་འཆི་བར་མི་འགྱུར་བ་མེད་དོ། །གང་ཡང་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ།
156a4 ཡུལ་ལ་དབང་བ། མཐུ་ཐོབ་པ། ས་ཆེན་པོའི་དཀྱིལ་འཁོར་དུ་མངོན་པར་རྒྱལ་བས་གནས་པ་དེ་དག་གི་གསོན་པའི་མཐའ་ཡང་འཆི་བ་ཡིན་ཞིང་མཐར་འཆི་བར་འགྱུར་བ་སྟེ། སྐྱེས་ནས་འཆི་བར་མི་འགྱུར་བ་མེད་དོ། །གང་ཡང་དྲང་སྲོང་ནགས་ན་གནས་པ་རྩ་བ་དང་།
156a5 འབྲས་བུ་ཟ་ཞིང་རྩ་བ་དང་འབྲས་བུ་ལ་སྤྱོད་པ། རྩ་བ་དང་། འབྲས་བུས་འཚོ་ཞིང་གནས་པ་དེ་དག་གི་གསོན་པའི་མཐའ་ཡང་འཆི་བར་འགྱུར་བ་སྟེ། སྐྱེས་ནས་འཆི་བར་མི་འགྱུར་བ་མེད་དོ། །གང་ཡང་རྒྱལ་ཆེན་བཞིའི་རིས་ཀྱི་ལྷ་རྣམས་དང་། སུམ་ཅུ་རྩ་གསུམ་དང་འཐབ
156a6 བྲལ་དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་ཀྱི་ལྷ་རྣམས་ཏེ། དེ་དག་གི་གསོན་པའི་མཐའ་ཡང་འཆི་བ་ཡིན་ཞིང་མཐར་འཆི་བར་འགྱུར་བ་སྟེ། སྐྱེས་ནས་འཆི་བར་མི་འགྱུར་བ་མེད་དོ། །གང་ཡང་གཟུགས་ཅན་གྱི་ལྷ་རྣམས་ཏེ། བསམ
156a7 གཏན་དང་པོ་ཐོབ་པ། ཚངས་རིས་དང་། ཚངས་པ་མདུན་ན་འདོན་དང་། ཚངས་ཆེན་ཏེ། དེ་དག་གི་ཡང་གསོན་པའི་མཐའ་འཆི་བ་ཡིན་ཞིང་མཐར་འཆི་བར་འགྱུར་བ་སྟེ། སྐྱེས་ནས་འཆི་བར་མི་འགྱུར་བ་མེད་དོ། །གང་ཡང་བསམ་གཏན་གཉིས་པ་ཐོབ་པའི་ལྷ་རྣམས་ཏེ། འོད
iiif viewer powered by OpenSeadragon
